يوم الجمعة تحديدا ف بيت اليد كانوا كلهممم هناكككك كلهممم من صغيرهم لين كبيرهم باستثناء سلطان الي كان طالع ويا ربعه
عند علياء كانت يالسه ويا البنات بس عقلها مو وياهم تفكر ف عزيز الي صارله أسبوع متغير عليها و أسلوبه وياها غييرر و يوم تكلمه يطلع اعذار وايد عشان مايكلمها
مريم شافتها : شفيج علايه ليش سرحانههه
علياء انتبهت لها : مافيني شي بس افكر شوي
مهره ( حرمة هزاع) : تفكرين فيني صحح
مريم : هش انتي خلي ريلج يفكر فيج اكيد تفكر فيني انا
علياء : انطموا كلكم
ظبيه : علياء تعالي اباج
قاموا علياء و ظبيه وراحوا الحديقه الخلفيه
ظبيه : شوفيج منو مضايقنج ؟ اخوي زعلج ؟
علياء يوم سمعت طاري عزيز انهاررت تصييح و ظبيه منصدمه و خلتها تصيح ع راحتها
عقب ربع ساعه سكتت علياء و لفت عليها ظبيه
ظبيه : يلا خبريني شسالفه شو مستوي
علياء اجتمعت الدموع فعيونها و تحاول تتكلم بدون ماتصيح : عزيز
ظبيه : شفيه ؟
علياء : له أسبوع متغير علي يوم اكلمه يرد متأخر و كله يطلع اعذار اذا قلتله تعال نسولف و أسلوبه بارددد
ظبيه : سالتيه ليش ؟
علياء : لا
ظبيه : انزين يمكن ضغط الشغل او شي
علياء : بس قبل ماكان جي حتى لو كان مضغوط فالشغل و تعبان كان يسولف وياي
ظبيه : ماعليج لاتزعلين ولا تتضايقين انا بكلمه و بشوفه , انتي خبرتي حد عنه ؟ غيرنا نحن يعني ربيعاتج ؟
علياء : لا محد يدري
ظبيه : خلاص لاتحاتين انا بتصرف
ردوا داخل و عقبها بشوي يو الشباب يسولفون وياهم و علياء كانت تطالع عزيز كيف مندمج ف تلفونه واضح عليه يرمس حد و الابتسامه شاقه ويهه
قررت تكلمه و تشوف كيف بتكون رده فعله , شلت تلفونها و كتبت له
علياء : " هلا عزيز "
عزيز شاف رسالتها و تغيرت ملامحه للاشمئزاز : " اهلين حبي "
علياء يوم شافت ويهه جي عرفت انه عافها و قررت تعوفه هي بعد كل شي الا عزه النفس
علياء : " لا خلاص " و بلكته
عزيز رفع عيونه لها و قال بهمس محد يسمعه غير ظبيه و علياء بحيث انه ظبيه يالسه فالنص بينهم
عزيز بهمس : زين انه البلوك يا منج الصراحه كنت افكر ابلكج بس سبقتيني
ظبيه انصدمت و لفت عليه : عزيزززز
كلهم لفوا عليها
خليفه : شفيكم
ظبيه : لا ولا شي
علياء قامت من عندهم بتطلع
خليفه : وين رايحه علايا
علياء ابتسمت : برد البيت
خليفه : مافي حد فبيتكم تردين ليش
علياء : مصدعه
خليفه قام : بوصلج يلا
راحت وياه علياء وهي ماسكه نفسها لاتصيح
وصلت بيتهم و راحت فوق على طول بس لقت الغرفه مقفله
علياء بصياح : اففف مو وقتكك انت بعددد
مسحت دموعها و نزلت تحت راحت الميلس الخارجي لقته مبطل دشت و انهارتتت تصييححح
و كان في واحد يالسس بس هي مانتبهت له
مدلها الماي : اهدي و اشربي
علياء فزت بخوف
**** : اهدي مابسوي لج شي بس اشربي ماي
علياء شلت الماي و شربت شوي
**** : شوفيج ليش تصيحين هالكثر
علياء سكتت
علياء عقب ثواني : انت منو ؟
**** حس بعمره و قام : السموحه انا كنت هني اتريا سلطان ربيعي
علياء انصدمت : سلطاان
**** : هيه سلطان , انتي اخته ؟
علياء قامت بخوف : ياويلي بروح قبل لايشوفني هني وياك
**** : هو مب هني راح يتسبح
علياء : مع السلامه
راحت فوق و التقت بسلطان وهو نازل
سلطان : علايه انتي هنيي
علياء : هيه توني يايه
سلطان : انزين لاتين الميلس ربيعي عندي
علياء : تمام , كانت بتروح بس وقفت : سلطان
