أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ٢١

في نهار يوم الخميس
الكل كان متحمس للمخيم
سحر:عطيني انا بلبسه
سمر:اقول وخري بس انا خذيته قبلك
سحر:بس مايليق الا علي
سمر:يليق ولا مايليق ابيه

سديم:سحر خذي هذا الفستان ما ابيه
ضحكو البنات على برائتها ورجعت سحر تشده

سحر:فكي لاينقطع

سمر:يابنت وخري عني مالي دخل انا ابيه

خديجه:بنات شفيكم الي يشوفكم يقول ماعندكم فساتين شوفو بالدولاب ياكثرها

سمر:اي ياكثرها يمه؟ بنتك قشتها كلها بشنطتها الي يشوفها يقول بنهاجر

سحر:يمكن احتاجها

سمر:اجل فكي فستاني وانقلعي افتحي شنطتك وخذي فستان منها يالبجيحه

سحر:انا بجيحه اوريك

شدت الفستان بقوه وفجأه

انقطع

صرخت سمر وهي تبكي وتهاوش
سمر:حسبي الله عليك يالملعونه يالكلبه فستانييييييييي
سحر انصدمت:والله مو قصدي اقطعه
سمر:الا قصدك يالخبيثه

وشدت شعرها
وبدو يتضاربون وخديجه تحاول تفك بينهم

سمر فكت يدها وركضت لشنطه سحر وفكتها ونثرت كل الي فيها وبدت تختار

جت سحر تركض وشدت شعرها وهي تصرخ

سحر:ياحيوانه الليل كله وانا ارتب فيها
سمر:احسن تستاهلين

ورجعو يتضاربون وخديجه تفك بينهم وهي تهاوش بأنهم بيتأخرون

بينما سديم كانت في عالم اخر وجالسه تحط مناكير وتضحك عليهم

*******

عبدالعزيز:يمه جاهزين نمشي؟

حنان:انت المفروض تروح تاخذ زوجتك وتروحون للمخيم مع بعض مب تجلس تنتظرنا

عبدالعزيز:يمه خلاص القاها من ابوي وجدي ولا منك

حنان:وابوك موجود بنمشي معه

وبعدين انا وايمان بنتأخر اذا انت مستعجل لهالدرجه روح اسبقنا

عبدالعزيز:هذا نظامك اجل
يالله انا بمشي دامني جاهز الشباب كلهم هناك

حنان:الله يحفظك

ايمان:يمه مالي خلق اروح

حنان:ليش يمه

ايمان:منهد حيلي من الدوام كرف بشكل

حنان:معليه يمه نوصل ونامي ارتاحي ولاقمتي تسهرين مع البنات تغيرين جو وترتاحين

ايمان:تقولينها

حنان:اي والله يمه وبعدين ماتحلا الطلعه الا بوجودك

ايمان:ياروحي يا امي ويلوموني بعشقك وباست خدودها

حنان:يالله قومي تجهزي اخرنا ابوك