الصبح اتصلت ام عبيد على مهره و قالتلها انه امنه موافقه و خذت رقم امنه عشان تعطي عبدالله و يحددون الملجه
مهره اتصلت على عبدالله
عبدالله : الووو
مهره : وينك
عبدالله : فالبيت
مهره : امنه وافقت
عبدالله فز : صدقق؟
مهره ابتسمت : هيه , بطرشلك رقمها و حددوا متى تبون الملجه
عبدالله بحماس : طرشي طرشي
طرشت له مهره و اتصل عبدالله على امنه على طول و كانت راقده
امنه بنعاس : الوو
عبدالله : اءء راقده ؟
امنه فزت : منو انته
عبدالله : انا عبدالله خطيبج
امنه : اوه , لا واعيه امرني
عبدالله : شسمه دقيت عشان نحدد الملجه
امنه وهي تتثاوب : تعال بيتنا اليوم و بنحددها مع بعض
عبدالله استانس : اوكييه ماطلبتي شي
سكرت امنه ف ويهه وكملت رقاد
عقب دقايق اتصل عليها
امنه بانزعاج : هاااااااااااااااااااا
عبدالله : لاتصارخين و يلا انزلي انا تحت
امنه : شو تسوي تحت
عبدالله : انتي طلبتيني و ييت
امنه بصدمه : بهالسرعه
عبدالله : يلا يلا غسلي ويهج و تعالي اذا مايتي انا بي لج فوق
امنه : اففففف , سكرت ف ويهه و قامت تغسل ويهها عشان تصحصح و بعدها نزلت شافته فالمجلس
امنه : خير أستاذ عبدالله
عبدالله : شو أستاذ عبدالله قولي حبيبي حياتي تعلمي تعلمي كيف ترمسين ريلج
امنه : شو تباا رافع ضغطي تراك
عبدالله : افاا شو سويتت
امنه : مقومني من نومي عشان انزل لك تحت
عبدالله : استاهل صح ولا لا
امنه : لا
عبدالله : المهم ماعلينا , متى تبين الملجه ؟
امنه : عقب أسبوعين و العرس عقبها بشهر " و قامت بتروح "
عبدالله : تعالي تعالي يلسي يلا بسولف وياج ماتروحين
امنه : أبا اناممم
عبدالله : ماشي
امنه : اففف
عبدالله : لاتتاففين
امنه بعناد : اففففففففففففففففففففففففففففففففففففففففففففففففففف
عبدالله : امنه
امنه : شوو
عبدالله : ماتبين تشوفين نهيان ؟
امنه : امبلا
عبدالله : خلاص عيل لاتعاندين
امنه : ليش مايبته وياك
عبدالله : مب كافي فالشوفه كان موجود خلاص مب لازم ايبه
امنه : مب ع كيفك
عبدالله : خلاص المره اليايه بيبه
امنه : انزين
--------------------
عند مريم
راحت بيت يدها لانها ملانه و تبا تطلع
شافت مطر ف ويهها : اوه انت هني
مطر : شو تبين
مريم : نطلع
مطر : ليش
مريم : ملل
مطر : وين تبين تروحين
مريم : تشوف هالرمله الي جدام بيت يدي ؟ بنسير نيلس هناك يلا خذ حصير وانا بسوي الشاي و بنسير " وراحت داخل "
مطر : ع كيفها هاي " راح يأخذ العده وهيك و عقب ماخلصوا راحوا "
مريم : تعرفف
مطر : شو
مريم : ياخي ملل من متى يالسه فالبيت
مطر : انتي ؟ مستحيل
مريم : جب جب حسدتوني ماقمت اطلع
مطر: زين يلا بوديج القريه
مريم قامت : يلا يلا
مطر : ايلسي ايلسي ماصدقتي على الله , مب الحين فالويكند
مريم يلست : و ليش مو الحين
مطر : لو سمحتي انا ريال وراي دوام و حاله مابطلع الحين
مريم : انت ريال ؟ تحريتك درهم ه ه ه
مطر ابتسم : سخيفه
مريم : ياخي ملل
مطر : شسوي
مريم : سولف
تم مطر يسولف وياها و يطلع لها سوالف من تحت الأرض عشان ماتمل
-------------
عند شيخه ومنصور
كانوا يالسين ف حوش بيت بوسعيد
منصور : هلا بالحب مابغيتي ترمسيني
شيخه : شوو
منصور : الحين من متى انتي ساحبه علي و مبلكتني
شيخه : ليش ماراضيتني
منصور : انا اسف
شيخه : ماقبلت
منصور : انزيين ليش زعلانه
شيخه : بس جي
منصور : لا والله
شيخه : هيه
منصور كان بيرد عليها بس قاطعوهم مهره و سالم
مهره : السلام عليكم
سالم : وعليكم السلام
مهره لفت عليه
سالم : شفيج مارد السلام يعني
مهره : بس انا ماسلمت عليك سلمت على منصور و شيخه
سالم : ماقلتيي سلام عليكم منصور و شيخه انتي بس سلمتي
مهره طنشته و راحت تيلس عند منصور
سالم : ايه خوزي مكاني
مهره : ارض الله واسعه ايلس مكان ثاني
سالم : لا أبا ربيعي
مهره : سير لاه
يتهم اليازيه : السلام عليكم
الي موجودين : وعليكم السلام
اليازيه : يالسين بروحكم
شيخه : نسولف
اليازيه يلست : يلا انا بعد بسولف
يلسوا يلعبون حرف اسم
منصور : نبات بحرف العين
سالم : عرعر
مهره : لا هاا مو نبات
