عقب أسبوعين " قبل الملجه بيوم "
كانوا كلهم فبيت ام عبيد يجهزون الأغراض وجي
نروح اول شي عند مطر و مريم الي يسوون التوزيعات :
مطر : لا ياحماره مب جي لازم كلهم يكونون متنوعين
مريم : اف تعبت
مطر : يلا يلا كملي
مريم : لا خلاص مافيني حيل
مطر : كمليي باقييي بس خمس تقريبا
مريم : انزييين
كملوا و خلصوهم كلهم و حطوهم بالترتيب فالسله
-------
عند شيخه و اليازيه
كانوا ينظفون الحوش و الغبار عشان يوم بيحطون الكوشه وجيي يكون المكان نظيف
و الباقين كل واحد يسويي الي مطلوب منه لين ما اذن العشاء و راحوا يصلون و بعدها ردو يكملون و امنه تطالعهم من الدريشه ( ماتقدر تطلع لانه عبدالله وياهم 😂)
وهي تراقب شافت نهيان يا عندها
امنه : هلا هلا بولدي حبيبي
نهيان : ليشش ماتيين برع
امنه : لا مابا ابوك يشوفني
نهيان : ليشش
امنه : مايصير ياقلبي
نهيان : انزين انا بيلس عندج هني
امنه : تعال يلا
تموا يشوفونهم وهم يجهزون المكان وجي و عقبها راحوا يلعبون اونو لين خلصوا و الكل رد بيته و رقدوا الا امنه كانت واعيه و متوترههه الففف
————-
يوم الملجه :
الصبح قامت امنه و تسبحت و بعدها يلست تجهز فستانها و العقد وجي و حطت ع ويهها ماسك لين ما تي الكوافيره و تسوي شعرها
عقب اذان العصر يت و الكوافيره و البنات كانوا عندها و الميكب ارتست موجوده و كل وحده تسوي شي بالدور - خلو امنه اخر شي عشان تكون جي فرش فرش
المهم تجهزوا البنات ع المغرب خلصوا و نزلوا تحت يستقبلون الضيوف وجي و تمت امنه تتجهز وهي ترمس عبدالله عن نهيان
امنه : ياخي قلتلك طرشه عندي بتصور وياه
عبدالله: لا ماشي
امنه : مب ع كيفك يلا عاد برمس ابوي ترا
عبدالله: يوم بي عندج بيبه الحين لا
امنه : افف كرييهه " سكرت ف ويهه "
دشت عليها مريم : خلصتي ؟
امنه : لا باقي شوي بس
علياء يت : مريم يزقرونج تحت
امنه : ايه لا ابا حد يتم وياي
علياء: انا بتم ماعليه سيري مريم
راحت مريم تحت و تمت علياء عند امنه تخفف توترها وجي و بعد ما خلصت يو خوات عبدالله والي هم موزه و حصه و مهره يسلمون عليها و يشوفون اذا ناقصها شي و عقبها ب نص ساعه دش عبدالله يتصور وياها و نهيان وياهم " طبعا الحب ها امنه ماتستغني عنه "
———-
وقت الزفه :
انزفت امنه وهي متوتره
عقب مانزفت و صورتها المصوره كمن صوره يو عندها البنات يسلمون عليها و يتصورون وياها و عقب تمت يالسه و الحريم يسلمون عليها يوم خلصوا قالولها انه عبدالله بيدش و وياه اخوانه ف تغطت امنه و دشوا عبدالله و حمد و عبيد و عبدالرحمن و نهيان و بو عبيد و بو سعيد كان وياهم ، سلموا عليها و وقفوا صوبها و اخر شي كان عبدالله
وقف جدامها و باسها ع راسها وهو مبتسمم الود وده يشلها و يدور فيها
عبدالله: مبروك
امنه ابتسمت بس ماردت عليه
تصوروا الشباب وياهم و طلعوا بعدها
عبدالله لف عليها : ترا قلتلج مبروك
امنه بهمس : الله يبارك فيك
عبدالله: اونها مستحيه وهي قبل ساعه تتضارب وياي
امنه : جب ، وين نهيان
