ងឺត....សម្លេងចាប់ហ្វ្រាំងឡានបានលាន់ឡើង ណាមជុននិងសុខជីនក៏ចេញមកដោយមាននាយសុីងហ៊ុនជាអ្នកបើកទ្វាឪ្យ បណ្តើរគ្នាយ៉ាងត្រសងចូលទៅខាងក្នុងភូមិគ្រិះ សំដៅជាន់ខាងលើដើម្បីសម្អាតខ្លួនឪ្យស្អាតសិនសឹមចុះមកទទួលទានអាហារតាមក្រោយ។
<បងចាំយូរទេ?>ណាមជុន ចុះមកដល់ក៏សួរទៅលោកគីមដែលអង្គុយនៅតុអាហារ ក្រែងថាគាត់រងចាំខ្លួនយូរនាំឲ្យគាត់អារម្មណ៍មិនល្អ ទើបដាក់ខ្លួនអង្គុយចុះក្បែលោកគីម
<មិនយូរទេ!ចុះឯណាកូនជីន?>លោកគីម លើកតែមកក្រេបបន្តិចទើបឆ្លើយ និងឆ្លៀតសួររកកូនប្រុសសំណព្វព្រោះឃើញណាមជុនចុះមកតែម្នាក់ឯង
<បន្តិចទៀតចុះមកហើយ>
<លោកប៉ា>ណាមជុន និយាយមិនទាន់ផុតពីមាត់ផងសុខជីនក៏ចុះមកល្មម ជាមួយដំណើរល្វត់ល្វន់ញញឹមស្រស់ដាក់លោកគីម
<អង្គុយចុះមកប៉ាមានរឿងត្រូវនិយាយ>លោកគីម ហៅកូនប្រុសឪ្យអង្គុយខាងឆ្វេងដៃគាត់ នាយតូវក៏ព្រមអង្គុយចុះចាំស្តាប់លោកគីមនិយាយ
<យើងបានរកថ្ងៃល្អសម្រាប់ពួកឯងរួចហើយនៅអាទិត្យក្រោយនេះឯង >ស្នាមញញឹមចេញខួចរបស់ណាមជុនលិចឡើងក្រោយស្តាប់សម្តីលោកគីមចប់ ទីបំផុតពេលវេលាដែលនាយទន្ទឹងរងចាំជាយូរជិតមកដល់ អារម្មណ៍ពេលនេះពិតជាសប្បាយចិត្តណាស់ ខុសពីអ្នកម្ខាងទៀតដែលញញឹមមិនសូវសមព្រោះត្រឹមអាទិត្យក្រោយវាពិតជាលឿនណាស់គេធ្វើចិត្តមិនទាន់បានទេ ណាមួយក៏មិនទាន់យល់អារម្មណ៍ខ្លួនឯងច្បាស់ទៀត ខ្លាចថាបើរៀបការហើយនៅតែមិនស្រឡាញ់នាយទៀតវានឹងមានផលពិបាក តែគេប្រកែកមិនបានទេព្រោះលោកគីមជាអ្នកសម្រេចទៅហើយ។
<ល្អណាស់ ស្អែកខ្ញុំនឹងនាំជីនទៅរើសជញ្ជៀនឪ្យហើយ>ណាមជុន និយាយទាំងញញឹមជាប់ទឹកមុខអរសប្បាយក្រៃលេង មិនគួរឲ្យជឿសោះវាប្រៀបដូចជាសុបិន្តយ៉ាងអញ្ចឹង
<បានហើយនាំគ្នាញ៉ាំទៅ ប្រយ័ត្នម្ហូបត្រជាក់អស់>និយាយរួចអ្នកទាំងបីក៏នាំគ្នាស្រស់ស្រូបអារហារពេលល្ងាចយ៉ាងរលូនរហូតដល់រួចរាល់ លោកគីមនិងណាមជុនក៏នាំនិយាយពីនេះពីនោះបន្ត ចំណែកសុខជីនក៏ឡើងទៅបន្ទប់មុន មិនចង់នៅស្តាប់មនុស្សចាស់និយាយគ្នា។
YOU ARE READING
លង់ស្នេហ៍លោកស្វាមី🌸(Complete ✅)
Fanfictionស្នេហាមួយដែលកើតឡើងពីការជ្រុលជ្រួសមួយពេល ធ្វើឪ្យអ្វីគ្រប់យ៉ាងត្រូវផ្លាស់ប្តូរ ទាំងជីវិត ទាំងចិត្ត ទាំងគំនិត និងប្តូរពីពាក្យថាពូក្មួយប្រែមកជាប្តីប្រពន្ធ។