سالم : امبلا
منصور : هيه هيه اعرف انا نبات ها
شيخه : منصوررر لاتغشش
اليازيه : ع كيفكم انتو
منصور : صح كلام شيخه مو نبات
سالم فلعه بالدفتر : ايه انت يالخروف مخلنها تمشيك ع مزاجها
منصور : اسكت
اليازيه ضحكت : يلا نكمل
مهره : انا بختار حرف
سالم : لا انا
مهره : لا لا انت توك مختار
منصور : يلا مهور اختاري
مهره : حرف الميم
تموا يكتبون و بعدما خلصوا
اليازيه : اسم ؟
مهره : مريم
سالم : مهره
شيخه : مها
منصور : ميثا
اليازيه : ميره
منصور : نبات ؟
مهره \ شيخه \ سالم : موز
منصور \ اليازيه : مشمش
شيخه : حيوان ؟
مهره \ شيخه \ اليازيه \ منصور : ماعز
سالم : مهره
مهره فرت عليه القلم : حمار
سالم : اص ولا كلمه
اليازيه : لعبتكم ممله تعالو بطلعكم
قاموا كلهم : يلا
سالم : وين وين سيروا لبسوا عبيكم
مهره : عباتيي هنيي الحين بيبهاا " راحت تركض داخل "
شيخه : انا مابلبس مخورتي ساتره و باخذ هالشال وياي
منصور : سيري بسرعه هاتي عباتج
شيخه : مابا
سالم : يلاااااااااااااا
شيخه : لاتصارخ لاعطيك كف
منصور قرص سالم : لاتصارخ عليها
شيخه : اليازيه وين راحت
سالم : تبطل السياره
منصور : يلا شيخوه سيري لبسي عباتج عشان اذا بننزل ماتتوهقين
شيخه : هيه صح " ركضت تأخذ عبايتها من غرفه أمها "
اليازيه دقت هرن : يلاا
راحوا منصور و سالم و ركبوا ثنينهم جدام
اليازيه : تبون اخذ جمس سلطان ؟
سالم : البنات وين بيلسون
اليازيه : عادي يستوي
منصور : تقدرين تسوقينه ؟
اليازيه : هيه
سالم : يلا عيل
غيروا السياره و خذوا جمس سلطان
يت شيخه : خير ونحن وين نيلس
مهره يت وراها
منصور : مهور تعالي انتي حذالي و خلي شيخه عند الباب
مهره : لا انا أبا عند الباب
منصور : يلاا ركبي الحين
ركبت مهره و عقبها شيخه و حركوا
مهره : وين بنسير
اليازيه : نحوط
شيخه : وين
اليازيه : وايد تسالون
شيخه : اففف بسكتتت
راحوا ياخذون لهم كوفي
---------------
عند امنه و عبدالله :
بعد ما راح من عندها راحت تشوف مسلسل بس اتصل عليها
امنه : ها
عبدالله : شو ها
امنه : شو أقول
عبدالله : مادري
امنه : خلاص جب مابا اسمع صوتك
عبدالله : بعطيج كف
امنه : اص خلني اشوف مسلسلي
عبدالله : المسلسل اهم عني ؟
امنه : هيه
عبدالله : شوفي شوفي , بطلع انا
امنه : لا
عبدالله : ليش
امنه : لانه انا قلت لا
عبدالله : انزين بسير عند نهيان
امنه : وينه
عبدالله : تحت
امنه : اوكيي بايي " سكرت "
مريم اتصلت لها : انتي ايه
امنه : ها
مريم : متى ملجتكم
امنه : عقب أسبوعين
مريم : شوو تتريين قومي تجهزي بسرعه بمر عليش بنسير نجهز اغراضج
امنه : ويا منو
مريم : مادري
امنه : حماره انتي
مريم : مافكرت فيها
امنه : خلاص خلي اخوج يوصلج وبنسير ويا الدريول
مريم : اوكييه
راحت امنه تتجهز و عقب دقايق يتها مريم و راحوا دبي ويا الدريول هي و مريم و علياء
مريم : تعالو هني هالمحل شوفو الفساتين
علياء : الله امون شوفي ها حلو
امنه : لا مابا احمر احس أبا اسود
مريم ضربتها : شو اسود ملجتج تلبسين اسود
امنه : هيه عادي
مريم : مو عادي
امنه : انزين انا ماعيبني شي هني تعالو نشوف محل ثاني
تموا يحوطون يحوطون لين مريم و علياء حصلوا لهم فساتين و امنه بعدها
بعد نص ساعه دشت محل و عيبها فستان بسيط و حلو خذته
و تمت تتشرا حق الزهبه بعد عشان ماعندها وقت غير أسبوعين و شهر ف قررت تتشرا من الحين لين ما استوا ليل و ردوا بيوتهم
--------
اليوم الثاني قامت الصبح من وقت و سارت مره ثانيه تكمل تجهيزاتها بس هالمره ويا عبدالله و عبيد عشان يشوفون القاعات وجي حق العرس
عبدالله : شرايج فهاي ؟
امنه : كم مساحتها ؟
عبدالله : شوفيها كبيره
امنه : أبا اشوفها كامل
خذوا لفه عالقاعه كلها و بعدها اقتنعت امنه و حجزتها لعرسها
عبيد : خلصتوا ؟
عبدالله : هيه
عبيد : يلا ودوني اكل
امنه ضحكت : يلا انا بعد يوعانه
عبدالله : تممممم
عبيد : هيه لو مو امنه جان وصلتني البيت وانا يوعان
عبدالله : امش بس
راحوا يتغدون و بعدها ردوا البيت و مر اليوم طبيعي عالكل
