أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت١٠

قمر انصدمت وجت بتصرخ الا وتسمع مودة تناديها
موده/ قمر وينك تعالي بسرعه
عبدالعزيز بحركه سريعه مسك ايد قمر وسحبها لحضنه وتخبو ورا الباب وغطى فمها بيده وقمر تتعصر وهي تحاول تفك نفسها منه
موده فتحت الباب/ قمر وينك
شافت الغرفه فاضيه وطلعت اما قمر ف عضت يد عبدالعزيز وهو فكها
قمر/ وجع يوجعك قليل ادب
عبدالعزيز/ اجل انتي قمر الي غثونا فيها طلعتي فارة وتعضين بعد شقلة الادب والذوق هذي
قمر/ ما الفار وقليل الادب غيرك تتعدى علي وتحضني وتلمني وتقولي فارة وانت حتى م تعرفني قليل ادب واعطته كف
قمر/ وجع ان شاءالله وطلعت تركض
عبدالعزيز تحسس خده بهدوء / وش هالكف الناعم حتى خدي ماعورني وطالع في يده الي طبع فيها روجها لما حط يده على فمها وجلس يضحك
عبدالعزيز/ والله طلعت صاروخ
الجوال رن
عبدالعزيز/ هلا حياتي
سحر/ انا بالحديقه الخلفيه شفيك تأخرت
عبدالعزيز/ جاي جاي
*
*
مودة / قمر وينك ادور عليك
قمر /هذاني عندك
مودة/ وش صار بروجك كانه حصلت لك معركه
قمر وهي تطالع بالمرايه وشهقت وقامت تعدله
مودة/ يسألون عنك تعالي ندخل مع بعض
قمر بعد ماعدلت روجها/ طيب
دخلت سلمت عالجميع وجلست جنب سمر وبدو يتعرفون ع بعض وبعد حوارات عديده
سمر / انا اكبر منك ب ٧ شهور
قمر/ الله جد
سمر/ اي والله
قمر/عيد ميلادي بعد كم شهر بدخل ١٨ متحمسه مره
وظلو يتحاورون ويتعارفون
~
عند سحر وعبدالعزيز
سحر وهي تمسك يده وتتميع
سحر/ تدري انك شاغل تفكيري طول الوقت
عبدالعزيز / هذاني قدامك ويغمز
سحر وهي تطبع بوسه ع خده/ أحبك
عبدالعزيز وهو يمسح خده بالمنديل ويحاور نفسه
الله يالدنيا خد حصل له كف والثاني بوسه
سحر/ شفيك فهيت لايكون البوسه دوختك
عبدالعزيز بثقاله /هههه اكيد
سحر / ايش هي مفاجأتك الي قلت لي عنها لا يكون بتخطبني
عبدالعزيز/ اي خطبه انتي مهمله الجامعه بدون خطبه اجل لو خطبتك شلون ؟
سحر/ من سنه وانت تقول دراستك ودراستك ماعندي مانع اسحب عليها اهم شي نتزوج بايرع وقت
عبدالعزيز وهو يضحك/ لهذي الدرجه مستعجله تبيني
سحر ضربته ضربه خفيفه ع كتفه ودخلت وهي تتمايع وعبدالعزيز توجه للمجلس الداخلي ينتظر فهد يجي
جا فهد بعد ماراح المطار يجيب جده عبدالقادر وعمه خالد
فهد وهو يبوس راس ويد عبدالقادر/الحمدلله ع السلامه يبه
عبدالقادر/ الله يسلمك يابوك
باس راس ويد عمه خالد/ الحمدلله ع السلامه عمي
خالد/ الله يسلمك
فهد / تو مانورت السعوديه والله بشروني عنكم كيف كانت رحلتكم عساكم ماتعبتو
خالد/ ابد كل شي مر بسلام اللهم لك الحمد
عبدالقادر / مشينا
فهد / توكلنا على الله
توجهو للقصر
عند البنات
ايمان جلست جنب البنات / هاي وش تسولفون فيه
سمر / سر هههه
قمر / كنا نسولف عن الاعمار
ايمان/ كم عمرك
قمر / كم شهر وشوي واصير ١٨
ايمان/ ياقلبس كتكوته
قمر/ وانتي
ايمان / انا ٢٥
قمر/ العمر كله
ايمان / وياك ياروحي ،
ها قدمتو ع الجامعه
قمر جتها لحظه استيعاب/ لاوالله نسيتت عنهاا اصلا
ايمان/ هالله هالله بدراستك اهم شي مستقبلك ماحد بنافعك
سمر/ قدمت وتكفين ادعي لي ايمان انقبل تمريض
ايمان/ يارب
قمر وهي تكلم نفسها/ عجيب امرهم هذا وهم اثرياء اباً عن جد الا انهم يشتغلون ويدرسون والله لو اني مكانهم كان الحين اتمشى في باريس
سمر/ وانتي يا قمر وش تبين تخصص
قمر/ ااا مدري والله مافكرت يمكن ادارة
ايمان/ مرة ولا بحياتك فكرتي في تخصص زين ايام الثانوي غير الادارة
قمر/ امممم مدري كنت دايم اهمز رجول جدتي واسوي لها مساج وافرك راسها ف كانت تقولي عقبال يابنتي اشوفك اخصائيه علاج طبيعي
ايمان وهي تضحك/ ياحليلك ياقمر بساطتك تهبل
قمر ضحكت معهم وهي تفكر فالجامعه الي ماتذكرتها الا من ايمان
بعد العشاء بدو الضيوف يروحون حبه حبه الى ان بقى بس الاهل
قمر / صدق ياعمه حنان انك اسم ع مسمى حنوووننه بشكل
حنان/ وانتي ياقمر اسم ع مسمى تهبلين كانك القمر
سحر قامت تشمق بعيونها وهي تهمس لاختها/ شوفي شوفي الحيه عرفت كيف تكسبهم
سمر رفست رجولها وكأنها مو قاصده وسحر تألمت وسكتت
مودة/ قمر تعالي ابوي وخالد اخوي جو تعالي سلمي وتعرفي على عمك
حنان/ خليه يجي يامودة مافيه احد غريب
مودة / تمام
قمر/ يمه توترت وش اقول اذا قابلته
خديجه ضحكت عليها/ لاتقولين شي خليك طبيعيه وبس
قمر/ تمام
دخل عبدالقادر وبعدة خالد / السلام عليكم
الجميع/ وعليكم السلام
قامو كلهم يسلمون عليهم وقامت قمر معاهم سلمت ع راس جدها ويده وبعدها سلمت ع راس عمها ويده وجلست جنب عبدالقادر
قمر/ كيفك يبه طمني عنك الحمدلله ع سلامتك
عبدالقادر / الله يسلمك الحمدلله ماعلينا
سحر وهي تهمس لسمر/ شفتي مو اقولك حيه حتى جدي قامت تناديه يبه
سمر طنشتها
خالد/ كيف حالك يا قمر
قمر/ الحمدلله يا عم كيفك انت بشرني عنك
خالد/ الحمدلله ، عاش من شافك
قمر/ عاشت ايامك
عند الشباب
فهد / ان شاءالله باقي لي كم يوم واسافر
عبدالعزيز/ ما كأنك استعجلت ياخوك
فهد/ لاعجله ولا شي ياعزوز خلاص ودي اهج عن الديره نفسيتي زقت
عبدالعزيز/ غريب دكتور نفسي ويشتكي من نفسيته ههههههههههههههه
فهد/ وهو يطالع السقف ويتنهد اي والله غريب وضحك

انتهى البارت