أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ٣٢

بندر/ كم الوقت الحين
بدر/ صح النوم
بندر/ صح بدنك
بدر/ باقي شويات ويأذن ظهر
بندر/ ايش صار والله ماني فاكر
رمى بدر كاس الشاي الي بيده
بدر/ انت مو وعدتني تتغير؟ مو وعدتني ماعاد ترجع لهالبلاوي؟ ليش يابندر ليش انا وثقت فيك ووديتك الاستراحه من ثقتي انك مابترجع لهالاشياء
بندر/ تكفى يابدر والله مصدع موناقص
قام بدر وجا بيطلع من الغرفه ، لف على بندر
بدر/نسيت اقولك
بندر/ ايش
بدر حك راسه/ ولا لا خلاص بعدين اكلمك
طلع من الغرفه
بندر/ والله ياهو زعلان مني ومعصب
بس الحمدلله الزين فيه انه عكسي انا منفعل وما اتحكم بعصبيتي اما بدر قمه في الذرابه والهدوء والرزانه
ويفكر مليون مره قبل يقول الشي ومليون مره قبل يسويه

^^^^

موده كانت طالعه من الدوام واستوقفها صوت
../استاذه موده
موده/ هلاوالله
.../تفضلي هذي وصلتنا قبل شوي بأسمك
كانت باقه ورد باللون الأحمر وممكتوب عليها عبارة

أيُعطي الوردُ وردًا..

اخذتها موده وهي تفكر ومحتاره وطلعت للسياره

موده/رغم أنني لست أنتمي إلى فئة النساء الحالمات الذين يأخذون كل الأمورِ علي محمل العاطفة الشديدَة ‏وكوني إمرأة تفكر بالعقل والمنطق إلا أنني أظل احتاج الى الحب
الى الاهتمام الذي افتقدته منذ ان افتقدت امي
سرحت بالخط وهي تفكر مين ممكن يكون هذا الشخص

