أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت٣

قبل ٤ سنوات
امل وهي تحاول تلطف الجو بين بنتها وزوجها
خالد وش رايك تذاكر لقمر الرياضيات
قمر /لاماما في داعي
امل /الا خليه يفهمك اليوم درجتك كانت سيئه
قمر/ ماما ترا جبت ١٣ من ٢٠ مو صفر
خالد بضحكه /تعالي حبيبتي افهمك تراني م اعض
قمر وهي متفشله/طيب
بعد نص ساعه امل طلعت بعد ما نادتها الجده عشان جاراتهم جو يسيرون عليهم
خالد يناظر قمر بنظرات غريبه
قمر نبيهه وذكيه وتفهم الشي وهو طاير وحست بالخوف والتوتر من نظراته وقفلت الكتاب وقامت
قمر/مشكور عمي خلاص انا فهمت كل شي
خالد /طيب تعالي اعطيك كم مسأله اخيره عشان اتأكد
قمر/ لا خلاص مافي داعي بروح اسولف مع امي وجاراتهم شكرا عمي
خالد وهو مازال يناظرها بنظرات وكأنه يبغى يفترسها
قمر هربت بسرعه ودخلت غرفه الضيوف وهي متوتره
امل/ شفيك ماما
قمر بضحكه مصطنعه /لا مافي شي
نجي لواقعنا
صوت الأجهزه
الغرفه باردة جداً وكأنها ثلاجه موتى
النور قوي مو قادرة افتح عيوني
جسمي ثقيل مو قادره احركه
فتحت عيونها بصعوبه وهي تحاول تتذكر
انا وين وليش جيت هنا ووين اهلي
جت الممرضه وكانت فلبينيه
قمر/ ايش صار ليش انا هنا
الممرضه/الحين انا نادي دكتور
جا الدكتور وهو يناظر قمر/ كيفك الحين
قمر /ايش صار لي
الدكتور/صارلك حادث بسيط قبل ثلاث ايام والحمدلله مجرد رضوض اصابتك وكسر في يدك
قمر بفزع/ امي جدتي وش صار لهم
الدكتور/بخير ماعليك
قمر/تكفى ابي اشوفهم
الدكتور / تواصلنا مع اهلك وننتظرهم يجون
قمر/ اهلي؟ دكتور اهلي مين !! انا ماعندي الا امي وجدتي
الدكتور / تواصلنا مع ابوك وراح يجي خلال هذي الايام
قمر/ابوي!! ليشش وكيف
الدكتور/ ارتاحي الحين وبعدها راح تفهمين كل شي
قمر وهي تنزع المغذي من يدها وتحاول تقوم /مابي وخر عني بروح لجدتي وامي
الدكتور نادا الممرضات يمسكونها /عطوها ابرة مهدئه
قمر/مابي وخرو عني وين امي وين جدتي ليش تنادون ابوي وخرو عني وخروو
الممرضه عطتها ابرة مهدئه وبعدها نامت
بعد المغرب
دخل رجل كبير في السن شكلة يوحي بأنه ثري يرتدي ثوباً ناصع البياض وشماغ انيق ومنظرة يوحي بأنه شخص طيب وذو هيبه و ذو شأن
الشخص/السلام عليكم
قمر رفعت اللحاف الذي تتدفى به على وجهها/ياعم غلطان بالغرفه
الشخص/انتي قمر احمد عبدالقادر ال...
قمر/ايوا مين انت!!
الشخص/ معك عبدالقادر ال..
قمر وهي تحاول تستوعب /عبدالقادر ال.. يعني جدي!
عبدالقادر/اي نعم
قمر/تكفى انا خايفه علمني ايش السالفه وين اهلي وايش صار وليش نادوكم انا مو متذكره شي
عبدالقادر قرب منها وجلس جنبها ومسك يدها /انتي مؤمنه بقضاء الله وقدره؟
قمر/اكيد!
عبدالقادر/ في طريقكم لمكه اعترضتكم شاحنه كانت قد صدمت في بعير وحاول خالد يتفاداها ولاكن دخل عالشارع الثاني وتقلبت فيكم السيارة
قمر/اهلي بخير !
عبدالقادر/ قولي لا لله الا الله
قمر وهي تحاول تطرد الافكار الشرانيه وتقول في نفسها يارب خالد الي توفى واهلي يكونون بخير /لا اله الا الله
عبدالقادر/جدتك توفت مكان الحادث اما والدتك فعانت من نزيف داخلي نتيجه اثر كسر في الجمجه ولأن الاسعاف وصل متأخر توفت بالطريق قبل ماتوصل المستشفى
قمر بصدمه / مستحيل مستحيل
عبدالقادر/ اما خالد فـ..
قمر قاطعته/توفى !
عبدالقادر/ لا حالياً بالعنايه المركزه في غيبوبه وفيه بعض الكسور وبـ..
قاطعته قمر وهي تبكي وتصرخ /ياليته هو توفى هو السبب هو الي سوا فينا الحادث هو الـ..
عبدالقادر وهو يضغط الزر الي يستدعي الممرضات
اذكري الله يابنتي قولي لا اله الا الله
قمر بصراخ/اميييي اهخخ يا امي وعدتيني ماتتركيني ليش ليش اهخخ جدتي المسكينه كيف كانت وقت الحادث هي كبيرة وماتتحمل اههه ياقهري عليهم ليتني انا الي مت واعطيتهم عمري ليتــ...
عبدالقادر وهو يهدي عليها /لاحول ولا قوة الا بالله انا لله وإنا اليه راجعون

انتهى البارت