مابعد هذا الظلام؟

الحلقة 3

عند وتين جاها بوها
مراد: البسي كويس وتعالي متخليش الراجل يستنى وطلع وخلا وتين الي تشبح ومصدومة
وتين : ايه يعني النساوين الي قدمتلهم جايين اوووف ياربي علاش هكي بس
ولبست وطلعت لانه اشبح شن حيصير لو مطلعتش لانها ديما تحت تهديد لو مسمعتش كلامهم كله على خاطر حمودي ادير فيه لبست عباية كحلة ووشاربة وردية وجمالها كان طبيعي خدودها الورديات والفم الوردي ولبست شبشب وردي وطلعت خشت للمربوعة وكان فيها شاب  في عمر 30 هكي
وتين بصوت يادوب طالع وهادي : السلام عليكم
ردو  السلام
مراد: هي اني نخليكم على راحتكم وطلع
جمال: كيف حالك عرفينى عليك عاد تو كان صار النصيب حتولي مرتي
وتين هني نصدمت بسرعة وطلعت تجري
جمال بصوت ماينسمعش : الواضح انك حتهبلينى في جرتك بس يلا
خش مراد وهو مستغرب بي قاله جمال انه اكيدة تحشمت وروحو الضيوف
في الدار سمية ومراد يحكو
مراد:
‏Mone :تذكرتو سمية لما خشت على وتين  في الدار مش قتلكم انها خشت وادكرت شن قالت لمراد لما جو الضيوف وعرفوهم ضيوف شني وكيف خلت مراد يقتنع )
سمية: خطابة
مراد:  والراجل في 30 صح مش كبير هلبا
سمية : بناتي مش حيقدمو القهوة ولا حيشوفوهم حنقول لوتين
مراد: تكيف منبيش نعطيه بكل اني
سمية : اسمعني ياراجل بنتك سكرت 18 خلاص وانت تعرف ومنبيش ندكرك شن شادة علينا هي ومستحيل في يوم تحبنا ومرات تفضحنا عارف وله خصوصي انها كبرت ومرات تجيبلك العار تبدا تكلملك في الولاد وتصيع زوجها  وافتكى منها
مراد: بس مزال نصيبها وبنتي متربية مش حتصيع ومتقدرش تفضحني كان تبي راهو  فضحتنا قداش ليها منقدرش نعطي بنتي تراهو قاعدة صغيرة بروحك قلتيها كيف سكرت 18 وهو في 30 
سمية: من امتى تحبها بنتك الحب هذا كله بس قولي وايه علاش تقعد متحشم مع صاحبك اعطيها بنتك وخلاص راهو تتهنى عليها هكي خير من بعدين تقعدلنا هي ودوتها الفاضية متندريش مرات تقعد تهدد فينا ولا حاجة وكان قعدت هلبا مرات تكشف حاجات متعرفهاش متلا امها
مراد هني بدي يدكر كل شيء وهي زدات تعبيله في راسه : خلاص اني حنوافق وحتتزوج وغصب
سمية: تقول هكي من الاول هي خلي نمشي انادي عليها
ومشت
نرجعو توا
مراد: هي بنتي وخليتيني نعطيها شن بيصير توا
سمية: حتعيش براحة بدون متشوفها ولا ادكرك بشيء لاني نعرفك كيف تشوفلها وشن تتدكر راه
مراد قعد يشبح ومصدوم
سمية: يعني معاش حتعيش مع عذاب الضمير مدرتش شيء غلط اتهنيت على بنتك انت
مراد: يبي العرس توا قالي الشهر هوا
سمية : كيف
مراد: قالي اني كل شيء واتي وانت معندك شن بتوتي تقدر تشري كل شيء بسرعة
سمية: ايه احسن كل ما استعجل كان خير
وقعدو يهدرزو ومراد رضي وخلاص عنده عادي واقتنع بكلامها الي لو هو اب وعنده ذرة طيبة بس مكانش اتر فيه حتى كلمة من هادوم
فات اليوم عادي
تاني يوم الي هو جمعة
وتين روتين عادي من الصبح هي ومحمد طلعاته ادهورت بيه بعدها لعبت هي وياه في الحوش
