أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت١٦

صباح الخير ماما
: صباح النور ياروح ماما
:ايش سويتي لي؟
سويت لك احلا فطور يحبه قلبك
حطته بشنطتها
وهذي فلوس اذا احتجتي شي من المقصف
ماما احبك انتي احلا ام
وانا احبك
*******
فزت على صوت الاذان الي قاطع حلمها بأمها
حكت شعرها وهي تحس بألم مكان الضربه
تأملت السقف لدقايق
امي
امي جيتيني بالحلم يا امي
لا وبعد تسوين لي فطور؟
كرمك وحنانك وعطفك معي مايوقف حتى وانتي متوفيه
مجرد ماذكرت الكلمه انهارت بالبكاء
وفجأه تذكرت الدفتر الي اخذته من بيت ابوها وفزت
اخذت الدفتر الي خبته في درج الكوميدينه قبل تنام
فتحته بهدوء
وبدأت تقراء
كانت يوميات بسيطه لأمها
اليوم الاثنين
هذا اليوم لا يُنسى اليوم تقدم لخطبتي رجُل من عائله مرموقه ثريه يبدو بأنني سأخرج من هذا المكان البسيط لاكون اميرة له
اليوم الخميس
الليلة سأرتدي ذالك الفُستان الابيض المتألق لأكون على عرش قلبك وسأزف على غيمه فرح ...
اليوم الاحد
اليوم هو اجمل يوم بحياتي فقد ذهبت الى مطعم فخم وقد قال لي حبيبتي وأمسك بيدي واليوم التقطت أول صورة لنا بعد صور الزفاف
( كانت موجوده صورة امها وابوها تحت الكلام)
أتمنى ان ننعم دائماً بالحب والسلام
اخذت قمر الصورة وهي تتلمس ملامح امها
تشبهني
كانها انا
استمرت بالقراءة
اليوم الجمعه
للاسف ذاهبه الى منزل والدتي لقد خاب ظني كثيراً فذالك الرجُل الذي فرحت به وظننت بأنه قد غير حياتي كان اسواء تغير قد اصابني وكانت هذه أول مرة يضربني فيها ويقول لي كلام بذيء لا افهم حتى معناه
الثلاثاء
اليوم عدت اليه بعد اقتناع من عمتي وعمي اتمنى ان لا يخيب ظني
اليوم الاحد
اكتشفت بأني حامل سيكون لي في هذه الدُنيا سند بعد الله
ولاكن عدت الى منزل والدتي لخوفي على جنيني من الاذيه
~
السبت
اليُوم رزقني الله بمولودتي الجميله لم تكن مثل اي طفلة في الحياة لقد كانت مُميزه جدا ذات ملامح مريحه قد شبهتها بالقمر واول مانطقته شفاهي قمر
وقد اسميتها قمر لانها ستنير ظلمة حياتي كما يُنير القمر ظُلمة ليله الحالك
اليوم الجمعه وبعد شهر
عدت الى منزل زوجي بأقناع من أهله بأنه قد تغير
واول صورة لنا بعد مدة ستكون وسطنا مولودتنا
(صورة لهم جالسين جنب بعض وبوسطهم قمر)
اليوم الخميس
سأتركه لأجل طفلتي ثم لاجل نفسي فالغصن الاعوج لا يتعدل مهما طال الزمن او قصر تأتترك خلفي كل شي حتى دفتر يومياتي وجميل اشيائي لا اريد اي شيء يذكرني به اتمنى ان انعم بحياة سعيدة هانئه انا وطفلتي بعيدين عنه فهو من اختار ان يسلك هذا الطريق
قفلت قمر الدفتر ودموعها تنهمر على خدها
~~~~~
اتمنى ان تنعمي بسلام في قبرك واسأل الله الكريم ان يرحمك ويغفر لك ويسكنك الفردوس الاعلى امي الحبيبه
رجعت الدفتر لداخل درج الكوميدينا و طلعت من غرفتها وهي متضايقه وتذكرت البيانو وجت طالعه
صوت من وراها
...مدام فوق ممنوع
قمر  نطت :بسم الله فجعتيني ياميري
ميري:سيستر فوق ممنوع يطلع
قمر:اوكيه اوكيه روحي
ميري:اوكي
قمر وقفت تطالع ميري الين نزلت ورجعت لفوق بسرعه قبل تشوفها
قمر:والله لأطلع مابقى الا  ميري تمنعني
دخلت الغرفه وكان هدوء تام وصلت لعند البيانو وفتحته ولقت نوته مكتوب فيها
