أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت٥

بعد الظهر
مودة كانت تشرب الشاي وتقراء روايه عن الادب
عبدالقادر/السلام عليكم
مودة/وعليكم السلام ارحب يبه تعال توني سويت الشاي اجلس اصب لك
عبد القادر كان وجهه عابس وهز راسه بالنفي وجلس وتنهد
موده قلبها قرصها /يبه صار شي وش فيك وجهك مخطوف
عبدالقادر/امل وأمها توفو
موده شهقت /كيف!! ومتى بسم الله ايش صار
عبدالقادر / جاني اتصال اليوم الصباح وبلغوني صار لهم حادث وهم رايحين مكه يعتمرون
مودة/يا الله ! الله يرحمهم
سكتت شوي تستوعب وبعدها شهقت وهي تتذكر
موده/بنتنا! وش صار لهاا يبه
عبدالقادر/ قالو دخلت في غيبوبه اثر ضربه براسها و يدها انكسرت
موده/ يا الله الحين وش بنسوي
عبدالقادر/بسافر لها و بنقلها عندنا الرياض
موده/وينها ؟
عبدالقادر/في تبوك
موده/ يا الله انصدمت ابدا ماتوقعت هذا الشي
عبدالقادر وهو يشبك يدينه ويحني نفسه ويتنفس بهم /قالو حاولنا نتصل ب ابوها ماتجاوب معنا ولا خلانا نتكلم عليه ف اضطرينا نتواصل معاك
موده/ وااهه يارب لك الحمد الحمدلله واهم تواصلو معك يلا يبه نحجز ونروح لها
عبدالقادر/لا انتي اجلسي انا حجزت ورحلتي بكرا العصر
موده/ بس يبه لازم ار..
عبدالقادر وهو يقاطعها/ مايحتاج ياموده والبنت غايبه عن الوعي تروحين وش تسوين ونروح كلنا ونفجعها وهي ماتعرف عنا شي وحتى موت اهلها لسى ماتعرف عنه فالافضل اروح انا افهمها واجيبها عندنا
موده وهي تهز راسها بعدم اقتناع/الي تشوفه يبه

نرجع لواقعنا
بالسيارة
قمر مسرحه وتطالع الشارع وهي تفكر بعمق
يا الله كيف صار هذا كله في غضون ٣ اسابيع تخرجت من الثانوي امي وجدتي توفو فجأه طلع لي جد من حيث لا اعلم ابوي وينه ليش جا جدي بداله معقول متوفي؟ طالعت بالجو يالله محلا الرياض وشوارعها
ومليون فكرة وفكره تجول في بالها
الى ان توقفت السيارة امام قصر كبير
قمر بداخلها / واااهه معقوله اهل ابوي اثرياء دقيقه دقيقه اذا كان ابوي متوفي المفروض اروث عنه لايكون ذا القصر من الاساس لي !
قاطع تفكيرها عبد القادر / قمر حبيبتي وصلنا لبيتك
قمر/بيتي ؟
( تقول بنفسها )والله اني قلتها القصر لي اكيد اخذو ورثي واملاكي
عبدالقادر/ اي ياحبيبتي من اليوم ورايح هذا بيصير بيتك وبتعيشين عندي
قمر/ اهاا ( يا الله وش كنت افكر فيه هههه)

دخلو البيت
وانصدمت من فخامه البيت وهي تتأمل طاحت عينها ع الصاله الي كان موجود فيها خديجه وبناتها و موده وحنان وايمان
خديجه جت لعندها وحضنتها
قمر حست بحنان وتذكرت امها وبادلتها الحضن وانفجرت باكيه بينما الجميع كانو في لحضه صمت وصدمه جلستها ع الكنبه وكانت منهاره لأول مرة من بعد الي صار تنهار وتبكي طلعت كل الي داخلها والجميع بكو من بكاها موده جلست جنبها وحضنتها
خديجه ناظرت البنات بنظره وهزت راسها بمعنى اطلعو
طلعو وراحو لاحدى الغرف
سحر / احسها كذابه تمثل تبي تكسب امي وعمتي
ايمان/حرام عليك والله انها مسكينه
سحر/ وش الي مسكينه لا والله الا محظوظه
سمر / ليش
سحر/ بنات شفيكم كذا يعني فكرو فيها جدي يملك ملايين وبتجي تسكن عنده بدل ابوها يعني جدي بيدلعها دلع
سمر/ سحرر وش فيك كذا قاسيه والله حرام عليك البنت امها توها متوفيه وماتعرف عنا شي وبـ..
قاطعتها ايمان / وبعدين صاحيه انتي تروح عند ابوها!! انتي م تشوفين عمي احمد كيف!! حتى جدي تبراء منه لو راحت عنده ماندري وش بيسوي فيها
واستمرو يتجادلون مع سحر الي من اول ماشافت قمر ما ارتاحت لها

انتهى البارت