^^^^

سحر كانت منهاره وتحاول تكلم بدر ولاكن بدون فايده
خافت وحست انه فيه شي
سحر/ سمر بدر اكلمه مايرد علي خايفه لايكون صار له شي او عرف بشيء
سمر توترت وسكتت
سحر/ سمر اكلمك انا
سمر/ وش تبيني اسوي اروح اجيبه لك
سحر تأففت وراحت ترسل له
( بدر انا خايفه عليك تكفى رد وطمني )
ورساله ثانيه
( انت زعلان مني شي؟ )
وفجأه رد بدر
( تقدرين تقابليني؟ )
سحر فرحت وردت بسرعه
( اكيد متى؟ )
بدر
( الحين)
سحر
(وين)
بدر
(بجي اخذك انا قريب من بيتكم)
سحر
(اوك)
سحر/ سمر سمر
سمر/ هلا
سحر/ اسمعي اذا سالت عني امي قولي اني نايمه
سمر/ وين بتروحين
سحر/ بقابل بدر
سمر/ الحين!! وبعز الظهر بعد
سحر/ اي ياسمر حاسه ان فيه شي قلبي قارصني
سمر/ طيب بس هالمره بغطي عليك
سحر حضنتها وباست خدها / احبك سمورتي
سمر تضايقت وسكتت وبداء ضميرها يأنبها
سمر بنفسها/ ياليتني ماتكلمت ولا رحت ذاك اليوم عند البنات الله يستر الله يستر
حطت سحر مخدتين على سريرها وحطت فوقها البطانيه وطفت الانوار واخذت عبايتها بيدها وتسحبت الين الباب الخلفي للبيت بينما سمر كانت تسولف مع امها بالمطبخ وهم يجهزون الغدا
سمر/ يمه سحر تعبانه وتقول لاحد يقرب منها تبي تنام
خديجه/ وش فيها
سمر/ بطنها يوجعها
خديجه / تمام
طلعت سحر ولبست عبايتها بالحوش الا ويتصل بدر
بدر/ انا برا
سحر/ جايه
طلعت وهي تتسحب بهدوء
وركبت للسيارة
سحر/ سلام
مشى بدر ولا رد السلام
سحر / بدر شفيك؟
بدر لارد
سحر/ بدر خوفتني ايش فيه!
بدر لارد
سحر/ اذا ماراح تتكلم وبتظل ساكت رجعني البيت
بدر/ كنتي تقابلين عبد العزيز؟
سكتت سحر
بدر/ تكلمي
سحر/ ليش تفتح هذي المواضيع وحنا انهيناها من زمان بدر انت عارف ان عبدالعزيز تزوج والي بيننا انتهى و..
ضرب بدر ع الدكسون
خافت سحر وسكتت
بدر/ انا سالت سؤال جاوبي ع قده اي او لا
كنتي تقابلينه
سحر/ اي بس ماصار ولا شي بينا وانت تـ..
بدر/ اعطيني جوالك
سحر/ ليش
بدر/ اعطيني وبس
سحر/ ما اقدر فيه خصوصياتي
بدر/ انتي تثقين فيني؟
سحر/الا اكيد
بدر/ اعطيني اجل وانا وعد مني خصوصياتك ما اقربها
سحر ناولته الجوال وهي ترجف
لاحظ بدر رجفتها وسحبه بسرعه قبل تغير رايها
وفتح على الواتس مالقى شي كانت اغلب المحادثات محذوفه فتح الانستقرام وانصدم لما شاف المحادثات مع اكثر من شخص ومن ضمنهم سطام !! انصدم اكثر لما شاف زميله بالدوام ! طلع من البرنامج وراح لبرنامج ثاني وانصدم لما شاف كميه الشباب الي عندها وانصدم اكثر لما اكتشف انها تصور لهم جسمها ! حذف الجوال عليها ومشى
سحر/ بد..
قاطعها بدر بعصبيه/ الي بيني وبينك انتهى
سحر/ بدر خليني افهمك
بدر/ تفهميني سواد وجهك! جوالك كله عيال! عبدالعزيز ومشيتها لاكن غيره!
سحر/ والله ماطلعت معاهم والله م..
بدر قاطعها/ انتي الحين تبررين مطلوب مني اصدقك؟
سحر/ بدر ارجوك اسمعني والله انا ت..
بدر/ ولا كلمه ماعاد ابي اسمع شي انسي ان عندك واحد اسمه بدر
مسكت سحر يده/ بدر تكفى
سحب بدر يده منها بعنف ورجعها للبيت
بدر/ انزلي
سحر/ اسمعني طيب بدر مستحيل اخليك تروح ابي اعرف مين الي علمك وكيف عرفت وش صار
بدر/ بس هذا الي هامك؟
سحر/ لا اكيدد يابدر بس انا
نزل من السياره وراح للجهه الثانيه
فتح الباب وسحبها بقوه نزلها من السياره وقفل الباب
تمسكت فيه وهي تحاول فيه وتبكي
سحب يده بقوه عنها ومشى
طلع سيارته وحرك بسرعه تاركها وسط الشارع تبكي
دخلت اللبيت وتوجهت بسرعه للغرفه رمت كل اغراضها وبدت تبكي وتصرخ لدرجه كل البيت سمعوها توجهت لها خديجه وسمر بسرعه ودخلو عندها كانت ضامه مخدتها وتبكي بكل ما اعطاها الله من قوه سمر عرفت علطول ان بدر تركها وجت حضنتها اما خديجه كانت مفجوعه وتلقائيا بكت مع بنتها تحسبها تعبانه
خديجه/ سحر بسم الله عليك يابنتي قومي نروح المستشفى
هزت سحر راسها بالرفض واستمرت بالبكاء
ماكان من خديجه تسوي الا انها تحضن بنتها وتبكي معها
حضنو بعض ثلاثتهم وبكو
كانت سحر تبكي عشان بدر
اما سمر فتبكي عشانها تحس انها خانت اختها وجرحتها ودمرتها تبكي خايفه اختها تدري وتتركها اما خديجه تبكي من خوفها على بنتها القويه الي ماتبكي من اي شي اكيد هذا الالم قوي عليها وكل الامراض الخطيره فكرت فيها