ပြီးခဲ့တဲ့ ညက အဖြစ်အပျက်အတွက်
စိမ့်ချမ်းနဒီ မျက်နာပူ၍ ရှက်နေသည်။
အသိစိတ်လွတ်ပြီး ကိုကို့ကို မဖွယ်မရာတွေ
လုပ်ခဲ့ ပြောခဲ့ မိသည် မဟုတ်ပါလား။
' ဟူး သေစမ်း စိမ့်ချမ်းနဒီ ...
နင်ဘာတွေ လုပ်ခဲ့မိတာလဲဟာ။
နင် တစ်ညလေး စိတ်လွတ်သွားတာက
၁၀ နှစ်နီးနီး တည်မြဲခဲ့တဲ့ ငါ့အချစ်တွေကို
တမျိုးမြင်သွားစေနိုင်တယ်ဟ '
နဒီ တစ်ယောက်တည်း တောင်စဉ်ရေမရ
တွေးပြီး စိတ်ရှုပ်ဝမ်းနည်းကာ နောင်တရနေမိ၏။ ရင်ဖွင့်စရာလည်း လူသိပ် မရှိသည်မို့
သူငယ်ချင်း ချယ်ရီ့ဆီ ဖုန်းလှမ်းဆက်လိုက်မိသည်။
"Hello အေး နင်အားလား၊
ငါ နင့်ကို ရင်ဖွင့်ချင်လို့ "
"အေး ပြောလေ နဒီရဲ့၊ ဘာကိစ္စလဲ '
ချယ်ရီက အေးအေးလူလူပင်
ပြောလာသည်။
" ငါ တနေ့ညက ကိုကိုနဲ့ club သွားတယ်ဟာ၊
အဲ့တာ ........."
နဒီလည်း club မှာ ဖြစ်ခဲ့သမျှကို မှတ်မိသလောက်
ဖြစ်ကြောင်းကုန်စင် ရင်ဖွင့်လိုက်သည်။
"ဘာ နင်က .. နင့်အကိုကို ချစ်နေတာလား နဒီ "
အံ့ဩဟန်နှင့် မေးလာတော့ နဒီ ဖြေရခက်သွားသည်။
"အင်း .. ဘယ်လိုဖြေရမလဲ "
"နင့် စိတ်ထဲ ရှိတာကို အမှန်အတိုင်းဖြေ "
"ဟူး....."
နဒီ သက်ပြင်းလေး ချလိုက်သည်။ ထို့နောက်
"အင်း ချစ်တယ် ၊ နင် ထင်တာ , တွေးနိုင်တာတွေထက်
ပိုပြီး ချစ်တယ် "
နဒီ့အသံက တုန်ယင် နေသည်။
" သူက နင့်အကို ဆိုတာတော့ နင် သိပါသေးတယ်နော် နဒီ "
ချယ်ရံ အသံက အေးတိအေးစက် ထွက်ပေါ်လာတော့
"ငါ သိပါတယ်၊ ပြောပြရခက်တယ်ဟာ အဲ့တာက "
"ပြီးတော့ နင့်အကိုမှာ သူ သိပ်ချစ်တဲ့
မိန်းကလေး ရှိနေတာကိုလည်း နင် သိတယ်မို့လား "
"ဟူး... ငါသိပါတယ် ချယ်ရီရယ်၊ "
" သိနေရက်နဲ့ နင်က ဘာလို့ ချစ်နေတာလဲ "
ချယ်ရီက မေးလာသည်။
"ငါ့အချစ်က ထိန်းချုပ်လို့မှ မရတာ ၊
ငါ ကိုကို့ကို ချစ်တယ်၊ ကိုကို့အနား အမြဲ ရှိချင်တယ် ၊ ကိုကို့ရဲ့ နွေးထွေးကြင်နာမှုတွေ အကုန်လိုချင်တယ် "
နဒီ ရင်ထဲ ရှိသမျှ ဖွင့်ပြောလိုက်သည်။
YOU ARE READING
" ဒေရာသင်္ခ "
Romance#Drama #Realistic #Normal #Bl #Action #Gangsters ပတ်ဝန်းကျင်နဲ့ မိဘရဲ့ ရိုက်ခတ်မှုက လူတစ်ယောက်ကို ဘယ်လောက်ပြောင်းလဲစေမလဲ။ အချစ်ဆိုတာ ရယူခြင်းလား ? ပေးဆပ်ခြင်းလား? straight တစ်ယောက်ကို ချစ်မိတဲ့အခါ ဘယ်လို နာကျင်ရမလဲ။ မိန်းမတစ်ယောက်အတွက် ရွေးချယ်မှုက...
