الصبح عند امنه :
قامت الصبح و شافت انه الساعه 7 حطت تلفونها و راحت تتسبح و تتغسل و بعدها لبست مخوره ورديه و نزلت تحت شافت مافي حد سوت الريوق و حسبت حساب اخوانها بعد ( بعرفكم على أهلها عقب ) صبت لنفسها شاي و راحت تيلس فالحوش
دشت الانستا و شافت في ريكوست من شخصين دشت و عقدت حوجبها وهي تشوف حساب عبدالله
امنه : ها شو يبا محد فاضيله " دشت الجات و قرت الي كاتبه "
فالجات :
امنه " مايخصك كيفي احط الي اباه "
عبدالله " مو كيفج ولدي ها مو ولدج "
امنه " جب يلا " وسكرت تلفونها يلست تتامل الطبيعه
يا اخوها ( عبيد ) : امون انتي الي مسويه الريوق ؟
امنه : هيه كنت فاضيه
عبيد : وانااااا اقوللل الشاي مافيه سكر
امنه شربت شوي : امبلا متروس سكر بس انت مايعيبك شي
عبيد : شو ها متروس سكر
امنه : توههه تقول مافيه سكر
عبيد يلس وهو يضحك : اسولف وياج حلو
سحب كوبها وشرب منه
امنه صرخت : اييه مالييي
عبيد : سيري هاتي الدله و الاكواب من داخل و خذيلج
امنه : زقوممممم
عبيد وهو يغايضها : ياسلاااامممم احلى شاي شربته
امنه : اكيد دامه من ايدي
راحت تيب الدله و شافت العامله تحط الخبز عالطاوله شلته و راحت برع
عبيد : اقولج
امنه : ها
عبيد : انتي وينج من يومين كله هايته
امنه : بيت ربيعتي
عبيد : ليش شو عندج هناك
امنه : شو يخصك
عبيد : منو هاي ربيعتج شسمها
امنه : مريم
عبيد : حلوه ؟
امنه : طعع الحماارر والله بخبر عليك عنود
عبيد : اسولففففففففففف شوفيج انتي تصدقين بسرعه
امنه : حتى لو تسولف بخبرهاا
عبيد : يلا عاد امون ترضين انتي تزعل من اخوج ترضين
امنه : هيه ارضى
عبيد ضربها : مالت
امنه : عليك
ياهم اخوهم عبدالرحمن
عبيد : بس وصل الغبي
عبدالرحمن : الغبي تعرف منو مايحتاج أقول
امنه : أقول اذا بتتضاربون سيروا بعيد عني مالي خلقكم
يلسوا يسولفون و يسوون ازعاج حق امنه و عقب قرروا يطلعون
-------
عند عبدالله الي مقوم نهيان من صباح الله خير و طالعين
لف على نهيان : وين تبا تروح
نهيان : بيت
عبدالله : ليش البيت ماتستاهل اطلعكك اونسك
نهيان : أبا انامممم
عبدالله : ماشي بنسير الكوفي
نهيان سحب عليه و رقد
عقب نص ساعه وصلوا و قومه
عبدالله : يلا قوم وصلنا
نهيان رفع ايده بمعنى انه يبا عبدالله يشله
شله عبدالله و دشوا داخل يلسه عالكرسي و حط المنيو جدامه
عبدالله : اختار شو تبا
نهيان تم يدور يدور لين حصل بان كيك
عبدالله : تبا ها ؟
نهيان : هيه
عبدالله : بس ماتبا عصير شي ؟
نهيان : لا
طلب عبدالله بان كيك حق نهيان و قالهم يترسونه نوتيلا و يكثرون الفراوله ع طلب نهيان و طلب لنفسه ( v60 )
نهيان : يلا باباا متى بيبونه انا يوعان
عبدالله : اصبر تونا طالبين
نهيان تافف و قام
عبدالله : وييين رايح
نهيان : بشوف المكان
عبدالله : لاتكسر شي بصفعك
