الصبح ف بيت بو زايد
قامت مريم الساعه ٨:٣٠ و نزلت تحت تيلس فالحديقه
شلت الحصير و لابتوبها عشان تيلس تقرا روايه و سارت برع بس شافت الشباب هناك
مريم : ماشاءالله من متى انتو هني
هزاع : من امس
مريم : مب جنكم سرتوا بيت يدي ؟
سالم : لا يدي طردنا و يينا هني
مريم : احسن
مطر : ليش ماخذه لابتوب بتدرسين ؟
مريم : اي دراسه ونحن ماجزين ، بقرا روايه
مطر : ماشاءالله طلعتي تحبين الروايات
مريم : من زماان احبهاا
سالم : ماكنت اعرف
مريم : ليش تعرف اصلا
سالم : بس جي
سلطان : مريومم سويي بيض طماطط فخاطري من يومين
مريم : اوكي بس ويت عقب ع ٩ بسير اسوي
سلطان : تمامم
راحت مريم و رتبت يلستها و عقب سارت تسوي لهم بيض و سوت عصير برتقال بعد و حطتهم فالصينيه و راحت عطتهم
مطر وهو ياكل : الله تسلمم ايدجج
مريم بابتسامة: الله يسلمكك
سالم : توني اعرف انج تعرفين تطبخين
مريم : بس اعرف اسوي بيض و اندومي
سلطان : لا البيض مالج يفوززز
مريم ابتسمت لهم و صدت تكمل روايتها
عقب ماخلصوا و شلوا الصحون ودوها المطبخ
منصور يا و حط راسه ع ريول مريم
منصور : مريومم العبي فشعري
مريم حطت ايدها ع شعره و بدت تلعب فيه و تسويله مساج فراسه
زايد : خيانه
منصور : سير عند حرمتك 🫳🏻
زايد : فديتها لو موجوده جان ماجابلتكم
مريم : ليش وينها
زايد : راحت بيت اهلها
سلطان من بعيد وهو يصارخ : زايد منصور بتلعبون اونو ؟
زايد : هيهه
منصور : لا برقد مب راقد من امسس
سالم وهو يغمز : و ليش مب راقد من امس 😉
منصور : كنت العب سوني
سالم : سوني ولااا 😉😉
منصور وهو يضحك : ماعندي هالسوالف انا هش
سالم فر عليه النعال وهو يضحكك
منصور رقد ع ريل مريم و هي غطته ويا فروه مطر الي كانت قريبه منها
مطر : وانا ادور فروتي طلعت هني
مريم : خذ مال هزاع خله ها منصور متلحف فيه
مطر : مب بردان اصلا بس كنت ادوره عشان احطه ف مكان و مايضيع
مريم : بعطيك اياه يوم ترد البيت
مطر : تمام ورد يلعب وياهم
مريم بصوت عالي : العصر ايبوا خواتكم هنييي
سلطان : يصير خير
مريم : ماشي يصير خير ايبوهم ولا بخبر عليكم يدي
مطر : شو تبين فيهم
مريم : اشتقتلهم بيلس احش وياهم
هزاع : تحشون ف منو ؟
مريم : فيكم
سلطان : احلمي انهم ايوون عيل
مريم : جب بيونن غصبا عنكم
سلطان : بنشوففف
