ردو الشباب بيوتهم تسبحوا و ردوا يطلعون راحوا دبي مول
سالم : شوفو هاي شوي و تتفصخ
مطر : صد عنها لاتشوف
هزاع : غض البصر سلوم ولا كف
سالم : صاد انا بس بالغلط شفتها
منصور شافه بنظره : متاكد بالغلط
سالم : جب
سلطان : ابا اتزوج ياخي
زايد : منو تبا
سلطان : مادري اي حد
راشد : كيف اي حد بعد
سلطان : يعني مافي وحده فبالي
منصور : خلاص يدوه بتخطب لك ع ذوقها
سلطان : الله يعين
هزاع : الحمدلله متزوججج و مستانسسس
سلطان : جب جب
هزاع : عزابيه لاتكلموني
مطر : اقول ترا انت ياي لنا لاتخليني اطردك
هزاع : ماسمع
راشد : ع طاري هالموضوع بقولكم شي
الشباب صدو عليه
راشد : اءء شسمه
مايد : قول تحمست
سالم : يلا لاتتردد
راشد : انا بغيت القرب منكم
زايد ابتسم : والله ونعم منو بغيت
عزيز : وناسه بيكون عندنا عرس
راشد ابتسم : بغيت اختك يا سلطان
عزيز انصدم وكان يدعي. ف قلبه انه مب علياء
سلطان : تممم اي وحده فيهم الي تبغيها
راشد ابتسم اكثر : اليازيه
عزيز تنهد براحه و شافه منصور غمز له
سلطان : خلاص تم بنشاور البنت اول و بنشوف رايها وبعدها تعال ويا الاهل
راشد : ان شاء الله
مايد : تخطب و ماتخبرنيي
راشد : خلاص عرفت الحين
منصور : مبروكك مبروكك راشدد
راشد : الله يبارك فيك
عزيز : يلا منو باقي بعد عرسوا كلكم الحين
منصور : بقيت انت و مايد يلا
مايد : لا انا خلوني مافكر فالزواج الحين
منصور : انا ابا اتزوج
زايد : تخرج اول و يصير خير
منصور : خلاص باقي شهرين
سالم : وعقبب تجنييد 💔
هزاع : عادي عادي بتتخطون
كملوا سوالف وهيك لين ١١ و عقب ردو بيوتهم
عند هزاع دش غرفته ولقى مهره يالسه تكلم نهيان
مهره : يلا نهيانن روح ارقد وين بابا
نهيان : بابا راح تحتت
مهره : انزين يلا ارقد انت لا تسهر
نهيان : اوكيي ، باييي
مهره : بايي حبيبي
هزاع : حبيبي وحياتي 🦦
مهره ابتسمت : اكلم نهيانن اتطمن عليه من زمان عنه
هزاع : اشتقتيلهم ؟
مهره : وايدددد
هزاع : تجهزي عيل باجر بوديج لهم
مهره ابتسمت : صدققق ؟
هزاع : هيه صدق
مهره ابتسمتت له : انزين سير تسبح جهزت ملابسك
هزاع باس راسها : يعلني مانحرم منج
مهره ابتسمت بحب : ولا منك
راح هزاع يتسبح و طلع شاف مهره نايمه و راح ينام هو بعد
انتهى ..
