أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ٢٦

كان ياكل ويتأملها
قمر ما ارتاحت وتحاول تسوي حركات عشان تشتت انتباهه لاكن بدون فايده
رفعت راسها والتقت عيونهم لثواني
رجعت نزلت راسها وكملت اكلها
حست بتوتر وقامت
عبدالعزيز/ هذي الي بتاكل وجبتين اخرتها حتى البرقر ماكملتيه؟
قمر طنشته وتوجهت للكنبه وجلست
قمر/ انت خلصت؟
عبدالعزيز / ايه
قمر/ اجل وش معك باقي جالس
عبدالعزيز/ كانها طرده
قمر كتفت يدينها ورجعت ظهرها لورا
قمر/واضح بقلبك كلام قوله
عبدالعزيز/ كويس فاهمتني
وقف وتقدم لعندها وجلس جنبها
وقفت قمر بسرعه و توجهت لكرسي خشب قدامه وجلست فيه
عبدالعزيز/ اوف وش فيه طايره
قمر/ ولا شي وش عندك قول
عبدالعزيز/ متى سفرتك بالضبط؟
قمر/ وش دخلك؟

^^^^^
مهند كان يسولف مع العيال وفجأه وصلته رساله
فتحها وكان مقطع فيديو
فتحه وانصدم لما شاف اخته تبكي وسامي يرفسها ويقومها وهو يتكلم
سامي/ عشان ثاني مره مايلعب اخوك بالنار
تسمع يامهند؟ ههههههههههههه ههههههههه ههههههه
انجن مهند وقام بسرعه
قام منصور وراه يشوف وش السالفه
منصور/ مهند وش فيه
مهند/ مياس خطفوهااا
صرخ منصور على الشباب يجون
شافو المقطع وعرف بدر الاستراحه
بدر/هذي استراحه سامي!!
ركب مهند سيارته وانطلق مسرع متجاهل الشباب
طلعو منصور وبدر ومازن بسياره ولحقوه
اتصل مهند على الشرطه وبعدها اتصل على عبدالعزيز
^^^^
عبدالعزيز/ عشان فهد
قمر/ وش فيه؟
عبدالعزيز/ ما ابي تـ....
رن الجوال
عبدالعزيز/ هلا مهند
مهند/ تكفى عزوز الحق مياس خطفوها سامي واخوياه
عبدالعزيز/ ايشششش!!!
مهند/ انت وينك فيه الحين!
عبدالعزيز/ ببيت جدي
مهند / الاستراحه اقرب لك مني روح اسبقني جايك انا والشرطه قد بلغتها
قام عبدالعزيز بسرعه
وبداء يدور لمفاتيح السياره
قمر/ وش فيك؟
عبدالعزيز / مفاتيحي ماشفتيها ! بسرعههه
قمر قامت تدور معه بعد ماشافت انه متوتر
قمر/ ايش صاير طيب
عبدالعزيز/ مياس خطفوها
قمر شهقت/ ايششش
ركضت لعبايتها ولبستها
عبدالعزيز/ وانتي لوين؟
قمر/ معك
عبدالعزيز/ الزمي مكانك مب فاضين لك
نزلت قبله وهي تدور على المفاتيح ولقتها بالصاله
قمر/ عبدالعزييز عبدالعزييز تعال بسرعه لقيتها
نزل وسحب المفاتيح منها وركض للسياره وهي تحاول تركض وراه بس رجلها ماساعدتها ف كانت تنط برجل وحده كان بيمشي بس لما شافها وقف ينتظرها الى ان طلعت للسياره وحرك بعدها

^^^^^

فيصل بهمس/ بندر سامحني ما اقدر اسوي شي كل الي قدرت عليه هو اني اتصل عليك
بندر/ ليش ايش فيه!
فيصل/ يبون ينتقمون من مهند وانا حبيت ابلغك لاني ا..
دخل سامي وهو يسحب معه بنت ورفسها وصلها لوسط الغرفه الي كان فيها كل اخويا سامي
سامي/ جبت الصيده يعيال عليكم فيها
بندر صرخ بصدمه/ مياسس!!!!
مياس رفعت راسها ولما شافته ماساعدتها رجولها توقف من الخوف مشت مثل الطفل الى عنده وتمسكت برجوله
مياس/ بندر بندر ساعدني  اهيييء

