تسريع الاحداث ...
طبعا ماصار شي مهم فالمزرعه تموا فيها يومين و ردوا بيوتهم و فهاليومين علاقتهم قوتت اكثر و تقربوا من بعض كلهمم و نروحح حق يوم الخميس اليد كان مسوي عزيمه بمناسبه تخرج حفيده ( مطر )
نسيت اقولكم انه اليد عنده بنت و اسمها حليمه و طبعا حليمه عندها ولد و بنت الي هم مطر / شيخه وكانوا مسافرين وياه يوم ابتعث ( ارمله )
———
الساعه ٨ ف بيتت اليد كلهم كانوا هناك باستثناء حليمه الي كانت بعدها تتجهز
مريم : يلا وينها عموهه
ام سلطان : حشى شكثر تحن صبري بتي
مريم : افف ابا اشوفهاااا
ام سلطان بصبر : سيري سيري عند اختج صدعتيني
مريم شهقت : يعني انا صدعههه ؟
ام سلطان كانت بتتكلم بس قاطعتها مهره
مهره : عموهه سالم يباج برع
ام سلطان ابتسمت : زين ييتي تمي عند اختج صدعتني
مهره ضحكت وهي تشوف مريم : شمسويه فيهم انتي حتى امي كانت تدور بندول
مريم : حليلي ماسويت شي
روضه يتهم : تعالو بنات وهقتوني ويا العيايز
مهره : مابسيير حشى اسالتهم ماتخلص خذي مريم وياج انا بتم هني
روضه : تمي بزقرلج علياء
مهره : اوكييي
