عند مريم كانت يالسه تتمشى ويا مطر " رن تلفون مطر "
مريم : منوو
مطر اشر لها تسكت : الوو
علي : الوو مطور وينك
مطر : انا فالبيت
علي : اقولك بنطلع نحن بتي ؟
مطر : وين بتسيرون
علي : العصر بنسير دبي نتمشى
مطر وهو يشوف مريم لاصقه ف التلفون تبا تسمع
مطر: ماعرف بشوف اذا كنت فاضي بيي وياكم
علي : اوكي شوف و خبرني
"سكروا "
مطر التفت لمريم: شو فيج انتي
مريم : وين بتسير
مطر : بطلع ويا ربعي
مريم : انا أبا اطلع
مطر : سيري اخوانج بيطلعونج
مريم : محد فالبيت
مطر : سيري دوري لج حد ثاني يلا
مريم : بتطلعني ولا اخبر عليك عمو حليمه
مطر : سيري خبريها
مريم ركضت داخل : عموههههه
حليمه : هلا ياروحي
مريم : شوفي ولدج مايبا يطلعني
حليمه : ليش
مريم : يقول بيطلع ويا ربعه انا بنت خاله انا أولى
مطر : اميييه شوفي بنت اخوج ماتخليني اطلع ويا ربعي انا واعدهم
مريم : جذاب قلتلهم بشوف ماقلت اوكييه بي
مطر: الحين بتصل بقولهم
مريم : عموه قوليله يطلعني انا
حليمه ابتسمت : خليه يطلع وانا بخليه باجر يطلعج يوم كامل
مريم : اكييد ؟
حليمه : هيه
مريم : اوكي خلاص رضيت
حليمه شافت مطر : روحح حبيبي اطلع ويا ربعك
مطر ابتسم و باس راسها : يلا فمان الله
حليمه : تعالي مريم اباج
مريم يلست حذالها : هلااا
حليمه ابتسمت : كيف علاقتج ويا مطر
مريم : يعني زينه نسولف و نضحك
حليمه : هيه اشوفكم تشقون الويه من تسمعون طاري الثاني
مريم استحت : هاا
حليمه ضحكت : انزين سمعيني
مريم :هلا
حليمه : تشوفين مطر مستعد للزواج ؟ أبا ازوجه ويالسه ادور له وحده
مريم بلعت ريقها : هيه ماشاء الله عليه مستقر و مب قاصرنه شي و الف بنت تتمناه
حليمه غمزت لها : متاكده انتي مب من الالف هاييل
مريم : اءءء انا بسير امي تباني " طلعت بسرعه "
مريم عقب ماطلعتت : اوففف بغيت انكشف
راحت بيتهم
------
عند امنه
ردت البيت وهي وياها شنطه صغيره حق نهيان
نومته و نزلت تحت عند اخوانها
عبيد : يلا فهمينا من وين تعرفين هالولد
امنه : الله يسلمكم ربيعتي مريم اخوها معرس و حرمته تكون عمه نهيان
عبدالرحمن : وكيف عرفج
امنه : ف ملجه بنت عم مريم كانت متعور و عالجته و حبني و تميت العب وياه وجي حتى فالعزيمه رحت عشانه
عبيد : همممم
امنه : انا يوعانه
عبيد : شي عيش
امنه : منو مسويه
عبدالرحمن : طلبت
عبيد : امي و ابوي متى بيردون
امنه : أسبوع الياي
عبدالرحمن : كلمتيهم ؟
امنه : هيه
عبيد : و ماتخبرينااا
امنه : انتو ماعرف وين , المهم انا بطلع و بشل نهيان وياي
عبدالرحمن : وين
امنه : بتمشى ماقدر ايلس فالبيت بختنق
عبيد : سيري سيري ها الي فالحه فيه بس
امنه : جب انته
راحت امنه تتجهز و قومت نهيانن و شلته وياها و طلعوا
------
عند معاريسنا
كان عزيز رايح بيت فاطمه
عزيز : اقولج فطيم
فاطمه : هلا عيوني
عزيز : شرايج نكنسل العرس و تيين وياي جي بدون عرس
فاطمه شهقت : لاااا انا أبا عرس
عزيز : انزين بس بنجدمهه شهرين وايدد
فاطمه : متى تبا
عزيز : نهايه 11
فاطمه : مابلحقق اجهز
عزيز : عاديي مب لازم تجهزين كل شي مره وحده بس خذي الأشياء الي تخص العرس و الباقي جهزيهم عقب وانتي ويا ي
فاطمه : بفكر
عزيز : يلا عاد فطيم
فاطمه : انزييين خلاص بنسويه نهايه 11 بس مابا عرس مال أي شي أبا عرس راقي و حلو و الكل يتكلم عنه
عزيز : تممم ماطلبتي شي
فاطمه ابتسمت : تمتت افراحك ياروحي
عزيز : متى تبينا نطلع نجهز اثاث بيتنا ؟
فاطمه شافت التاريخ : الويكند الياي مناسب ؟
عزيز : خلاص تم