بندر انجن لما شافها فسخ جاكيته وحطه على راسها
سامي/ الخسيس هذا من الي ناداه
فيصل/ اسف ياسامي انا ناديته

بندر/ ايا ابن الكلب مشكلتك معنا وش دخلها هي
سامي / مشكلتي معكم كلكم

تقدم سامي لبندر
بندر سحب مياس وحطها ورا ظهره
وكانت متمسكه فيه وتبكي
هجم سامي على بندر وبداء يضربه وتدخل سطام معه
اما فيصل سحب مياس عشان يطلعها بس وقف قدامه فارس و محمد الي حاولو يسحبونها منه وتضاربو كانت مياس منهاره وتصارخ وتبكي وهي تشوف ولد عمها كيف كسروه الشباب
محمد/ فيصل ابعد عن طريقنا احسن لك
فارس/ ولا نسيت احنا وش ماسكين عليك
فيصل وقف وابتعد عنهم وعيونه مثل الشرار لاكن مو قادر يسوي شي سوى انه يتراجع لما شاف الوضع كيف عرف ايش راح يصير طلع من المكان واتصل بالاسعاف والشرطه وركب سيارته وغادر قبل يوصلون ماتحمل يتفرج وهو مكتوف الايدي كان القهر متملك قلبه

بندر مسك اكتاف سامي وشده لتحت ورفس صدر سامي بركبته طاح سامي وبدا يتلوى وهو يحاول يلقط انفاسه
مسك بندر سطام وضربه على خشمه براسه وانكسر خشمه صرخ سطام وهو ماسك وجهه ويسب ولعن فيه

جاب محمد عصى وضرب راس بندر من ورا
طاح بندر مثل الجثه الهامده قام سامي وجلس يرفسه وسطام سحب العصا الي في يد محمد وجلس يضربه على وجوله ويده وظهره وهو فاقد للوعي واما مياس فركضت له وتمسكت فيه وحضنته وهي تبكي
مياس/ بندر قوم بندر لاااا خلاااص وقفوو بيموتتتت

سحبها سامي بقوه من زندها لدرجه حست ان يدها انخلعت صرخت وحاولت ترفسه ولاكن مسكها سطام من رجولها رفعوها لفوق وفكها سامي وسطام لسى ماسكها
طاحت على ظهرها بقوه حست وكأنه تكسر من الضربه
اما سطام ترك رجولها بعنف وضرب وركها بالارض ورفسها على بطنها من قوة الرفسه تحركت من مكانها
صرخت بألم واستفرغت دم وزحفت لعند بندر وتمسكت فيه وهي تشوف الدنيا صارت الوان
اما بندر فكان مغمى عليه وراسه ينزف ضمته مياس بقوه وهي تبكي وتشاهق وتتألم

وفجأه ..

^^^^^
بالمخيم

درو الحريم ان مياس انخطفت
ماريا بصراخ وبكى/ كييف وهي قالت لنا بتروح تنام!
خلود انهارت وبدت تصيح/ يمه بنتييييي بنتييييي
ساره/ مو مستوعبه كيف انخطفت من المخيم!!!
موده/ كيف دخلو وكيف مسكوها انا مو فاهمه شي

فاطمه اغمى عليها
سحر و ساره ركضو لها
سحر/ ياجده بسم الله عليك بنات تعالو
ساره جابت عطر عشان تحطه عند خشمها

اما سمر توجهت بسرعه لغرفته مياس وفتحتها
وكانت حاطه المخدات وكأنها شخص نايم
وخرتها قبل احد يشوفهاا وطلعت

سمر / انا شفتها قبل ساعه قالت بطلع اشم هوا بالحوش
ماريا ببكى وصراخ/حسبي الله ونعم الوكيل
البنات كلهم بدو يبكون عليها ومو عارفين وش يسوون
خلود/ انا قلت له قلت له يامهند اترك عنك هذي الوظيفه ماوراها الا المشاكل والعداوه
اهه يابنتي راحت والله راحت
خديجه/ اذكري الله ياخلود ان شاءالله يمسكونهم
حنان/ اي والله مايفيدنا الا الدعاء الحين ماينفع البكى
سمر كانت منهاره بكى اكثر من البنات كلهم
تبكي لانها كان بأمكانها توقفها ولاكن تركتها تروح

انتهى البارت ،، توقعاتكم؟