الحلقة 7
مراد. فتح الدار ونصدم مفيش حد
سمية نفس الشيء
مراد: وين مشت بنت الكلبة وخش يدور في الدار لين لقي الورقة الي خلتها وتين
مراد قامها قعد يقرا وهو مصدوم 😳
سمية خدت منه الورقة وبدت تقرا :
اني كل يوم تحملته كان على خاطر حمودي لكن فات فيك ووصلت لحمودي خلاص قتلك ةل شيء حيتيغير من اليوم كل شيء حيكون مختلف بس خليها نقطة في بالك عمري ماسامحتك ولا عمري حنسامحك على درته حنقعد نكرهك طول عمري وزي مقتلك من اليوم كل شيء حيكون مختلف يعني معاش في وتين اني في مكان صعب انك توصله لو قلبت لبلاد كلها مش حتلقاني تعرف علاش ..
لاني مش فيها خلاص معاش حتشبحني ولا تفش غلك فيا ولا تضربني من غير سبب هكي ولا تهيني
مع توقيع ✍️ وتين
مراد قعد يخبط ويتكلم بعصبية ويعيط ويكسر في كل شيء يجي قدامه: هربت بنت الكلبة هربت جابتلي العار اني مكنتش نحسابها هكي بدير
سمية خافت : اهدى حنلقوها معندها وين بتهرب
مراد: تهربت تمش في البلاد بكل قتلك تحي كيف بندير مع الراجل اني
سمية: اني قتلك كان قتلتها مع قاطعها
مراد بعصبية وبصوت عالي : سكرييي عليييه قلت الموضوع اني ولاااه سكرييييي قلت سكرييي معاش تفتحي الموضوع هدكا كله منك اصلا انت سبب في كل شيء
سمية: هربت بنتك نقلبت عليا من امتى تحبها بنتك هربت هربت معندك مدريلها تبرى منها
مراد عطاها كف : اصلا كله من ورا افكارك خليتين مجرم خليتيني قاتل
سمية:😤 بعيدا عن هذا كله مش وقت كلامك في راجل يستنى في مرته لوطا
قعمز مراد فكر وفكر وفكر وملقاش حل وزاد فكر ويأس نزل لجمال
جمال: ها وينها
مراد نزل راسه باسف: سامحني شن بنقول وربي مش قادر نقيم راسي بكل (يقول في الكلام حسسني انه هو انسان مشاءالله 😂)
جمال: شني باهي قولي
مراد : شن بنقول البنت مهناش
جمال : كيف مهناش؟
مراد داروحه متاتر وانها نزلتلي راسه وجو زايد 😂: والله شن بنقولك ياجمال بنتي وطتلي راسي وحشمتني سامحني بنت هربت خلاص مش عارف وين كان نلقاها بس
جمال بعصاب وصوت عالي😡: تكيف هكي كييبف توربيييي نقلبب الدنيا على راسها
مراد : خلاص هي توا مرتك واني معاش بنتي ولا نعرفها برا تصافى انت وياها معاش دخلي ف شيء اني
جمال: تم تم وربي غر نلقاها بس هاربة مني صار توربي نعيشك في جحيم اني جحييم ومشي طلع وجي الليل ورقدو ولا كانه صاير حاجة
تاني يوم عالاساس يدورو بس مبوش يقولو لشرطة ميبيش الموضوع ينتشر ومقدروش خايفين الموضوع ينقلب عليهم يعني ماشية حياتهم عادي عندك جمال يغلي عليها غلي
عند زياد وسما وهدى
هدى وجعتها الحق كانت تحبها حتى وتين تحبها وتعرفها انه هي مش زيهم اما سما فرحانة انها فتكت منها لانه ديما حتى في الجامعة احس فيها تاخد في الانظار لانها جميلة (مش لانها جميلة لانها محترمة اما سما فمهياش محترمة حتى نفسها في لبسها )
سما: جابتلنا العار الفرخة هادي تو يبدو يقولولي اختك هربت اختك هاربة
زياد : توربي كان نشدها حتى اني نقتلها
سما : هادي الي قبل ادافع عليها
زياد : منحسابش بتوصل فيها وتهرب
وقعدو هكي مراد يدور وجمال بس مفيش اثرها يحسابوها سافرت لمصر فبدو يدورو غادي مفيش فايدة ميبوش الموضوع يوصل للشرطة مراد خاف انه تولي عليهم بعدين ويديرولها كشف طبي ولا حاجة
__________رواية مابعد هذا الظلام؟_________
عند وتين
ناضت الصبح مع 9 لقتهم كلهم راقدين لانهم رقدو مع 6 قريب ناضت ( دارت روتينها مش ضروري ديما نقولوه )
لقت محمد نايض في فراشه
وتين بصوت واطي : خيرك منوضتنيش
محمد: قلت تعبانة وقعمزت نلعب بالتلفون ايه قوليلي وين احني
وتين: بعدين نحكيلك كل شيء باهي بس نبي منك حاجة
محمد: نعم
وتين: متحكيش لحد حاجة قول احني كنا نسكنى بعيد وين متعرفش بس هذا هو باهي ماما وبابا وين متوفيين باقيته كله متعرفش باهي
محمد: حاضر 🫡 اوامر تانيا انسة وتين
وتين: لسانك بادي يطول يافرخ
محمد وطى صوته: اسكتي راهو ينوضو واحني فتحناه لقني
وتين:🤦🏻♀️ لالا لسانك طاول
وخشت بدلت توتها لبست هودي اخضر (لونها المفضل ) طويل الهودي مع سروال ابيض ووشاح شفون ابيض فوق مع سبورت ابيض عالي حوايج لمحمد بدل وساوتله حوايجه لابس يشبهلها