عبدالله: يمكن طلع
امنه : ليشش ماتصور ويانا
عبدالله: بسه تصور ويانا فوق
امنه : لا بعد ابا
عبدالله: ماشي
امنه : اسكت انت " اشرت حق مهره تي " اقولج سيري هاتي نهيان بتصور وياه
مهره ( حرمه هزاع ) : ان شاء الله
اتصلت على هزاع و قالتله ييب نهيان عند باب قاعه الحريم و هو طرشه ويا منصور
شلته مهره و راحت داخل يلسته ف حضن عبدالله
امنه لفت عليه : الله ولدي كاشخخ ، معرس معرس
عبدالله: انا بعد معرس مامدحتيني
امنه : مو لازم امدحك
نهيان : شوفيني امون انا حلو ؟
امنه : جمييل تبارك الرحمن ، عبدالله حصنه عن يحسدونه
عبدالله: يحسدونه على شو انا احلى عنه
امنه : الثقه ابدا مب ف محلها
عبدالله ابتسم و بدا يحصن نهيان و يحصن امنه وياه
انتبهت له امنه و ابتسمت
——
عند البنات
اليازيه : شوفو امنه تاقلمت بدت تسولف
مريم : وين تسولف هاي تتضارب شوفي ملامحها
مهره ( اخت هزاع ) : اويه بنات شوفو كيوت يالس يحصنها
موزه ابتسمت : الله يهنيهم يارب
البنات : اميين
مريم : زوجونييي
حصه : طبي و تخيري الشباب الي فالعايله وايد
مريم : اص ماباهم
روضه : هيه تبا مطر
مريم : انااااا
شيخه : كلنا كاشفينج ترا
عذاري : شوفو استحت
مريم : جب جب ، سيروا خلوه يلبسها الشبكه ابا اصور مليت وانا اطالع ضرابتهم
راحت لهم موزه : يلا عبدالله لبسها الشبكه
وقفوا امنه و عبدالله و يابت لهم الشبكه ام عبيد و شل عبدالله العقد بيلبسها و مهره تساعد و بعدها الشغاب وهني صدق كان متوتر يخاف يعورها
مهره شافته خايف : تعال انا بلبسها خوز
عبدالله خاز و لبستها مهره و بعدها يا وقت الدبل و شلت الدبله امنه
امنه : ف اي ايد البسه
مهره : اليمين
لبسته امنه و بعدها لبسها عبدالله و حصه تصورهمم
بعدها ساروا قصوا الكيك و وكلوا بعض و عقبها خلاص راحوا يلسون بروحهم ف صاله ثانيه ، و الحريم يتعشون
———-
عند الشباب :
سالم : تعالو نرقص
منصور : شو ترقص
سالم : مادري
بو هزاع : انت بس ها الي هامنك الرقص
سالم : هيه لاه عمي تعال ارقص وياي
بوهزاع : ارقص روحك
سالم : ان شاء الله
تم يرقص سالم و الباقين يسولفون و بو هزاع ناقد على سالم 😂
مطر : ياخي انا يوعان
مايد : انا بعد
سلطان : هيه حتى انا مب ماكل تراني
زايد : قوموا قوموا بنحط العشاء
هزاع : يلا
راحوا الشباب حطوا العشاء و نادوا المعازيم و يلسوا يتعشون
———-
عند معاريسنا
عبدالله : ها اشوف بلعتي لسانج
امنه : ياخي انت شو تبا
عبدالله: شو شو ابا ريلج انا
امنه : انزين
عبدالله: شو انزين دلعيني يلا قوليلي كلام حلو
امنه : ماعرف
عبدالله: مكاره انتي
امنه : خلصت ؟
عبدالله: لا بعدني بيلس وياج
امنه : انا مصدعه
عبدالله طلع من جيبه بندول : ها خذي
امنه : لا ابا اكل
عبدالله: زين دقيقه " اتصل على حصه " اقولج حصيص هاتيلنا عشاء حرمتيه يوعانه فديت روحها انا
حصه : انزين
سكر ف ويهها : هاذيها حصيص بتيب لنا اكل
امنه : وليش ماتروح انت تساعدها
عبدالله: انا معرس
امنه : ويعني
عبدالله: اسكتي اسكتي
