أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ١١

بعد منتصف الليل
كان الكل رجع لبيته
مودة رمت نفسها على الكنبه بأرهاق/ اهه زمان عن العزايم يا اني تعبت اليوم
قمر/ الله يخلف عليكم خير ماقصرتو معي
مودة/ ولو كم عندنا قمر بس عندي طلب بسييط
قمر/ امري عيوني لك
موده مدت يدينها لقمر وهي تصطنع الدلع/ ساعديني وصليني لغرفتي ماعاد فيني حيل امشي خطوتين من الكعب واجعني
قمر/ههههههههه عيوني لك تعالي يلا
خذتها ومشو لغرفه موده
ارتمت موده على السرير بتعب
قمر/ عمه ماودك تبدلين طيب؟
همهمت موده وهي تاشر لها بمعنى باي
قمر/ افهم من هذا انها طرده ههههه اوكيه تصبحين ع خير عميمه الحلوة
همهمت موده بنفس الصوت
ضحكت قمر وطلعت من عندها وتوجهت لغرفه جدها الي صار له ساعتين من بعد ماودعهم وطلع بحكم انه تعبان
من السفر ويبي ينام فتحت الباب بهدوء وشافته منغمس في النوم ابتسمت بلطف وقفلت الباب بكل هدوء وتوجهت لغرفتها وقبل تبدل ملابسها طرا ببالها الكيكه الي جابوها البنات جت بتطلع وتذكرت فهد سحبت شال احتياط ونزلت لتحت خذت قطعه من الكيكه وطلعت لفوق وقبل تدخل غرفتها استوقفتها اله القهوه وهمست :مايكمل الحلا الا بقهوه اكيد توجهت لاله القهوه وبدت تسويها بهدوء الى ان سمعت صوت جاي من الدرج
:احسبي حسابي معك بالقهوه
فزت قمر بخوف ولفت عليه وماكان الا فهد
رفعت الشال على راسها بدون ماتلفه وغطت كتوفها العاريه والتفتت عليه بهدوء عكس الي داخلها
فهد بضحكه:معليش خوفتك
هزت راسها بالنفي وهي لسى تتلعثم ومو قادرة تركب كلمتين ع بعضها
فهد: كيفك يابنت العم عساك بخير
قمر واخيراً وبصعوبه نطقت:الحمدلله وانت
فهد:نحمد الله
التفت على الة القهوه وسوت كوبين وهي متوترة من نظراته وخذت الكوب ومدته له
قمر: تفضل ان شاءالله تعجبك عاد انا مو خبرة فيها
فهد: زاد فضلك ،بتعجبني غصب دامها من يدك
حمحمت قمر بخجل وخذت قهوتها وصحن الكيك وجت تمشي والتفتت له لاخر مرة
قمر: انا بمشي تبي شي؟
فهد طالعها بابتسامه : ايه ابي
قمر : امر ؟
اشر فهد بيده على الكيك الي عندها
قمر بخجل: اكييد تفضلل اصلا مادري شلون ماعطيتك من غير ماتقول اعذرني
فهد: فيه غيرة؟
قمر : اي اي معليك فيه بنزل الحين اخذ لي جديد تفضل الي معي ، ولا اذا ودك احيب لك غير الي بيدي
فهد: لالا هاتيه ابيه بس قبلها جيبي لنفسك عشان اضمن انك ماراح تسحبين وترجعين لغرفتك
قمروهي تمد له الصحن : بالعافيه عليك لا بنزل الحين
حطت كوب قهوتها على الطاوله ونزلت بتوتر واول مادخلت المطبخ اخذت نفس عمييييييييق كانت ترجف ومتوتره صحيح انها ليست محجبه الحجاب الكامل (نقاب)ولاكن لاول مره يدور بينها وبين شخص حوار كامل توجهت للكيك وخذت قطعه صغيره  وطلعت لفوق توقعت انه مشى لغرفته ولاكن انصدمت انه لسى جالس عند الدرج
قمر: لسى تبي شي ؟
فهد: لا بس انتظرك تطلعين ، يالله اجل تصبحين ع خير
اخذ اغراضه ومشى قبل لايسمع ردها
خذت قهوتها ودخلت لغرفتها بهدوء
بدلت ملابسها وغسلت الميكب وجلست ع الكنبه المنفرده وقدامها القهوه والكيك اخذت تاكل منها وترتشف القهوه وتتدكر تفاصيل اليوم والاحداث الي صارت وقبل تخلص اخر رشفه من القهوه طالعت في الساعه وكانت تشير للثالثه فجراً تنهدت وهي تتوجه للحمام تغيل اسنانها عشان تنام قبل يبدا مفعول القهوه يصحصها ويمحي النوم