طبعا زقرهم بو سلطان و قسم الشغل عليهم
مهره و علياء و روضه كانوا يبهرون الدياي و يحطونهم ف السيخ
الشباب كانوا يشوون و يجهزون النار
عذاري و ريم و مريم كانوا يجهزون اغراض البرقر و السلطه و هالسوالف ( طبعا مريم ساحبه عليهم و تلعب ويا سيف )
ريم : اييه شلي سيف و سيروا العبوا بعيد خيستوا المكان
مريم : مانبا عايبنا المكان هني
سيف فر على مريم رمل بس مايا عليها يا على عذاري
عذاري بعصبيه : سيفوههههه
مريم : لاتصارخين عليه حرام
عذاري : شوفي شو سوا زين مايا ع الاكل
مريم : عادي حلاله يسوي الي يباه خلوه كيفه
ريم : قومي قومي سيروا العبوا هناك
مريم : انزينن اففف ، شلت سيف و العابه وسارت بعيد يلعبون
سالم شاف مريم و سار عندها
سالم : شو تسوين يالسه هني بروحج
مريم : بسم الله خوفتني ، ما اسوي شي يالسه العب ويا سيف
سالم : منو سيف
مريم وهي تاشر على سيف : هذاا
سالم : اوهه ( وشل سيف وحطه ف ثبانه ) سالم وهو يكلم سيف ؛ شحاللك يا بطلل
سيف يطالعه و يطالع مريم
مريم ضحكت : مايباك ايبه زيغت الولد
سالم : بوديه عند ابوه مب خبل انا اخليه وياج
مريم : ايبههه
سالم وهو رايح : ماشي ماشي
خلوني اعرفكم على عيال بو راشد :
عذاري : ٢٠
روضه : ١٦
راشد : ١٩
مايد : ١٧
سيف اخر العنقود : ٣ سنين
