الصبح في بيت اليده كانوا كلهم من كبيرهم لين صغيرهم متيمعين هناك و كانوا الكبار يالسين يتريقون و الشباب و البنات راقدين ( بوراشد و عياله كانوا هناك بعد ) المهم ف راح سيف يقومهم و سار غرفه الميلس شافهم راقدين بطريقة تضحك ، كانوا كل واحد فيهم بعيد بس الي ريله على ويه الثاني و الي حاضن الي حذاله ووو ..
المهم ف قومهم محد قام غير مطر و خليفه
و عذاري راحت تقوم البنات بس محد قام غير مريم الي اساسا كانت واعيه
المهم سارت مريم تسبحت و نزلت تحت لقتهم كلهم يالسين
مريم : ماشاءالله عندنا عرس شو ؟
اليده : تنكتين ؟
مريم : هيه
اليده : انطمي
مريم : اصلا عادي
خليفه: غريبه واعيه هالوقت
مريم : مواصله
مطر : حسيت ولا انتي وين تقومين هالوقت
مريم : اشششش
مطر قام : يلا انا استاذن
حليمه : وين رايح
مطر : بسير هني الرمله الي جدام البيت
اليده : شو تسوي هناك
مطر : بستكشفها يدوه
مريم قامت : الله انا بعد بيي
مطر : ماباخذ وياي يهال
مريم : يديي شوفههه
اليد : خذها وياك يا مطر حاشرتنا من متى تبا تسير هناك
مطر : يلا بسرعه البسي نعالج وتعالي بعد لين ١٠ لو ماشفتج تحت بروح عنج
مريم ركضت فوق خذت لها شال و عدلت شيلتها و نزلت تحت عند مطر
مطر : كنت بسير و بخليج
مريم : خلاص ييت
مطر : ايه انتي سيري لبسي عبايه
مريم : حق شو
مطر : شو حق شو سيري يلا يايتني بشيله
مريم تصارخ : يدييي شوففف مطرررر
اليد طلع : الا اله الا الله بلاكم
مطر : يدي شوفها مب راضيه تلبس عبايه
مريم : يدي مب لازم عبايه تراني مابسير العين
اليد تنهد : ابويه مطر هاي راسها يابس محد بيقدر عليها خذها جي ماعليه دامها متستره خلاص عادي
مطر تنهد : امشي جدامي
مريم لبست نعال خليفه : يلا
مطر : خليفه لو درا بيذبحج
مريم : عادي اغراضه حلالي 💅🏻
مطر ضرب راسها بخفه : امشي امشي
مريم : لاتضرب بخبر عليك يدي
طبعا راحوا وهم يتضاربون و طول الوقت مطر يخوف مريم و اول ماوصلوا
مريم بانبهار : واووووو
مطر : الحمدلله و الشكر
مريم شافت ورود و ركضت عندهم : الله مطر شوف الوروددد تهبللل
مطر ابتسم و تم يلقط حق امه و يدته
مريم : اييه حرام لاتخربهم
مطر لقط لها ورده : حطيها على راسج
مريم شافت الي ف ايده : ها كله حق منوو
مطر : حق اميه و امايه ( اليده )
مريم : الله انا باخذ حق يدي
مطر : قلوديي
مريم : اسكت
عقب مالقطوا الورود و استكشفوا المكان ردوا البيت و مريم عطت الورود حق يدها و مطر عطاهم حق امه كلهم بحكم انه اليده كانت طالعه
العصر :
مريم : ابا اطلع
مطر : خاطري مره وحده تقولين ابا اتم فالبيت
مريم : جب
مطر : يلا بطلعكم
منصور : منو بيطلع
مطر : انا و مريم و الي يبا يطلع
منصور : بي وياكم
مريم : بسير اتجهز و ركضت فوق
مطر ابتسم : بس بعد محد بيي ؟
الكل : لا
منصور : سلوم تعال ويانا
سالم بتعب : مافيني منصور تعبان
منصور : شو فيك
سالم : مادري
منصور وهو يحط ايده ع جبهه سالم : حرارتك مرتفعه
سالم : ادري
منصور : سير المستشفى ياحمار
سالم قام : مالي خلق بسير ارقد
مريم يتهم : يلا انا جاهزه
مطر باستهبال: خلاص كنسلنا
مريم سحبته هو و منصور : مب ع كيفكم يلا جدامي
مطر ضحك و قام يلا الي بيي بسرعه قبل لا احرك
محد راح غير مريم و منصور
مطر : خلاص يلا احرك ؟
منصور : هيه
مريم : اباا اشبككك ع البلوتوث
مطر : هاتي فونج
عطته مريم و شبك لها وعطاها و هي فتحت لهم / عبدالمجيد - رهيب
مطر : والله و طلع عندها ذوق
مريم : جب اقول
منصور : وين بنسير
مطر : وين تبون
مريم : قريهههه
مطر : لا بوديكم الزاهيه و بنرد مالي خلق اسوق لين دبي
منصور : مافيها شي الزاهيه
مطر تنهد : امري لله خلاص بنسير القريه
منصور ابتسم
مريم : ياخي مملين انتو سولفوا
مطر : خليني اركز فالسواقه
بعد ساعه وصلوا القريه و نزلوا يتمشون
