أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ٣٥

مازن/ بجي معكم
طالع فهد فيه ويعدها طالع في قمر
قمر/ قدام عادي
شد فهد على قبضته وهو يطالع مازن وهز راسه ومشى ومازن مشى وراه
دخلت قمر للشقه وبدت تتجهز
لبست ليقنز اسود وبلوزه هانق اسود وجاكيت بني جلد يصل لنصف الساق واكتفت ببندانه سوداء مزينه بالولو مع بوت اسود وشنطه زيتي وحطت ميكب ناعم وهادي وطلعت من الشقه

عند الشباب

مازن/ اي تقولي وش هالمكان الي بنروح له
فهد/ انا ما ادري وش الي وراك يامازن وليش تحاول تتقرب من قمر ! ممكن تفهمني ؟ ايش تبغى منها!
مازن/ نفس السبب الي يخليك تتقرب منها
فهد/ اتحدى
مازن/ يعني بتقنعني انك تسوي كل هذا لوجه الله! مو لهدف ثاني؟ يعني يافهد ما كاني اعرفك من وعيت على الدنيا اسلوبك قاسي والحين معاها غير غير غير متغير١٨٠ درجه احس اني ما اعرفك
فهد/ وانت شدخلك؟ بعدين انا اعتبرها فرد من افراد عائلتي وواجب علي انتبه عليها
مازن/ يعني زي بنتك مثلا؟
فهد/زي بنتي؟
مازن ضحك/ اي قمر تقول فهد اعتبره ابوي يعني لا تتأمل انها تحبك
ضحك فهد ضحكه طويله ارتبك مازن بسببها وناظرة بتوتر وحيرة
فهد/ عادي تعتبرني ابوها اخوها عمها جدها خالها بكون لها الي تبيه مايهم كل الي يهمني ان ملاكي تصير مبسوطه وبخير
مازن/ فهد لا تلعب بمشاعرها !
فهد بعصبيه/من قال اني العب!! انا ابغى اعوضها عن كل الي كانت محرومه منه وبعدين جدي موصيني عليها
رجع ظهره للمقعد واتكى براسه على قزاز السيارة البارد المملوء بقطرات المطر الخفيف وابتسم ابتسامه جانبيه وهو يطالع نافذه شقتها وبعدها التفت لمازن وضحك
فهد وهو يغمز بعينه/ لا تنسى اني دكتور نفسي 
مازن شد على قبضته وبعصبيه / وانا مو جاي العب يافهد انا فعلاً صادق اتجاهها
ولو عطتني فرصه ممكن اتزوجها
فطس فهد من الضحك وظل يضحك قرابه ال٣٠ ثانيه
والتفت له وقال بحماس قو الله معك
كان مازن بيفتح فمه ويتكلم ولاكن قاطعهم دخول قمر للسيارة بأبتسامه
قمر/ اسفه تاخرت عليك فهد
فهد/ لاعادي
وحط يده على كتف مازن وقال
كنا نسولف انا والوحش ولا حسينا بالوقت
مازن / اي بس شمعنى تاخرتي ع فهد وانا يعني انتظر بالطقاق عادي
قمر/ اي عادي لان فهد الي بيودينا مب انت
مازن قام يطبل على السيارة ويغني/ لنا الـلّــه لنا الـــلّـه
فهد رفع لصوت الموسيقى اكثر عشان مايسمع صوت مازن وبدا يسوق
اما قمر ف اسندت راسها على نافذه السيارة مستمتعه بصوت الموسيقى الهاديء الشتوي مع قطرات المطر الخفيفه والجو الغائم وبدت تتأمل كل شي حولها وتفكر بهدوء في حياتها الجديده

^^^

قامت مودة بكسل تتمطط واول مارفعت نفسها شافت باقه الورد وريحتها المنتشرة بالغرفه اخذت نفس عميق وقامت وتوجهت لدورة المياة ،اعزكم الله، توضت وصلت صلاة استخارة مره ومرتين وبعدها قامت من السجاده ونزلت لتحت تدور ابوها
كان عبدالقادر متكي بالصاله يشرب شاي ويتابع الاخبار
مودة/ السلام عليكم
عبدالقادر وهو ينزل كوبايه الشاي / ياهلا ياهلا ببنيتي وعليكم السلام
مودة/ هلافيك يالغالي
اشر لها بيده تجلس بجنبه وفعلاً توجهت له وجلست بقربه
مودة/ يبه بقولك شي
عبدالقادر/ تفضلي
موده/ يبه انا استخرت ومادري ماعرف وش يحسون فيه الناس ف الاستخارة يعني مادري اوافق ولالا
عبدالقادر/ وش حسيتي؟
مودة/ حسيت قلبي بارد وصدري شرح وحسيت بهدوء وسكينه
عبدالقادر/ يعني مرتاحه
نزلت راسها وبدت تفرك اصابعها بتوتر
عبدالقادر / ها نقولهم موافقين؟
هزت راسها بارتباك
عبدالقادر/ اخيرا جا اليوم الي اشوفك فيه عروس
حضنته مودة/ يبه اعشقك اموت عليك وانفجرت تبكي
عبدالقادر/ له له له وشوله البكى
مودة/ يبى تكفى عندي بس شرط واحد بس واحد
عبدالقادر/ امري يابعدهم كلهم
مودة/ مابي اطلع من البيت ابي اظل معك اداريك واكون جنبك لين الله ياخذ امانته بعد عمر طويل
عبدالقادر/ بس يابنتي م..
قاطعته مودة/ يبه اذا منت موافق خلاص مابي اتزوج
حك عبدالقادر ذقنه بتفكير/ وقمر؟
مودة/ فيها الف حلال يا تطلع قسم فهد وفهد يطلع برا او ي..
قاطعها عبدالقادر بعصبيه ووقف / الا فهد هذا اعز واحد لي هو ذراعي اليمين وكل شي بالنسبه لي وتبيني اطرده من بيتي!! لاوالله مو بيتي الا من بيته! الدور الثالث كتبته باسم فهد ملكه وحلاله
مودة/ يبه اسفه مو قصدي بس اقصد لاتزوج يطلع برا
عبدالقادر/ حتى لو تزوج هذا بيته وله حريه القرار يبي يجلس هنا او يطلع الي يريحه
مودة بقهر / افف يبه ليتك زوجت قمر لفهد
عبدالقادر بعصبيه / احب قمر لاكن فهد عندي غير مستحيل اجبرة على اي شي هو مايبيه
موده/ ولو فهد كان يبيها؟
عبدالقادر عصب اكثر / مايبيها يامودة مايبيها وبخصوص شرطك خلاص انا موافق
مودة/ وقمر وين تروح
عبدالقادر مشى وبدون مايطالع فيها / بيت زوجها
مودة/ بس يبه انت عارف الوضع و ....
طلع عبدالقادر بدون مايسمع بقيه كلامها