"×ာသည်မ .... လူပါးဝတယ် ဟတ်လား "
ခပ်ဝဝ မိန်းမကြီးတစ်ဦး၏ အော်ဟစ်ဆဲဆိုသံက
နားမခံသာစွာ ထွက်ပေါ်လာသည်။" လူပါးဝ မခံချင်ရင် ငါ့ကို လာမထိနဲ့
ေ×ာက်ကောင်မရဲ့ "
"ဖြောင်း......."
တစ်ဖက်မှ ခပ်နွမ်းနွမ်း အဝတ်အစားနှင့် အမျိုးသမီးက ပြန် ခံပြောရင်း
ဦးစွာ ပါးရိုက်ထည့်လိုက်သည်။"ဖေ×ိုးမ ..."
ခပ်ဝဝ မိန်းမကြီးကလည်း ပါးရိုက်ခံလိုက်ရ၍
တစ်ဖက်အမျိုးသမီး၏ ဆံပင်ကို ဆောင့်ဆွဲကွာ
နပန်း ထသတ်ကြတော့သည်။"ဟဲ့ .... လုပ်ကြဦး။
ဟိုမှာ မိကြာညို နဲ့ ဒေါ်မြတ် တို့ နပန်းသတ်နေကြပြီ "ထို ရန်ပွဲကို ကြည့်နေသူ တစ်ယောက်က အော်လိုက်သော
စကားကြောင့် ထိုရပ်ကွက်မှ လူအများ
ဝိုင်းအုံရောက်လာကြသည်။"မိကြာ , တော်တော့ဟာ "
"ဒေါ်မြတ်ကြီး လည်း တော်တော့ "
ဟိုဖက်ကိုရော ဒီဖက်ကိုရော ဆွဲ၍
ဖျန်ဖြေ လိုက်ကြရသည်။"အသက်ကြီးပြီး အချိန်မစီးတဲ့ အဘွားကြီး။
နောက်တခါဆို သေမယ် မှတ် "
ကြာညို က ခပ်စွာစွာ အော်ဟစ်ကြိမ်းမောင်း လိုက်သည်။အင်ကြင်းက သူငယ်ချင်းဖြစ်သူ
ကြာညို ကို ဆွဲခေါ်လာလိုက်ပြီး"မိကြာရယ် , နင့်မလည်း စိတ်လျော့ပါတော့။
ဒေရဿ နဲ့ ပိုးမြေ့ မှာ မိဘခေါ်စရာ နင်ပဲရှိတော့တာနော် ""အေး ငါ သိပါတယ်"
အင်ကြင်း၏ စကားကြောင့် ကြာညိုလည်း
ဆောင့်ကြီးအောင့်ကြီး နှင့် အိမ်လေးဆီသို့
ပြန်လာလိုက်သည်။ရပ်ကွက်အစွန်အဖျားလေးဆီသို့
၃,၄ မိနစ်ခန့် လမ်းလျောက်ပြီးတော့ ရေမြောင်းဘေးတွင် ခနော်ခနဲ့ ဆောက်ထားသော
ကြာညို၏ သွပ်မိုးအိမ်လေးသို့ ရောက်လာသည်။
အိမ်ရှေ့တွင်လည်း အပင် ၃,၄ ပင်ခန့် စိုက်ထားသည်။"မေကြီးရေ...."
အိမ်ရှေ့ရောက်တော့ ၈ နှစ်အရွယ် သားလေးက ပြေးထွက်လာသည်။ ကြာညိုလည်း သားလေး ဒေရဿ ကို
ချီ၍ အိမ်ထဲသို့ ဝင်လာခဲ့သည်။"မေကြီး သား ပုံဆွဲထားတယ် "
ဒေရဿ လေးက စာရွက်ခပ်နွမ်းနွမ်းလေးမှာ
ဆွဲထားသော ပုံလေးကို ကြာညို့ကို ပြသည်။
ကြာညိုလည်း သူမသားလေးဆွဲထားသော
ပုံလေးကို ကြည့်လိုက်တော့
မိသားစု ၄ ယောက်ပုံ။
အဖေရယ် အမေရယ် သားရယ် သမီးရယ် နှင့်။
YOU ARE READING
" ဒေရာသင်္ခ "
Romance#Drama #Realistic #Normal #Bl #Action #Gangsters ပတ်ဝန်းကျင်နဲ့ မိဘရဲ့ ရိုက်ခတ်မှုက လူတစ်ယောက်ကို ဘယ်လောက်ပြောင်းလဲစေမလဲ။ အချစ်ဆိုတာ ရယူခြင်းလား ? ပေးဆပ်ခြင်းလား? straight တစ်ယောက်ကို ချစ်မိတဲ့အခါ ဘယ်လို နာကျင်ရမလဲ။ မိန်းမတစ်ယောက်အတွက် ရွေးချယ်မှုက...