أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت١٧

بسم الله

سمر كانت راجعه من دوامها وتكلم قمر بالجوال
سمر:يا الله كل هذا صار معك وحنا ماندري
قمر:والله اسواء ايام حياتي عشتها هي هذيك اليومين
سمر:الحمدلله على سلامتك والله
قمر:الله يسلمك ياروحي ، بس بسألك
سمر:عيوني انتي اسألي
قمر:عبدالعزيز يحب؟
سمر سكتت
ماتدري ايش تقولها
ماتعرف ايش موقفهم بالضبط
تلقاها من اختها الي تلعب ع الحبلين
ولا من عبدالعزيز الي واضح وضوح الشمس من البدايه ماهو جدي مع اختها ويسلك لها لانها نشبت له شهور على مارضى يكلمها ويصير حبيبها
سمر بداخلها: حرفياً مادري وش اقول ولا ادري كيف اوصف علاقتهم هالاثنين
قمر تكمل حديثها:من خذاني من عند ابوي وهو يقول لايغرك ومابيك ومادري ايش قلت اكيد انه يحب
سمر:ما ادري ياقمر ماني اخته عشان اعرف يحب ولالا بس السؤال موجهه لك انتي ؟ حبيتيه
قمر تلعثمت:لا ماتوصل بهالسرعه احبه
انا بس اقدر وجوده في هذيك اللحظه ومساعدته لي
وبعدين انا مافهم بالحب ولا اعرفه
ماكنت اعرف بحياتي كلها الا اثنين
جدي محمد الله يرحمه وعمي خالد زوج امي
سمر سكتت وهي تحاول تغير السالفه :شرايك اليوم نطلع تغيرين جو
قمر:تم عاد عمه موده كلمتني نطلع تعالي معانا
سمر:تمام ،
يلا قلبي انا وصلت البيت اكلمك بعدين باي
قمر:باي
**
بيت العمه خديجه
دخلت سمر للبيت وتوجهت لغرفة سحر
سمر:سحر سمعتي شصار
سحر:قصدك قمر
سمر:اي
سحر ضحكت بضحكه سخريه :عبدالعزيز يموت فيني ماراح يلتفت لها حتى
سمر:وانا اشوف لو يلتفت لها ويسحب عليك احسن
سحر:نعم!! هذا وانا اختك تقولين كذا
سمر:اي اقول لانك انسانه مجنونه اهتمام اتحدا لو انك تحبينه انتي تحبين الدلع وبس
واصلا تبغين تلفتين انتباه بـ...
سحر قاطعتها وقالت بمياعه :كلو واحد سمورتي وانتي تعلمي ياحلوه كيف تصيرين مثلي ولا ترا محد بيحبك
سمر:الي يبي يحبني يحبني بشكلي وشخصيتي زي ما انا ماراح اتصنع عشان ادور الاهتمام وبعدين مو قلتي بدر يبـ...
قاطعتعا سحر :اووووف من بدر بدر بدر انا ابي اقهره مثل ما قهرني اجل تقولي عمتي انها تبي تخطب له طيف ليش انا وش فيني
سمر:اولا حبيبتي بدر ماله دخل وهذا كلام امه وثانياً انا اعرفك تعشقينه اتركي عنك المكابر وارجعي له وعبدالعزيز خليه بحاله ماتعرفينه اصلا خروف كل مرة مع وحده
سحر:وش دراك اني ما احب عبدالعزيز
سمر:اختي وخبزة يدي اعرفك اكثر من نفسي تحبين بدر بس تبغينه يلتفت لك
بدر مو راعي هالسوالف بدر انسان سيييده
بعدين لو رجع لك وتزوجتو ايش بيكون موقفك اذا عرف عن عبدالعزيز؟
سحر:خلاص انا فكرت وقررت وانا ابي مستقبلي يا سمر بدر موظف في شركة وراتبه بسيط ايش اسوي بحبه لي اذا كان مايقدر يوفر لي احتياجاتي بينما عبدالعزيز دكتور وراتبه حلو وبيدلعني
سمر:واذا خطبك بدر؟
سحر:بوافق اكيد
سمر عصبت ورمت شنطتها ع اختها :انتي انانيه وكلبه وحقيرة ماشفت انذل واوسخ منك يا قذرة والله لو ابوي درا ليذبحك اكرهك وجت بتطلع بس لفت عليها وقالت لعلمك بس عبدالعزيز كل مرة مع وحده ماتذكرين سهى و احلام و اماني؟ والخافي اعظم وكل مرة يتعلق بوحده ومسوي مجنون ويعنني انا جاد بالعلاقه وبالنهايه يسحب عليها وانتي جايك الدور حبيبتي
سحر:الي بيننا اكبر من كذا
سمر:الي بينكم ٣ شهور مسرع مامداه يكبر
وباستهزاء: هذا وانتي لك سنه تطاردينه
وطلعت من الغرفه وهي مطنشه سحر الي باقي
بتتكلم وتدافع
و اما سحر قفلت باب غرفتها وجلست تبكي وهي تتذكر كيف ابوها مهملهم وكيف يعنفهم هي وخواتها ومايهتم فيهم وبخيل صح انهم عايشين على خير امهم ولاكن تدور الاهتمام من ابوها مسحت دموعها بعنف
سحر:هين والله ما اخلي عبدالعزيز لك ياقمر تبين الدلع والترف كلة لك لوحدك
جايه دخيله بعد كل هالمدة وسارقه الاهتمام من العائله كلهم والله ماتتهنين
سمر دخلت غرفتها وهي زعلانه من اختها وتردد بداخلها مريضه مريضه لازم نوديها عند دكتور نفسي اشك انها مجنونه وووع وعععع
*
*
*
*
*
*
بيت العم خالد
حنان/ ياخالد ماودي نظلم البنت معه
خالد/ انا قلت يمكن بعد مايشوفها يحن ويكمل زواجه عليها ويترك عنه اللعب صك الثلاثين وهو باقي ورا البنات
حنان/ والله هذا الي زعلني ياخالد قمر باقي صغيرة وقدامها العمر ماابيها تنجرح منه اذا ماكان الحب بادر منه فما ينفع القوة
خالد/ صادقه بس البنت تكسر الخاطر و شافق عليها وابيه يـ..
حنان/ ياخالد اذا ماكان زواجه منها بحب واحترام ماينفع الشفقه والحنيه هذي راح تجرحها اكثر واكثر ماينفع كذا
ايمان دخلت وهي معصبه /والله فشلني النسونجي حقكم انا بنقل من المستشفى ماعاد ابي اقابله مغير يسولف مع الممرضات وداق الحنك معاهم
خالد زفر بضيق/ الله يهديه
حنان/ ها تشوف مامدانا نكمل حتى
ايمان جلست معهم وهي تبي تفهم الاشياء الي صارت