نهيان سار يشوف الكوفي و راح فوق لانه شي طابقين
شاف امنه يالسه هناك ويا اخوانها و راح عندها
نهيان:امونننن
امنه شافته : هلا حبيبييييي
حضنها وهي حضنته وشلته يلسته فحضنها
عبيد : امون منو ها
امنه : ولدي
عبدالرحمن شهق : اويه امون عندج ولد ونحن ماندريي
امنه : هيه فديت ولدي انا
عبيد : شو اسمك
نهيان : انا نهيان
عبيد : عشات الاساميي يا بطلل
عبدالرحمن : اسمك حلووو
نهيان : انتو شو اساميكم
عبدالرحمن : اناعبدالرحمن و ها عبيد
نهيان لف على امنه : امون منو هاييل
امنه : اخوانيي
نهيان همس لهاا : مو حلويين بس انتي حلوه
امنه ضحكتت : صح كلامكك
عبدالله صعد فوق وهو يدور نهيان
نهيان انتبه له : بابا انا هنيي
لفت امنه تشوفه ونزلت نهيان يسيرله
نهيان راح له وعبدالله حضنه بخوف وهو يحاتيهه
نهيان : بابا شوف شفت امون
عبدالله لف صوبهم و قام يسلم على عبيد و عبدالرحمن
عبدالرحمن : السموحه اخوي خلينا الولد عندنا مادرينا انك تدوره
عبدالله : لا عادي
عبيد بفهاوه : ها ابوه يعني ها ريل امنه
عبدالرحمن ضربه عشان يسكت و حاول يرقع الموضوع
عبدالرحمن : ماشاء الله عليه ولدك فطين الله يحفظه
عبدالله ابتسم
نهيان : بابا تعرف هاييل منووو
عبدالله : منوو
نهيان راح صوب عبدالرحمن و عبيد
نهيان : هاا عبيد و ها عبدالرحمن اخوانن امونن
عبدالله ابتسم : والنعم فيكم
نهيان : شوفوو ها بابا اسمه عبدالله
عبدالرحمن ابتسم وهو يشله و باس خده
عبيد : يلا نهيان روح ويا بابا
نهيان : لا انا أبا امون
عبدالله : ماعليه بتيك هي عقب تعال
نهيان : لااا مابا عقب أبا الحين
عبدالرحمن : سير ويا بابا و انا عقب بيب امون عندك
نهيان تم يفكر شوي و عقب راح ويا ابوه
شاف ابوه يصب لنفسه في 60
نهيان : بابا ها شوو
عبدالله : قهوه تباا ؟
نهيان : هييه
عبدالله صب له شوي و تم يشرب نهيان و عايبنه
بعد ما خلصوا و دفعوا افاتوره يو بيطلعون و شافوا عبدالرحمن و عبيد نازلين
راح لهم نهيان : وين امونن
عبيد : فوق الحين بتنزل
عبدالرحمن : بتي وياناا ؟
نهيان : هييه أبا امون
عبدالرحمن : يلا تعال نقول حق بابا
شله عبيد و راحوا صوب عبدالله الي كان واقف يشوفهم
عبدالله : لاتقولون انكم بتشلونه
عبدالرحمن ابتسم : يبانا الولد خلاص مايباك
عبدالله : نهيان عيب تعال نرد البيت و قول حق عموه عقب تكلم اختهم تي عندك
نهيان : لااا انا أبا اروح وياهم
عبدالله : مايصي....
قاطعه عبدالرحمن : خله يي ويانا ياريال عادي
عبدالله : بيلعوزكم
يتهم امنه و نهيان راح لها
نهيان : امنه قولي حق بابا يخليني أي وياكم
امنه : خله ايي انا بشوفه
عبدالله : لا لا بيتعبكم
عبيد شاف امنه بنظره انه نحن بنتكلم انطمي
عبدالرحمن : يلا ياريال الا هو اليوم خله ايي
عبدالله تنهد : انزين يلا بس اليومم
راح وياهم نهيان و عبدالله رد البيت و رقد لين الغداء