في اليل خش محمد رقد في داره وهي حشت لدار ظلمتها وخلت الضيء الصغيروني الي في المكتب وكانت مقعمز عالكرسي تقرا في كتاب
خشت عليها سمية
وتين قامت راسها من على كتاب: كم مرة نقولك طقطقي
سمية: اني جاية بنقولك انه فاتحتك الخميس  الجاي متاع الاسبوع هوا
وتين قعدت تشبح ومصدوم
وتين: من قالك اني نبي نتزوج من قالكم اني وافقت
سمية :  حتى لو مقلتيش احني قلنا
وتين : حتى بابا صار
سمية : ايه
وتين : منبيش نتزوج اني  مش موافقة علاش هكي
سمية: حتوافقي وتزوجي غصب عنك
وتين: مفيش شيء يغصبني اني
سمية قربت منها وشدتها من حوايجها : انت تعرفي شن حندير وقتها وطلعت وخلتها
وتين قعدت تصيح وتكسر في الدنيا  ووكان في ايدها تحفة حدفتها عالمرايا تكسرت : نكرههكم نكرهكوووووووم عللاااااش اديرو فيا هكي شن درتلكم بس شن درت اني مجرميييييين منحبكمش  نكرهكم وقعمزت لوطا وقعدت تبكي  واعصاب المعدة ناضو عليها نكرهكم نكرهكم  شن درتلكم اني بس حرام عليكم علاش دمرتوني حطمتوني واني في عمر صغير شفت حاجات مفروض مشفتهاش  وقعدت تبكي حسبي الله فيكم وقعدت تبكي  لين خلاص  ونجرحت من المرايا ايدها قعدت تصب دم بس متالمتش كان في مكان واحد بس يوجع فيها الي هوا (🫀) كانت مكسورة محطمة وقعدت تبكي لين رقدت لوطا عالدنيا الحايسة لمكسرة وناضت تاني يوم
وتين اخخخ راسي: وناضت لقت الدنيا حايسة ادكرت كل شيء وتنهدت وقعدت تلم وشاردة تفكر كيف بتطلع ومنحكيش من اعصاب المعدة الي نايضات عليها بتموت مش قادرة  ولفت حست بالم مش طبيعي في ايدها واضحة نازفة هلبا لين جف مشت غسلتها ودارت عليها لصقة كانت عندها في دار زي الصيدلية الصغيرونة داوتها ولصقتها وقعدت تفكر
وتين نوافق عادي نعيش حياتي عادي كله على خاطر حمودي يعني لو مدرتش الي يبوه حيضروه ليش منقدرش نضرهم علاش هو صح اني صغيرة بس تو خلاص زوجوني ويعني مش كبير هو عمره باهي وفرق العمر  مش مشكلة يعني شن حنخسر منقدرش اصلا ندير شيء بعدين يضرو محمد نتزوج ونعيش حياتي مع محمد بالك نحبه ونتاقلم معاه حتى لو كان في فرق عمر لانه العمر عمره ماكان مشكلة ونفتكى منهم ومن تهديداتهم وياسر تعبت من حياة هادي امالا من بوي كل مايشبحني ضروري ميهزب او يضرب اني حنمشي بمقولتي زي قبل حنعيش حياتي زي ماهي يعني تو نحطيت وبيزوجوني غصب خلاص حنعيش حياتي زي ماهي كملت الحوسة الي دارتها ومشيت لمحمد
وتين: حمودي
محمد: نعم
وتين: شن مكسد بروحك من امتى نايض
محمد : تو ملياش هلبا
وتين : تعالى نطلعو مداما عطلة اليوم نفطرو برا
محمد : باه
محمد بدل لبس سروال اسود وسورية سودة ودجاكة خضراء وبوت  شبيه لمتاع وتين  تو نوصفهولكم في وتين 😂😂 فيه ربطات غر متاع ولاد ودار مشوكة😂ولبس ساعة كحلة وبخ برفانه  وطلع لقي وتين لابسة
طبعا جي لوتين تلبسله في الساعة 😂 وقعدت تساويله في حوايجه
وتين لابسة  لبست سروال اسود وبلوزة كحلة  وودجاكة زي الكبوط لونها اخضر وخضوريته حلوة مش طويل ومش قصير لفوق الركبة بشوي وزي الصوف وفسطه الشدة عريضة من يديها لين يديها جايات زي المنفوخات مع شنطة كحلة وبوت  اكحل مش طويل هلبا فيه خيوط لفوق كله ( عرفتو ؟😂)ووشاح  اكحل ولبست ساعتها وخواتم وحديدة  وركبت في سيارتها هي ومحمد