( والحين عرفتو حقيقه عبدالعزيز وسحر)
*
*
*
*
*
مودة:قمر يلا نطلع السواق برا
قمر:دقيقه ابي كمامه بدور عليها
مودة :انا بنتظرك بالسيارة لا تتأخرين
قمر: جيت جيت لقيتها
ركبو السياره ومشى السواق
قمر:عمه ترا سمر معانا خلينا نمرها
مودة:ابشري حبيبتي
***^***^*^*^* الجوال يرن
سمر/ الو
قمر/ حنا برا اطلعي
سمر/ وين بسم الله
قمر/ مابتجين معانا ؟
سمر وهي تضرب جبينها/ اييي اي نسيت يلا ثواني بس واطلع
سمر/ ماما ماما
خديجه/ هلا حبيبتي
سمر/ بطلع مع عمه مودة وقمر
خديجه/ بس لا تتأخرين
سمر/ حاضر
خديجه/ كلمي اختك تطلع معكم
سمر وهي تركض للباب/ باي ماما تأخرت عليهم
خديجه استغربت من تصرفها بس تجاهلتها وراحت لسحر
دقت باب غرفتها 
خديجه/ سحر
سحر/ لارد
خديجه فتحت الباب وشافتها متكوره ع نفسها وحسبتها نايمه قفلت الانوار وطلعت من الغرفه
**
*
*
*
البنات بالمول كانو يتسوقون ويمزحون مع قمر يحاولون يغيرون مودها
موده مسكت لباس نوم احمر مثير / واو قمر خذي هذا وغمزت
قمر ضربتها ع كتفها بخفه واستحت/ عمه عيب
مسكت سمر لباس ثاني باللون الاسود/ لا هذا يليق اكثر
قمر/ بنات خير ابي فساتين عاديه موب كذا
اختارت فستان ابيض بدون اكمام قصه صدر مفتوحه والظهر عبارة عن خيوط وماسك كامل الين تحت الركبه نفشه خفيفه الى نصف الساق
قمر/ هذا حلو
سمر / واو واو والله انك ذويقه
اختارو اكسسوارات و كعب
وكملت تاخذ فساتين بالوان متعدده
قمر/ بموت تعبت خلونا نرتاح شوي بالكوفي
مودة/ حتى انا تعبت يلا نروح نتقهوى ونريح وبعدها نكمل
سمر/ وش هالصمله معك عمه ههههههههه
مودة/ لازم نحلل الطلعه
توجهو للكوفي وجلسو في طاوله وطلبو قهوة وسويت وكان مقابلهم مجموعه شباب ومن ضمن المجموعه كان عبدالعزيز
ما انتبهو له الا لما شهقت سمر
مودة/ بسم الله شفيك
سمر/ شوفو عبدالعزيز قدامنا
قمر فزت وناظرته
كان لابس هانق ابيض وجينز وجاكيت اسود ورغم بساطه شكله الا انه كان جذااب بمعنى الكلمه
قمر كانت تطالع فيه ولا نزلت عيونها كان يسولف ويضحك ويمزح معهم واول مرة تشوف هالجانب الحلو فيه
موده دقتها بكوعها وهي تغمز/ خلاص اكلتيه
قمر نزلت راسها وزفرت بضيق
*
*
*
سحر/ يمه باقي تبين نروح بيت جدي
خديجه/ بكيفك بس ترا محد فيه مغير جدك
سحر/ ليه والبنات وين راحو
خديجه/ اخذو سمر وطلعو للسوق
سحر/ وليه محد علمني
خديجه/ مادري والله قلت لسمر بس الظاهر ماسمعتني
سحر / هين والله لا الحقهم اجل يروحون بدوني
اتصلت عالسواق وقالت له يوديها
بالسيارة
سحر/ الو سمر وينك
سمر/ طلعت للمول مع صديقاتي
سحر/ اممم ماشاءالله اي مول ؟ عشان بوصي معك اغراض
سمر/ مول####
سحر/ تمام شوي واكلمك باي،،،،
محمد ودي مول####
محمد/ اوكي مدام

انتهى البارت