أيًا قمراً اضاء نور الحياةٍ تـسلل منتشلاً بؤسي وظلامي .. ☾ ♡

بارت٢

صباح يوم جديد واخر ايام الاختبارات
امل طفت المكيف وقامت تشغل انوار الغرفه
قومي قمر اليوم تأخرتي فالنوم
قمر وهي تفرك عيونها اخخ ماما شوي بس امس مانمت الا متأخر
امل/ وليش
قمر/ يعني ليش ياماما اذاكر وبعدها قمت ارتب شنطه السفر متحمسهه اول مرة اسافر مكان ولا بعد مكه بالقوة نمت البارح من الحماس
امل/ههههههههه يلا اجل قومي تجهزي للدوام اليوم اخر يوم لك بالمدرسه
قمر/يلا قمت
*
*
*
بالمدرسه
بهمس قمر
قمر
قمرررر
قمر/هاه شفيك
لين/بسرعه السؤال الثالث وش اجابته
قمر/ كلها صح ماعدا الاخير خطاء
لين/والاختياري
قمر رفعت الورقه لها
المعلمه ضربت طرف الطاوله وبصراخ
كل وحده عينها ع ورقتها هدووء
نزلت قمر ورقتها بسرعه
بينما لين تحاول تتذكر وتحل بجهد
بعد الاختبار
قمر / لين شفيك مهمله اخر سنه لنا المفروض ذاكرتي وشديتي حيلك!!
لين/ قمر لا تعذبيني انتي بعد خلاص حليت الي علي ماعاد ينفع اللوم
قمر/اكيد كنتي تفكرين في محمد وتغمز
لين/اف كأنك قاريه افكاري والله شايله هم ملكتي بعد رمضان
قمر/ متحمسه مرة اختي وصديقتي الوحيده بتتزوج وحضنتها
ضحكت لين بعد ماخففت عنها قمر التوتر
لين/ عقبالك
قمر/ نو نو نو ماراح اتزوج
لين/ لاجا فارس الاحلام وقتها نسمع ال نو نو هذي
قمر/ خليك مني الحين ايلاف شفيها معصبه
لين/ افففففف غثيثه غثيثهه صايرة حيوانه هالفترة
قمر/ افااا ليش
لين/ مدلعه وحالفه ع ابوي يدرسها جامعه خاصه
قمر/ وش قصرت فيه الجامعات الحكوميه
لين/ يعني ماتعرفين توأمتي شلون تفكيرها
متخيله انها حتى مو مهتمه لزواجي لا وبعد تطقطق تقول مين يتزوج بعد الثانويه! مايتزوجو بعد الثانويه الا الفاشلات الي ماراح تقبلهم الجامعه
قمر/ خير خير وش هالكلام !!
لين/ اهههه شايفه قاهرتني لا وبعد اقولها اذا بيدخلك ابوي انا معك قامت تقول خلي محمد يدخلك مو انتي خلاص بتتزوجين وتغمز الحيوانه
فطست قمر ضحك/ هههههه والله ما اصدق انكم توأم شتان بينكم كل وحده شكل وشخصيه
تأففت لين بملللل
لين/معليه الحين يلا قمر نلحق ع الباص
قمر / يلا
احتضنو بعض حضن قووي قبل يطلعون
لين/ بتوحشيني موووووتتتت
قمر / مو كثرييييي ياحيوانه
لين/ ماعرف ليش حاسه انو ماعاد بنشوف بعض
ضربتها قمر بكتفها / كلبه وش هالكلام كلها اربع شهور وببثرك نفس بثرتي الحين بس يارب تنقبلي نفس تخصصي
لين/ يارب انتي الي تنقبلي نفس تخصصي
طلعو للباص وهم يتهاوشون
*****
وصلت قمر للبيت
ودخلت قمر  و شافت امها وجدتها يتجهزون
الجده/ هلا بحبيبتي شلونك
قمر/ الحمدلله وانتي
الجدة/ الحمدلله باحسن حال هاه بشري
قمر/ لا ابشرك ميه على ميه
امل/ قولي ان شاءالله يمه
قمر/ ان شاءالله ان شاءالله
الجده/يلا بدلي ملابسك عشان نمشي
قمر بحماس / يلا يلااا
بعد ٣ ساعات
زوج امها /قمر بشريني كيف اختباراتك
قمر ببرود / تمام
امل وهي متفشله من بنتها /قمر خجوله وتستحي
سكت وكمل الخط بينما امل والجدة اخذتهم السوالف والضحك
رفعت قمر راسها وطالعت بالمرايه الا وخالد يطالع فيها
قمر تمتمت بهمس/ الله ياخذك
الا وفجأه تطلع قدامهم شاحنه وو...

انتهى البارت