يابت لهم العشاء و تعشوا و يا نهيان و خذته امنه يلسته ف حضنها و تمت تاكله
عبدالله: خلصتي يلا ها خذي لج بندول وراي سوالف وايد انا
امنه : ويت " راحت تغسل ايد نهيان " و ردت يلست
نهيان : انا بنام عند امون اليوم
عبدالله: يلا انا بعد
امنه : مانستقبلك بس نستقبل نهيان
عبدالله : لا لا انا ماقدر ارقد بدون ولدي تبينه رقديني وياه عندج
نهيان : بابا انت كل يوم ترقد بروحك
امنه : ها حتى ولدك يعرف انك تجذب
عبدالله: ماتستحي ع ويهك تجذب ابوكك
نهيان ضحك
امنه ابتسمت : وااا فديت هالضحكه
عبدالله رفع حاجب و ضحك
امنه شافته : ليش تضحك
عبدالله: الحين يوم نهيان ضحك تفديتيه وانا تقوليلي ليش تضحك ، ممنوع اضحك ؟
امنه : هيه ممنوع
عبدالله قام : يلا بسير
امنه اشرت له : بايي
عبدالله: شو باي هاتي ولدي و يلا قومي وصليني لين الباب
امنه : مو متفيجه روح انت ، ولدي بيتم عندي
عبدالله: نهيان بتي ؟
نهيان : لا
عبدالله: افا تخليه ابوك بروحه
امنه همست لنهيان : قول هيه
نهيان رفع راسه : هيه
عبدالله: مالت بس مالت ، يلا عيل فمان الله
امنه : بحفظ الله
راح عبدالله و راحوا امنه و نهيان يرقدون
————
عند زايد و ريم :
دشت ريم و حطت ميثا فحضن زايد : جابلها بغير لبسي
زايد : تعالي تعالي اشوف " مسك ايدها ولفها " الله الله شو هالحلا كله انتي حرمتيه ريم ؟
ريم ابتسمت : منو بكون يعني
زايد : مادري قلت يمكن بدلوج عطوني حرمه ثانيه " ابتسم " طالعه حلوه
ريم : صدق ؟
زايد : هييه
ريم استحت : ترا على فكره اخوي محمد اتصل يسال عنك
زايد : اوهه حمود من زمان عنه
ريم : امس كنت وياه
زايد : قلتيها امسس
ريم : بس بس بسير ابدل
سارت ريم تبدل و زايد رقد ميثا و رقد وياها طلعت ريم و شافتهم راقدين سكرت الليت و راحت ترقد
————
عند هزاع و مهره
كانت مهره ماسحه الميكب و مغيره لبسها و يالسه تشوف مسلسل
دش هزاع : افااا بدلتي
مهره : هيه انت تاخرت
هزاع باس راسها : اسف عيوني
مهره ابتسمت : عادي عادي ، تعال شوف وياي مسلسل
هزاع انسدح حذالها : يللا
مهره حطت الايباد فالنص و تموا يتابعون لين رقدت مهره و سكر هزاع الايباد و رقد
———-
المعاريس الي ساحبين عليهم
عزيز وفاطمه
فاطمه : وين سايرين ها مو درب البيت
عزيز : بنسير ناكل مندي
فاطمه : الله انا يوعانه ماكليت
عزيز : يلا الحين بتاكلين
بعد نص ساعه وقف عزيز عند مطعم عيوش و تغشت فاطمه و نزلوا هم الاثنين و يلسوا داخل ها مال العوائل و طلبولهم مندي و بدوا ياكلون و عقب ماخلصوا دفع الحساب عزيز و راحوا البحر
يلست فاطمه ع الرمل : اف كنت محتاجه اي البحر
عزيز : افا و ماتقولين لي
فاطمه ابتسمت : مادري حسيت مو مهم
عزيز : توج تقولين محتاجه تيين
فاطمه : هيه البحر جي يرد الروح
عزيز : وانا
فاطمه : انت شو
عزيز : امدحيني
فاطمه استحت : ماعرف خوز عني
عزيز ابتسم : يلا شفيج
فاطمه : عزيز ياخي ماعرف جب
عزيز ضحك و يلس حذالها يتاملون البحر و كل شوي يحارشها
انتهى 💕
