يوم الخميس ، طبعا البنات عزموا مهره ٢ و يت و تعرفوا عليها و استوت ربيعتهم و حبوها وووو المهم
علياء شافت مهره ٢ تتلفت : ليش تتلفتين هاا 😉
مريم وهي تضحك : تدور حبيب القلب
مهره ٢ : جب جب يالسه اشوف الورود
مهروه : اي ورود حبيبتي ماعندنا ورود
مهره ٢ اشرت ع الورود الي صوب الباب : هالورود ياحماره
مريم سارت تشلهم و يابتهم عند البنات
علياء: من منو و حق منو ؟
مريم : مادري
يلسوا يستكشفون الباقه ( ملاقيف )
مريم حصلت كرت : الله كرت
مهروه سحبته وهي تقرا : لك في عيوني شوق ينتظر لحظه لقى 💗
مريم : الله الله منوو هالعاشق الولهان
مهروه : مب مكتوب
مريم : انزين حق منو
مهروه : مب مكتوب
مريم : منو يابه انزين
مهروه : ريلي
كلهم صدو عليها
مهروه بخوف : بلاكم
مريم : منو ريلج
مهروه : ياحماره يالسه استبهل ، شعرفني يعني منو يابه
مريم كانت بتتكلم بس قاطعوها الشباب وهم داشين البيت بحشرتهم و ضرابتهم
مهروه : ايهه اطلعوا عندنا ضيوف
سالم : منو هالضيوف ما اشوف حد غيركم يالبقر
مريم : حرمتك البقره اطلع ماتشوف البنت يعني
سالم شاف وحده يالسه وياهم و تلوم
منصور ضحك عليه
سلطان : الله ورده و سار يشلها ، من منو هاي ؟
علياء: مانعرف
سلطان : و حق منو مطرشينها
روضه : بعد مانعرف
سلطان وهو يقرا الكرت : الله الله ذوقه حلو يايب ورد اصفر
مريم شافته بنظره
سلطان : نعم اختي
مريم : نعامه تبوسكم يلا اطلعوا
شيخه : يلا بسرعه
مايد : عناد فيكم بنيلس هني
عذاري: مايد اطلع عيب البنت تلومت منكم
طبعا مهره ٢ ساكته و مستحيه
منصور سار يلس عندهم و يالس يرمس مهره ٢ بس منزل راسه
منصور : شحالج
مهروه طالعته بنظره : قوم انقلع شحالج اونه
منصور : اسكتي شوي ورد يرمس مهره ها ولدج ؟ ( نهيان كان وياها )
مهره ٢ شافت مريم ( تباها تنقذها )
مريم : منصورر اطلع ولا بخبر باباا
سالم سحب منصور : امش ياحمار
منصور : الصراحه يا اخت مادري شسمج المهم الله يعينج على هالمخبل
و صد ع نهيان : تبا تلعب ؟
نهيان هز راسه بهيه
منصور : تعال ايلس ويانا عيب تيلس ويا البنات
مهروه : طع منو يتكلم
اليازيه : بس جب انتو ايه سيرو
هزاع : عصبت عصبت تعالو قبل لاتنفجر
اليازيه : جب
نهيان شاف مهره و هي همست له : روح عندهم عادي
نهيان سار مسك ايد منصور و ساروا اليلسه الثانيه
مهره ٢ ردت تسولف وياهم طبيعي
عند الشباب
منصور : شسمك ؟
نهيان : اسمي نهيان
منصور : الله وانا منصور
نهيان : اعرف
منصور : كيف عرفت
نهيان : اختك كانت تزقرك برع
سالم يا يلس وياهم : شو تسوون
منصور : نرقص
سالم رفسه
منصور : شو تشوف يعني
سالم : جب جب
فتحو السوني و يلسوا يلعبون و يلعبون نهيان وياهم لين عقب قرروا يشوون و تعشوا و كل واحد رد بيته و كان يوم حلو و خفيف لطيف عليهم طبعًا عزموا مهره مره ثانيه ف يوم ثاني بس هالمره بتكون ويا اخوانها كلهم
هالبارتين بمناسبه النجاح 🫶🏻
( قررت انزل لكم بارت او بارتين كل ويكند يناسبكم ؟ )