وصلو في مطعم طبعا تغدوة فاتوه الفطور كان مطعم عائلي كله عائلات
محمد بنبرة واضح عليها الحزن: وتين
وتين: عيونها حمودي خيرك
محمد: شوفي الصغار كيف مع امهم وبوهم
وتين جتها الغصة
محمد يكمل في كلامه: ماما وين هي متوفية معناها معاش نقدرو نشوفوها بكل
وتين خنقتها  العبرة وحست بدموعها بيخونها بس هي اقوى من هكي ابتسمت: ايه حمودي ماما معاش نقدرو نشوفوها مشت فوق عندي ربي احني ندعولها وله هي تسمع فيك توا
محمد سكت بعدين قالها باندفاع: وبابا
وتين زمطت ريقها : خيره
محمد : علاش هو ميحبناش هو ومرته
وتين: من قال ميحبناش غر هو ميحبش يوري للشخص الي يحبه انه يحبه
محمد رغم صغر سنه بس مصدقش
وتين كانت مصدومة فيه كلام مش لعمره قاعد صغير خسارة كبر قبل عمر مر بحاجات ممر بيهم واحد
محمد: بس اني ندكر قبل كيف يحبس فيا في الدار لما انتي متسمعيش كلامهم
وتين تبي تغير السيرة: هي نوضو حمودي حتى العصر بيادن
وناضو
وصلت للحوش حست انه في ضيوف
خشت وعرفت من الضيوف وياريتها ماعرفت
سمية: ناس جايين وانتي تلودي
وتين:  محمد اركب فوق استناني نجي نطلعلك حوايجك قعمز العب بالتلفون لبين ماجيت ركب محمد
وتين: تعرفي اني مش خايفة منك اني محترمتك بس لا اكتر ولا اقل لانه امي هكي مربيتني باقيته متخلينيش ننسى حتى من تكوني ف فوتيني خير
سمية: هذا كله وعالاساس محترمة
سما: خليها ياماما قتلك ماما هكي  مربيتني امتى لحقت تربيك هي اصلا تي اصلا هي ربت روحها باش تربيك
هدى: خيركم خيره صوتكم عالي هكي شن في
معبروهاش وكملو يتعاركو
وتين امها خط احمر  هني ولت سفار  عندها : هييي انتي الا امي رد بالك تحكي عليها ايواه امي متربيه ومربيتني خير من تربايتك الي متربيتها وترباية امك هذا كان في ترباية اصلا  وامتى لحقت ربتني اني امي ربتني من واني صغيرة امي ربتني حاجات في فترة تهوا امك لتوا قاعدة مش مربيتهولك نصيحة مني معاش تتكلمي عالتربية تي انتي غر اغرفي شن هي التربية بعدين تكلمي عليها باهي
خش مراد وسمع كلام وتين ويجيها كف حتى لعدوك متوديه : هكي تتكلمي على امك هذي امك الي رباتك  اما امك  ال******🤬 معرفتش تربي روحها بتربيك انتي
وتين: امي ماهياش هكي امي متربية وربتني تي انتم تبو امي تربيكم تي انت مرحمتها وهي حية ارحمها وهي  ميتة عالاقل لهدرجة مفيش قلب مفيش ضمير
مراد: الناس برا ايه حقا الفاتحة الثلاثاء مهياش الخميس قدمنا فيها يعني اليوم سبت غدوة لا بعده بعده يعني مزال يومين على فاتحتك
وتين: انت تعرف اني مش موافقة وله
مراد: شن حيفرق قرارك يعني واطلعي في شروط بيقولهم
وتين: منيش طالعة ومش موافقة
مراد: انت تبي محمد ينضر
وتين: خلاص انت قاعد متغيرتش
مراد: تعرفيها انت الدار مجربتيها ماه وهو مجربهة مرة وحدة بس باقيته حبس في دار عاديةعالبسيط يعني ( وضحك) هادي المرة كبر شوية بيبدا عالقوي وضحك مرة تانية