سلطان التفت : هلا عيوني
علياء : بيلس ف غرفتك مقفلين غرفتي
سلطان ابتسم : خذي راحتش الغرفه غرفتش , بس لاتنبشين وايد هاا
علياء ضحكت : من عيوني
سلطان راح الميلس : عسى ماطولت عليك
محمد : لا ابد
سلطان يلس : شو تباا تتعشى
محمد : الله يعين دام انت تبا الي بتطبخ ( محمد مايحب ياكل من المطاعم نفس ماك و كنتاكي و هاييل يعني و الكفتيريات )
سلطان : لا مو انا لاتحاتي
محمد : منو عيل قلتلي محد فالبيت تقص علي
سلطان : اختي هني بخليها تسوي
محمد تذكر علياء و اخفى ابتسامته : لا لا لاتتعبها مايحتاج
سلطان : ياريالللل مافيها تعب قول يلا شو تبا ولا انا بقولها تطبخ أي شي
محمد تنهد : شو تبا تاكل انت
سلطان : فخاطري مندي و مظبي و باستا و اندومي و كل شي
محمد : بطيني من يومك
سلطان : اص اص , اقولها تسوي باستا ؟
محمد : هيه حلو
سلطان : انت الحلو و طلع راح يخبر علياء
اما محمد يلس وهو يتذكر ملامح علياء و ابتسم بخفه
_____
عند علياء و سلطان :
دش سلطان الغرفه وكان ظلام
سلطان : علايه
علياء مسحت دموعها : هلا سلطان
سلطان : شفيه صوتج
علياء : لا بس مزكمه
سلطان : تصيحين ؟
علياء بدموع : لا
سلطان راح بطل الليت و علياء غطت ويهها
راح لها و شل اللحاف من ويهها : ليش تصيحين خبريني منو زعلج
علياء صاحت و خبرته عن عزيز و كيف هو متغير
سلطان تنهد : خلاص علايه الي مايباج لاتبينه امحيه من حياتج مايستاهلج
علياء : محيته من قبل لا اطلع من بيت يدي
سلطان مسح على راسها : كفو كفو اوخيتي
علياء : شو كنت تبا يايي هني
سلطان : تسوين لنا عشاء انا و ربيعي
علياء : تمم كم سلطان عندي انا ؟
سلطان فديتج
راحت علياء و سوت لهم باستا و زادت لنفسها بعد و عقب ماخلصت طلبت لهم عصاير و سوت ترافلز ع السريع و زقر سلطان يي يشل الاكل
سلطان : فديت السنعه انا
علياء ابتسمت : فدا , سويت ترافلز بعد تعال شله عقب ماتخلصون
سلطان : الله الله مدلعتنا اليوم
علياء : هييه
راح سلطان و تعشوا
بعد العشاء
سلطان : كيف الاكل
محمد : لذييذذ ما شاء الله تبارك الله ماقدرت اقاوم الصراحه
سلطان ابتسم : بالعافيه بالعافيه
راح سلطان و رد عقب شوي و وياه ترافلز
محمد : مدلعني اليوم شعندك
سلطان : انا لو بايدي جان حتى عشاء ماعطيتك , اختي مسويه لنا قلت حرام تعبت عليه ويبته لك
محمد ضحك
بعدها بنص ساعه راح محمد و صعد سلطان غرفته شاف علياء راقده اتصل على امه
ام سلطان : الوووه
سلطان : اميه وين مفتاح حجره علياء
ام سلطان : فحجرتي سير شوفه , علياء فالبيت ؟
سلطان : هيه راقده فغرفتي غرفتها مقفله
ام سلطان : دير بالك عليها نحن اليوم بنبات ف بيت يدك
سلطان : ان شاء الله
راح سلطان فتح حجره علياء و نومها هناك و بطل المكيف و طلع وهو يسكر الليت و راح اتصل على عزيز و قاله يقابله
عزيز : هلا
سلطان : ليش تكسر قلب اختي دامك ماتباها ؟
عزيز ببرود : بس جي عافها الخاطر
سلطان ماتحمل و ضرب عزيز لين يا خليفه و فرق بينهم
خليفه : شفيكم انتو يهال يهال ؟
عزيز بعصبيه : اسال ول اخوك , ولف على سلطان : اسمعني انا خلاص مابا اختك ولا احبها خبرها هالشي و انا بخطب قريب
سلطان : زوللل لاه انت أصلا ماتستاهل اختي
خليفه : بس ياشباب هدو
خليفه سحب عزيز و راحوا اما سلطان ف دش بيتهم وهو ضايق عشان اخته و راح يرقد
كتبت لكم بارتين بنزل البارت الثاني عقب 🫶🏻
