" ဒေရာသင်္ခ "
အပိုင်း (၁၂)ရွှေယုသင်္ခလည်း အိပ်ယာပေါ်တွင် လှဲလိုက်ပြီး
ရာမိုးဈာန်၏ စာလေးကို တယုတယ ဖွင့်ဖတ်လိုက်သည်။' အသင်လေး...
အသင်လေး စိတ်ထဲ ဘာဖြစ်နေလဲ ဆိုတာ
ကိုယ် သိပါတယ်။ အသင်လေးက အခုမှ
၁၇ နှစ်ပဲ ရှိသေးတာ။ ငယ်သေးတယ်။
ပြီးတော့ ဒီအရွယ်တွေဆိုတာက
စိတ်ကစားတဲ့အရွယ်လေ အသင်လေးရ 'ရွှေယု သင်္ခက စာကို ဖတ်ရင်း မျက်မှောင်ကြုတ်လိုက်သည်။
ငါ့ကို စိတ်ကစားတဲ့ အရွယ်တဲ့ ။ သူကျ ငါ့ထက် ၃ နှစ်တည်း ကြီးတာကိုး။
ရွှေယုသင်္ခလည်း ခနဲ့တဲ့တဲ့လေး တွေးပြီး စာဆက်ဖတ်လိုက်သည်။'အချစ်ဆိုတာ တကယ်တော့ နာမ်စား တစ်ခုပဲ
အသင်လေး။ အချစ်ရဲ့ အဓိပ္ပါယ်ကို ဘယ် ပညာရှင်မှ တိတိကျကျ မပြောနိုင်ကြဘူး။
အချစ်ဆိုတာ လောဘ , မောဟ , ဒေါသ နဲ့
အတ္တ တွေ စုဝေးနေတဲ့ အရာ တစ်ခု ထက်မပိုဘူး။
ကိုယ်က အသင်လေးကို အတ္တ တွေ မပါတဲ့
ကိလေသာ တွေမပါတဲ့ မေတ္တာ ဆိုတဲ့ အေးချမ်းတဲ့ အရာလေးပဲ ပေးချင်တာ။ 'စာအဆုံးရောက်တော့ ရွှေယုသင်္ခလည်း နောက်စာမျက်နာကို လှန်ကြည့်လိုက်သည်။
"အသင်လေး ပြုံးတဲ့အခါ ကိုယ်လည်း
လိုက်ပြုံးမယ်။ အသင်လေး ဝမ်းနည်းတဲ့အခါ
ကိုယ် နှစ်သိမ့်ပေးမယ်။ အသင်လေး ပြိုလဲတဲ့အခါ ကိုယ် ထွေးပွေ့ထားမယ်။ အသင်လေး လိုအပ်တဲ့ အခါတိုင်း အသင့်ရဲ့ အရင်းနီးဆုံး
လူတစ်ယောက်အနေနဲ့ ကိုယ် ရှိနေပေးမယ်။
အသင်လေးကို မချုပ်နှောင်ထားချင်ဘူး။
မေတ္တာတွေနဲ့ပဲ နွေးထွေးစေပြီး အလင်းဆီကို
လမ်းညွန်ပေးချင်တာပါ။ "ရာမိုးဈာန်၏ စာ ဆုံးတော့ ရွှေယုသင်္ခလည်း
မျက်ရည်များ ဝဲလာသည်။ ဝမ်းနည်းရမလား။
ပျော်ရမလား မသဲကွဲချေ။ ကိုကိုက သူမကို
ချစ်သည်။ သို့သော် သူမ ချစ်စေချင်သလိုမဟုတ်။ ဟူး....
ရွှေယုသင်္ခလည်း ရာမိုးဈာန်ပေးထားသော
ပင်ဂွင်းရုပ်လေးကိုသာ ဖက်၍ လှဲအိပ်လိုက်တော့သည်။
*****************************************လူငယ်တစ်ယောက် ညမှောင်မှောင် လမ်းမဘေး ပလက်ဖောင်ပေါ်၌ ထိုင်၍ ဆေးလိပ်သောက်နေသည်။ အားကစားဘောင်းဘီအရှည်ဝတ်ဆင်ထားသော ထိုလူငယ်က ဆေးလိပ်ကုန်သွားတော့
လမ်းမပေါ် ဆေးလိပ်ကို ပစ်ချလိုက်ပြီး
ဖိနပ်နှင့် နင်းခြေလိုက်သည်။
YOU ARE READING
" ဒေရာသင်္ခ "
Romance#Drama #Realistic #Normal #Bl #Action #Gangsters ပတ်ဝန်းကျင်နဲ့ မိဘရဲ့ ရိုက်ခတ်မှုက လူတစ်ယောက်ကို ဘယ်လောက်ပြောင်းလဲစေမလဲ။ အချစ်ဆိုတာ ရယူခြင်းလား ? ပေးဆပ်ခြင်းလား? straight တစ်ယောက်ကို ချစ်မိတဲ့အခါ ဘယ်လို နာကျင်ရမလဲ။ မိန်းမတစ်ယောက်အတွက် ရွေးချယ်မှုက...