وتين: لا مش في الدار هديكا قاعد صغير

طبعا كانت دار فاضية تقعدي مكلبشة فيها من ايديك ورجليك عالحيت لاصقة لا ماكلة لا شراب بالتغدية تقعدي ومع صوت وحدة منعرفش اسمها ( هديكا الي تضرب في بعضها كور هما صغيرونا حديد تشحيها وتطلقها تقعد تنضرب في بعضها ) الصوت لين يقعد في ودنك مع كل شوي يخش يفش غله فيك بطريحة

خلي نرجعو لروايتنا
مراد: امالا بتوافقي
وتين فكرت وفكرت مفيش حل لكن بعدين خطرت ببالها فكرة
مراد: شن بتخشي الراجل يراجي
وتين: باهي خلاص
وقررت انها تنفد الخطة

وخشت
جمال: ياهلا قعمزي  على فكرة الخضوري طالع عليك
وتين قعمزت وهي  مش عاجبها لكلام
جمال: ايه معندكش شروط لاني اني بنقول شروطي
وتين:  لو سمحت  عادي نطلب منك طلب
جمال طارتلها كيف تتكلم هكي لوسمحت  : اني راجلك بنولي معاش فيها لوسمحت ناديني باسمي جمال او راجلي ولا شن تبي
وتين: باهي بنطلب طلب عادي
جمال: تفضلي عيوني ليك مرتي الحلوة
وتين وهي مش عاجبها تصرفه ولا كانه في المربوعة وحتى فاتحتهم مش مقرية  قليل  ادب : اني مش موافقة نبيك تفهمني وبابا يبي يعطين ليك بالغصب
جمال : يعني انت مش موافقة والمطلوب مني
وتين: اني منبيش نتزوج اني صغيرة لا ومعاها انت تعرف كيف في  فرق عمر بيناتنا هلبا انت كيف جاي تخطب فيا اصلا اني مش موافقة يعني وبابا يبي يعطيني يعني خليك انت الي تتراجع بالله
( هي هادي خطتها كانت تحساب لما بتقول هكي مش حيقول شيء)
جمال ضحك: تشن تخرفي انت العمر عمرها ماكان مشكلة
وتين مصدومة في طريقة كلامه : عارفة العمره ماكان مشكلة لكن شن شن نخرف
جمال: يعني المطلوب مني
وتين: انك تتراجع وتفسخ الخطوبة قبل متنقرا الفاتحة
جمال ضحك: احلمي مداما الحلم ببلاش اني نبيك وبوك عطاك مدخليش المهم اني نبيك وحنخليك تبيني وغصب
وتين: حرام عليك افهمني
جمال: تشن درتلك اني حرام عليك ( وضحك) لاحول الله وخلاص
وتين قعدت تفكر بينها وبين نفسها ( نوافق وخلاص نعيش حياتي زي ماهي رغم انه واضح فيه لقطات متاع عنف ويضرب عادي لكن كان متزوجتش حمودي بيضيع من بين يديا نوافق ونعيش حياتي زي ماهي وخلاص بالك نتاقلم مع الوضع )
وتين عمرها مافكرت في سعادتها طول عمرها كانت تحط في ذنب انها هي سبب موت خالتها وراجل خالتها وحطت حمودي في عيونها كل شيء ادير فيه على خاطر سعادته هو عمرها مافكرت في نفسها  طالما الحاجة هادي حيعيش حمودي سعيد هي تعيش سعيدة او توهم في روحها بس
وتين ابتسمت: باهي خلاص اني موافقة ايه حقا قلت عندك شروط شن هما
جمال : هو اني قلت شروطي قبل لكن تو عرفت حاجة وجيت بنشرط عليك
وتين بعدم فهم : شن هيا
جمال:.....
وتين وهي مصدومة : كييف
جمال :....
وتين كانت تشبح ومصدومة كل متحس انه حياتها بتمشي ضروري متطلع علة لكن متوقعتش الحاجة هادي بكل :... يتبع

وهادي ةانت الحلقة3 انشاءالله تنال اعجابكم وتكون في ارضاء للجميع تفاعلو واعطو رايكم وشكراا