أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت ٨

الساعه ١١:٣٨م

فتحت عيونها قمر بصعوبه وهي تحس بصداع فضيع من يلومها كانت حزينه وتبكي
تردد في ذهنها انها تشرب قهوه لعل وعسى مزاجها يتعدل وتروق
توجهت لخارج غرفتها الى ركن القهوه كان فيه انواع الالات ولا عرفت تشغلها
قمر/ اففف الحين وش اسوي!
توجهت لاصغر الة قهوه وبدت تقلبها وتشوف التعليمات
حطت الكبسوله داخل الالة وبدت تصنع القهوه
اخذت الكوب بعد ماجزت وارتشفت منه رشفه
قمر/ اممممم اييه كذا الواحد يروق
بدت تتلفت بارجاء البيت ولاحظت ان الكل كان نايم والبيت هدوء وظلام وجتها فكرة قررت تستكشف البيت بما ان الجميع كانو نائمين نزلت للدور الاول واستكشفت جميع الغرف ورجعت للدور الثاني انتبهت عالدرج الي جنب غرفته قمر/انا ليه ما انتبهت عليه الا الحين
طلعت الدرج بخطوات بطيئه فجأه صوت من وراها
عبدالقادر/ لا تطلعين
قمر فزت بخوف وصرخت طالعت فيه /اااا يبه اسفه بس كنت ابي اطلع السطح
عبدالقادر/ الحوش موجود وفيه مرجيحه وجلسه خارجيه
والبدروم تحت فيه مسبح
و البيت كله لك الا الدور الثالث
قمر / فيه مسبح!!
عبدالقادر/ ايه بالبدروم
هزت قمر راسها وتوجهت له
قمر وهي تحاول تخفي فضولها عن الدور الثالث/بتنام؟
عبدالقادر/ ايه بس طلعت اتفقدك مالك حس من الظهر الا واشوفك الحين طالعه فوق
قمر قربت منه وباست راسه/ تصبح على خير
عبدالقادر / تلاقين الخير
توجهت لغرفتها وهي فيها فضول العالم ليه الدور الثالث مايبيني اطلع اكيد فيه شي لازم اعرف وش فيه
^^
بعد اسبوع من الروتين الممل
مودة مشغوله الصبح تروح الدوام والظهر ترجع تنام واذا قامت تجلس تسوي اوراقها واشغالها لليوم الثاني بينما عبدالقادر مشغول في العمل اما قمر ففي الصباح تكون نائمه وتظل الليل بطوله تسهر وحدها تتابع المسلسلات وتعبث بوجهها للتعلم للميكب وروتين جديد بالنسبه لها
بعد العصر كانت جالسه بالصاله مع موده دخل عبدالقادر/ السلام عليكم
..../وعليكم السلام
عبدالقادر/كيفك قمر
قمر/الحمدلله انت كيفك
عبدالقادر / الحمدلله ....محتاجه شي ناقصه شي
قمر/ ابد يبه كل شي موجود ماقصرت معي الله يطول بعمرك ويحفظك
عبدالقادر وهو يضحك/ امين امين ويحفظك لي
طلع من جيبه جوال جديد اخر اصدار وبطاقه شريحه
عبدالقادر/ اعذريني يابنتي مادريت ان جوالك راح تالف تفضلي جوال جديد وشريحه جديده
قمر بفرح مخلوط بشعور العبء/ يبه ليش كلفت ع نفسك
عبدالقادر/ هذا ولا شي يابنتي لاكن ابيك تعلميني بكل شي ينقصك لاتستحين مني انا ابوك
توجهت له وحضنته بعيون دامعه
قمر/ الله يخليك لي
عبدالقادر/ امين يارب
مودة/ احم احم كانكم نسيتوني
عبدالقادر/ هههههههه اي والله نسيت ان هنيا فيه وحده غيورة
مودة/ اي والله اغار وقامت تحتضنه مع قمر
عبدالقادر بضحكه/ههههههههه كانكم تحتضنوني عارفين اني مسافر بعد شوي
مودة/ على ويين
عبدالقادر/.. عندي رحله عمل  تركيا اسبوع ووممكن اكثر
موده/الله يحفظك حبيبي
قمر/ الله يحفظك
وبينما مودة وعبدالقادر يتحاورون  سرحت قمر وهي تقول بنفسها/ الحين جا الوقت الي استكشف فيه الدور الثالث جدي مو موجود وعمتي راح تكون نايمه
مودة/ قمور وين سرحتي
قمر/ هـ ا لا معاكم