فالكويت
ميره كانت يالسه تتجهز لانه بيطلعون و خليفه يترياها برع
شوي و طلعت ميره : يلا ؟
خليفه : يلا تعالي مسك ايدها وراحو
ميره : وين بنسير ؟
خليفه : المول
ميره : ايه لا خل المول حق اخر ٥ ايام
خليفه : ترا خلاص اسبوع و بنرد جدمت التذاكر انا
ميره : اوه اوكي خلاص عيل خلنا نسير مول ..... مطاعمهم حلوه
خليفه: بس تفكر ف بطنها
ميره : جب
خليفه : امشي
ساروا المول يتشرون هدايا و هالاشياء
ميره تصورت ويا خليفه و حطته ستوري
و كانت مها ( ربيعه ميره الكويتيه ) اول وحده تشوف الصوره
ف الجات :
مها : اوه انتي ف مول .... ؟
ميره : هيهه
مها : جايش جايش
ميره : انتي هني ؟
مها : هيه توني يايه ( اعتبروها تتكلم كويتي ماعرف لهجتهم )
ميره : خلاص يلا تعالي عند .... اترياج
يت مها و سلمت على ميره
ميره : شحالج حبي
مها : بخير انتي شلونج
ميره : انا الحمدلله بخير
ياهم خليفه
خليفه : احم السلام عليكم
مها ، ميره : وعليكم السلام
ميره : خليفه هذي مها ربيعتي
خليفه رفع راسه و انصدم
و مها بعد انصدمت
مها ، خليفه : انتي / انت !
ميره : تعرفون بعض ؟
خليفه استوعب : ها ؟
مها بترقيعه سريعه : اءء لا بس تصادفنا وايد قبل
خليفه فهمها : هييه
ميره بابتسامة: محلا الصدف
خليفه ضربها على راسها
ميره : اقولج مهوي دامج وصلتي حياج تعالي يلسي ويانا
مها بتوتر : اءء لا مشكوره حبي بس بسير تاخرت على اخوي
خليفه : ازقريه خليه يي هني
ميره : هيه يلاا
مها ماحبت تردهم : تمام ويت
اتصلت على اخوها و ياهم و سلموا على بعض و تعرفوا على بعض
يوسف : الا ماقلتلي خليفه كم عمرك
خليفه بابتسامة: بدش ال ١٩ ان شاء الله
يوسف ابتسم : العمر كله ، طلعت اصغر عني
خليفه : ليش انته كم ؟
يوسف : قريب بدش ال ٢٠
خليفه : حبيب
ميره : انا يوعانه
مها : ماتريقتي ؟
ميره : لا خلنا نسير نتغدى
الكل : يلا عيل
خليفه : وين تبون ؟
ميره : خلنا نسير pf chance
يوسف : يلا عيل
مها : لا انا ابا مطعم هندي
خليفه : العبوا حجره ورقه مقص الي يفوز بيختار المطعم
لعبوا و فازت مها و ساروا مطعم هندي
طلبولهم اكل و تغدوا و بعدها كملوا shopping
لين ما تعبوا و ردوا بيوتهم مها و يوسف و ميره و خليفه ساروا الفندق
****
نجدم شوي لين اليوم الي بيردون فيه الامارات
كانوا متيمعين ويا مها و يوسف ( ف هال ٥ ايام تقربوا من بعض اكثر )
مها بدموع : بشتاقلج
ميره : لاتصيحيني 🥹
خليفه : دراماا
ميره : اسكت
يوسف : ماله داعي كل هالصياح مابيهاجرون ترا
مها : لا بيسيرون و مابيردون
ميره : بييي لج
يوسف : اساسا نحن بنيي لكم الامارات عقب شهر او كمن اسبوع
ميره : صدق ؟
يوسف : هيه
مها : ليش انا اخر من يعلم ؟
يوسف : لانه للحين مب اكيد بس خلاص الحين اكيد اكيد بنسير
خليفه و هو يشوف ساعته : يلا بنتاخر
يوسف : يلا بحفظ الله
ودعوا بعض بالاحضان و ساروا خليفه و ميره المطار و طبعا ميره طول الدرب تصيح لانها بتشتاق لمها و بعد لانها مشتاقه لاهلها و خليفه يهديها
وصلوا و سوو اجراءات السفر وها و ركبوا الطياره
