بجدم الاحداث لين تقريبا عقب خمس شهور
بقولكم شو صار : هزاع و مهره تزوجو و راحوا عمره شهر العسل باختيار مهره و الحين هم ساكنين ف بيت بو هزاع لين هزاع ياخذ له بيت و حرفيا مافي احلى عنهم مثل السمن ع العسل ( يارب قلته صح ) و حبهم لبعض يزيد كل يوم
زايد و ريم طبعا ريم ربت و يابت بنوته صغيرونهه تشبه زايد نسخهه منه و فيها من ملامح ريم و سموها ميثه و طبعا تعلقوا فيهاا على طول و الكل حبها خصوصا مريم و علياء و مستحيل يمر يوم بدون مايروحون لها
مريم و علياء و مهره كانوا مركزين على دراستهم و شادين حيلهم لانه مابقى شي ع تخرجهم هم الحين اخر سنه و بيتخرجونن ان شاءالله عقب شهرين جي تقريبا
منصور و سالم بعد كانوا نفس حال البنات و مافي شي تغير فحياتهم غير انهم يطلعون يحوطون دوم وجي
اما مطر توظف و صار يداوم و هيييك و دوم يطلع ويا شيخه و يطلع البنات بعد يغير لهم جو عشان يدرسون عدل وهيك
الباقين ماتغير شي فحياتهمم نفس الروتين
في يوم كانوا طالعين للبحر
كانوا فارشين قريب البحر و يايبين وياهم سناكات و كل شي يحتاجونه للبحر
مريم : ابا اسير اسبح
منصور : سيري اذا ماحشيت ريولج
مريم : جب مايخصك
بو هزاع : مريم احترمي اخوج
مريم : بسير اسبح انزين
بو هزاع : قري مكانج
مريم : انزين ابا ديو
مهره : بس وايد تتكلمين
مريم : جب انتي
مهره : بعطيج كف
ام هزاع : بس بس شفيكم اليوم
مريم : هاي بنتج نفسيه
بو هزاع : مريم خلاصص
مطر : قومي قومي مريم
مريم : وين
مطر : بنسير نتمشى ع البحر
مريم قامت بحماس : يلا يلا
علياء: انا بعد بي
شيخه : وانا
اليازيه : انا بعد بيي
مريم : يلا ، مهره و مهره مابتون ؟
مهره ( اخت هزاع ) : لا
مهره ٢ : لا مالي خلق
ام هزاع : قومي اميه امشي شوي
مهره ٢ : لا خالوه احس بدوخه بمشي عقب
ام هزاع عطتها عصير برتقال : خذي شربي
خذته مهره
ياهم زايد الي كان ماخذ ميثه : اميه بسبحها فالبحر
ام هزاع : وين تسبحها مب زينها هاتها
زايد بعناد : لا اميه بيلسها فالماي شوي بس
ام هزاع بعصبيه : ايبها بسرعه
زايد عطاها وهو يتحلطم : حتى بنتي ماتخلوني العبها
ام هزاع: لعبها يوم تكبر مب الحين البنت بعدها ماتعرف تيلس وانت تبا تسبحها فالبحر
زايد : خلاص توبه
ريم ضحكت عليه
زايد : مستانسه انتي بعد
ريم : تستاهل
سالم و هزاع و سلطان يو : السلام عليكم
بو هزاع : وينكم انتو
سالم : سرنا نشوف المكان وهيك
اليده : تعال اميه سلطان
سلطان راح باس راسها و يلس عندها
اليده قشرت له برتقال وعطته
هزاع : انزين وانا
اليده : انت شو
هزاع : انا بعد عطيني
اليده اشرت على مهره : هذي ها حرمتك سير بتعطيك
هزاع سار يلس عند مهره : فديتها حرمتي
اليده شافته بنظره
سلطان : يدوهه ابا اتزوج
اليده : منو تبا اشر و بخطبها لك
سلطان : ابا وحده ع ذوقج
اليده : تمم
كملوا سوالف و ضحك وهيك و ع اذان المغرب ردو بيوتهم