( ايتها الملاك الصغير )
- قد سمعت عزفك ونغماته تترنم بذاكرتي
يالحظ البيانو يلامس اناملك الجميله ويسمع غنائك الشجي وكأنك قد خرجتي من عالم سحري عالم لايوجد به سوى الحب والسلام أريدك ان تعتبري هذا البيانو ملك لك في اي وقت فقد رحلت ويا للأسف لن اسمع عزفك العذب ولا غنائك الجذاب ولاكن اتمنى ان تستمتعي بالعزف كما عهدك اخر مره -
-تحياتي فهد -

قمر: يا الله ماتوقعت ابدا انه لطيف بهالشكل
هالفهد ظلمته
حطت الورقه بجيبها ورفعت راسها لفوق
وتنهدت بهدوء
وبدت تعزف وتغني
*
*
*
*
*
رجعت من الجامعه بدري وكانت تصرخ وتبكي
خديجه:بسم الله الرحمن الرحيم شفيك
سحر:شفتي يمه شفتي تزوج
خديجه :وش صار اهدي وفهميني
سحر بدت تتذكر وتروي لأمها
بالجامعه
^^^*^^^ الجوال يرن
سحر:هلا حبي
عبدالعزيز:هلا سحر
سحر :عزوز شوي واكلمك عندي محاضره الحين
عبدالعزيز:ابيك ضروري سحر بكلمك بموضوع
سحر:م يتأجل عزوزي؟
عبدالعزيز:ابيك تسمعين مني ماهو من غيري
سحر:لعيونك اسحب ع المحاضره قول شعندك والله لو تطلع مامعك سالفه وبس مشتاق ياويلك مني
عبدالعزيز بجديه:لا والله هالمره فعلا عندي موضوع مهم
سحر:وش عندك قول
بداء عبدالعزيز يحكي لها وش صار مع قمر وكانت مصدومه وشافقه عليها
سحر:يالله مسكينه كل هذا صار ولا درينا !
عبدالعزيز : اي والله
سحر:بس شدخلني طيب! يعني سوري اعرف ان السالفه مهمه بس مو ضروريه وماتتأجل
عبدالعزيز وهو يمكن كلامه :قال ابوي لازم نزوجها قبل يتزوجها ذاك الرجال
سحر :وطيب!
عبدالعزيز:صدقيني رفضت وعارضت لاكن ماكان باليد حيله البنت كانت بتروح
سحر:عبدالعزيز تكفى وقف خلاص لاتقولها
عبدالعزيز:اسمعي سحر ترا ع الورق و....
سحر قاطعته: يعني تزوجتها !!
عبدالعزير: ايه
سحر :اكلمك بعدين
قفلت الخط بوجهه واتصلت بالسواق
سحر:الو محمد تعال بسرعه انا يبغى يرجع بيت بدري
لبست عبايتها وركبت للسيارة وفتحت جوالها وبدت تراسل وتطقطق عليه الين وصلت البيت واول مادخلت البيت توجهت للصاله ورمت شنطتها وصرخت
خديجه بعد ماسمعت سالفتها كانت اقل منها صدمه لان موده اتصلت عليها وخبرتها بكل الحكايه قبل تجي سحر بساعه
خديجه:انتي قلتيها ع ورق هذا اولاً
سحر/ يمه بس..
قاطعتها خديجه وهي تستوعب:لحظه لحظه؟
انتي بينك وبين عبدالعزيز شي!!
سحر: يمه ابي اقهر الكلب ولد عمي لانه فسخ خطوبته مني وكنت ابي عبدالعزيز يخطبني باسرع وقت عشان ينقهر ويرجع لي صدقيني يمه
خديجه: انتي تدرين ان ماله ذنب وانه يبيك وشاريك تقهرينه ليه؟ ابوك السبب
سحر: يمه ان...
خديجه:بعدين مين قالك ان ولد اخوي لعبه بيدك يوم انك تكلمينه وتخلينه يحبك وانتي تلعبين عليه !!
سحر: لو يحبني جد ماتزوجها
خديجه: وش تبين فيه اصلا وانتي تحبين ولد عمك!
سحر: قلت لك ابي اقهره!
خديجه: وانا اقولك ايش ذنب عبدالعزيز ! ماتفهمين انتي
الان تتركينه سامعه ! لا اشوف عاد بعد اليوم بينك وبينه تواصل ولا والله مايحصل لك طيب ابد
سحر : خلاص يمه ابشري
خديجه: بروح اليوم عند جدك انتبهي لخواتك
سحر: ابي معك
خديجه:امنعينا من المشاكل يمه
سحر:لاوالله ولا مشاكل ولا شي تكفين بروح
خديجه:وش تبين طيب! وش بتسوين اصلا
سحر:بس بروح
خديجه:يصير خير

انتهى البارت