في اليوم الثاني كان عبدالله مسوي عزيمه فبيتهم ف الكل راح و طبعا حصيص عزمت امنه ع طلب نهيان الي خبرها شو صار امس و قررت حصيص تجمع شخصين بالحلال
في العزيمه :
حصه : اقولج مريوم ترا عزمت ربيعتج رمسيها شوفي وينها
مريم : كيف عزمتيها
مهره ( اخت هزاع ) : رمستني حصيص عشان اعزمها
حصه : هيه نهيان يباها
مريم : سويتوا خير والله خلوها اتيي بشلها و بنروح نقعد بروحنا
حصه : نعم اختي شو تبين انتي
يت امنه : السلام عليكم
مريم : هلا هلا بالحب
مريم ابتسمت و سلمت عليها : اهلييين
سلمت عالباقين و بعدها يلست تسولف وياهم و ع وقت الغداء قامت تعاونهم
عبدالله دق على حصه : حصيص وين العصاير
حصه : فالمطبخ شلهم
عبدالله : اوكييه
حصه فكرت شوي و عقبها لفت على امنه
حصه : اقولج امنه سيري المطبخ هاتي الصحون نحتاج صحون زياده , بس لبسي شليتج مبطلين الباب الي يطل ع ميلس الرياييل
امنه : اوكييه
راحت و لقت عبدالله يحوس هناك : اخيييه انا لو اعرف انك هني ماييت
عبدالله : بسم الله
امنه : شو شايف يني ؟ و بعدين ليش ياي المطبخ اطلع
عبدالله : انتي شو تبين مطبخنا
امنه : مب مطبخكم اطلع يلا ماتستحي الحريم يروحون و يردون وانت واقف هني
عبدالله : من زينهم عاد
امنه : اطلع اطلع
عبدالله يلس عالطاوله : انا مب طالع طلعي انتي
امنه : لاتطلع " شلت الصحون و يت بتطلع "
عبدالله : صبريي
امنه لفت : ها
عبدالله : ها فعينج قولي نعم هلا أي شي شو ها
امنه : كيفي مايخصك شو تبا قول بسرعه
عبدالله : ماحصلت الاكواب دوريهم
امنه : مب تقول مطبخكم ؟ دورهم روحك " وطلعت "
عبدالله : استغفرالله انا الحين وين بحصلهم
اتصل على حصيص
عبدالله : حصيصص وين الاكواب
حصه : شوففف فالكبتت الي فوق عند الصحون
" عبدالله فتح الكبت و لقاهم " : اوكي يلا باي
راح الميلس و تغدوا كلهم و عقب الغداء يلسوا يسولفون بس نهيان يا و شاف امنه ف سحبها وياه برع يلعبون
امنه كانت يالسه تلعب نهيان و شافت عبدلله ياي
امنه : اخييه ها حتى هني ناشب " لفت على نهيان " سير شوف ابوك شو يبا
نهيان ركض عند ابوه : ها باباا
عبدالله : انتت بعد تقول هاا منو علمكك انا ماقلتلك لاتقول ها
امنه لفت : لاتعصب عالولد عشان مافلعك بالسياره " كانت ماسكه سياره نهيان اللعبه "
عبدالله : انتي شو تبين شو تبين انا وولدي نتفاهم
امنه : مب ولدك
عبدالله : ع كيفج شو
امنه : هيه
عبدالله : الحمدلله و الشكر " شاف نهيان " انت ليش تلعب هني فالحر تعال داخل
امنه : بس بس فج عن الولد شوي خله يتنفسس عنبوههه شو ها الابو انت لو تتحمس شوي بتحبسه فالغرفه
عبدالله : اسكتي
امنه : تسكتنيييييييييييييييييييييييييييييييييييييييييييييييييييي
عبدالله : بس خلاص يالصدعههه " وراح داخل "
امنه بصراخ عشان يسمعها : جب جب انتت لو ريال أصلا جان واجهتني ماكنت بتشردد
نهيان : تعاليي نلعبب
امنه: يلا كله من ابوك ها خرب علينا
يلست تلعب ويا نهيان و عقبها بشوي اخوها اتصل و قالها ترد البيت و ردت البيييتتتت
عقب ما الكل رد البيت راح عبدالله عند حصه
حصه : شو تبا
عبدالله : اقولج
حصه : شو
عبدالله : منو هاي الي عزمها نهيان
حصه اخفت ابتسامتها : ربيعه مريم
عبدالله : شسمها
حصه : شو تبا ليش تسال
عبدالله : لا بس جي اسال قولي يلا
حصه : امنه
عبدالله : اهاا , يلا تصبحين على خير
حصه : وانت من اهله
طلع عبدالله و راح غرفته شاف نهيان راقد لحفه و انسدح عالسرير , دش انستا و قعد يدور حساب امنه لين حصله و شاف الستوي و كانت حاطه صوره ايدها وهي ماسكه نهيان و مغطيه على ويهه
كتب لها : منو سمح لج تصورين ولدي
ترياها ترد بس طولت ف رقد
-----
عند امنه
ردت البيت و بدلت و حطت الصور الي صورتها ستوري و بعدها من التعب رقدت
----
عند مريم راحت بيت يدها شافتهم يالسين فالميلس
دشت : السلام عليكم
الكل : وعليكم السلامم
مريم راحت عند يدها : يديي اشتقتلكك
بو سعيد ( اليد ) : واناا بعدد
مريم : برقد عندك اليوم
بو سعيد : حياج الله البيت يتج
خليفه : لا لا مانباج ردي بيتكم
بو سعيد : انت الطالع وهي الداشه
مريم : فديييتوووو حبيبيي مايرضى علي
خليفه : مصدقه نفسج انتيي يلا يلا بنرقدج هني فالميلس
مريم : يديي لو سمحت أبا ارقد ف غرفه خليفه مكيفه باردد و سريره مريحح
خليفه : انتي متى نمتيي فغرفتي ياحماره
بو سعيد : خليفه اليوم ارقد فحجره ثانيه
خليفه : ابويهههه شي وايد غرف خلها ترقد ف وحده فيهم
مريم : لا انا أبا غرفه خلوف
خليفه : ماشي انا مب طالع من غرفتي
مريم : يديي شوفهه
بوسعيد : خلاص خليه يولي تعالي بعطيج غرفه احلى
مريم : صح والله من زين غرفتههه عادد
راحت مريم ويا يدها و عطاها الغرفه الي حذال غرفته
باست راسه : تصبح على خيير
بوسعيد : تلاقين الخير
خليفه مر من عندها و شافها : ويووو قصوا عليهااا
مريم : جب شوف أي غرفه خذت ويووو ( كانت ماخذه الغرفه الي خليفه كان يباها )
خليفه : أصلا عادي غرفتي احلى
مريم : ويوووو
راح عنها خليفه و مريم راححت تسولف ويا عمتها حليمه