توب اخضر وسروال ابيض وسبورت ابيض يشبهلها
وطلعو قعمزو ف السيارة شوية يهدرزو شادين تلفونات لين حست في حركة يعني الولاد طلعو من حياش الولاد نوعيتهم ديما ينوضو يطلعو يقعمزو في الشارع يلودو بعدين يولو للشارع لليل وهما ينسرفو ويوم الجمعة هذا وقت الصلاة بس يطلعو للجامع باقيته كله في حوش حناهم
نزلت من السيارة اني وحمودي ولينى للمربوعة لقيت لبنات الي كيف نايضة ال تنوض في التانيا والي تتعارك على الحمام كان جوهم يهبل اجواء بسيطة بس حلوة
مروة وتحك في عيونها : مش قتلكم خلوني راقدة لين تكملو عركة عالحمام
فرح صيحت : ارقدوووو وغطت روحها بالبطانية وولت رقدت
قمر: فادية هيا ساعتين في الحمام شن اديري
فادية وهي ف الحمام : شن يديرو فيه الحمام هما
ندى: واااك نفخ انت وياه نمشي نخش لحمامات الداخل في هلبا مشاءالله
منار شبحت لوتين كيف لقتها امبدلة : اني بنروح مرة وحدة
مودة: هي جاية معاك
روحو
مروة ناضت : لولولولولولولي روحو ملا فكة مبرد عمهم
اني هني كنت نشبح ونضحك على تصرفاتهم كان جوهم محلاه
اني : صباح الخير
الكل : صباح النور
قمر: واخيرا طلعتي ساعتين في الحمام وخشت
مروة: تو اني بنقعد نستناكم
فرح في النوم العميق
ندى خشت : انتم قاعدين نوضوها هادي الي راقدة حناي شوية وبتجي كان متلقاش الدار نضيفة حي علينا
فادية تغمز لمروة مروة فهمت عليها قامت شيشة لمية وبزعتها على فرح
فرح ناضت مخلوعة وشعرها مشفش وميه : يامروة ياكلبة وناضتلها تجري
مروة وهي تضحك وتجري : والله مدخليش فادية قالتلي
فادية 😳: اني مدخلي تكذب وتلقا مروة جايتها تحري ووراها فرح وبدت تجري وتضحك
وتجي فادية مبزوقة طايحة وفوقها مروة وجت فوقهم فرح
قمر طلعت من الحمام وتشبج مصدومة بغدين نفلقت بالضحك هي ووتين وندى:😂😂🤣🤣
ندى: وووه منطركم فظيع
قمر: اني مفهمتش شيء 😂😂
وتين : وربي لجو انتم باهي 😂😂 محلاكم
فادية: وهي ميتة ضحك: تخلتص نوضو من فوقي متت
ناضو وطاحو من جديد سايخات ضحك
فرح: وووه عليا خلاص بطني 😂😂😂
مروة تاخد في نفس : معاش قادرة خلاص
وناضو وبدو يضمو في الدار ووتين تعاون فيهم
خشو لحناهم الداخل
حناهم حليمة : تعالو قعمزو
قعمزو كلهم
مروة فرح فادية قمر ندى وتين
حليمة اول مشافتها حست كانها تعرفها والشكل مش غريب عليها : ايه قوليلي يابنتي شن اسمك كم عمرك احكيلي علاش جاية هني
وتين:اني وتين مواليد 2000 عمري 19 قاعدة مسكرتهاش اني نسكن بعيد واني منبيش نكذب عليكم بس نبي نقولكم انه عندي قصة ومنقدرش نحكيها
حليمة اشرت للبنات بمعنى اطلعو طلعو لبنات وقعدت هي ووتين وقالت لوتين جت جنبها شدتلها ايدها وطبطت عليها: ايه احكيلي يابنتي خيرك ونوعدك حيكون كل شيء بيناتنا واعتبريني شن تبي امك حناك شن تبي ونوعدك حنساعدك يابنيتي عشان حتى خوك
وتين تنهدت وفكرت وقررت تحكيلها : بدت تسردلها في الاحداث من لما كانت صغيرة وكيف عايشة وانه امها توفت وبوها يكرها وتزوج وهي عمرها5 سنين وكيف بوها قتل راجل خالتها وخالتها وانه هذا ولد خالتها كانت تحكي وتبكي وتشهق بعبرتها لين وصلت لقصة جمال وبوها يكف بيزوجها وانه محمد كل شيء عندها وانه هي ليها ذنب في قتل امه وبوه وانه امانة عندها وحكتلها كيف هربت وكل شيء ومانت تبكي وتشهق 😭💔
حليمة طبطت عليها ومسحت دموعها : اهدي يابنتي اهدي واني نقولك انتي من اليوم امانة عندي بس نبي نتاكد من حاجة تعرفي اسم امك وحناك يعني الكامل
وتين : ايه ماما نجوى ******* وحناي اسمها *******
هني حليمة قعدت طبطب في وتين وتبكي : اخخخ يابنيتي علاش صار فيكم هذا كله علاش مجيتنيش امك انتي من اليوم امانة عندي ربي يرحمهم بنات وخيتي اخخخ ياوخيتي وين مشيتي وخليتي بناتك ياريتني قعدت نواصل فيهم هما سكنو بعيد وقاطعوني اخخخ ياربي 💔💔😭
وتين مستغربة ومصدومة 😳: قصدك انتي
...يتبع
وهادي الحلقة 7 من تكون حليمة ومن وين تعرف وتين وهادي كانت حلقتنا اليوم انشاءالله تنال اعجباكم وتفاعلو واعطو رايكم وشكراا
أنت تقرأ
مابعد هذا الظلام؟
Narrativa generaleرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
