~"مقيده بين الذكور!"~ (قيد التعديل)

فهد

.
.
~يعيال جيبوه اشتقت له ..~
.
.
.

دفنت وجهها بالشي الناعم من جديد وهي تبتسم لانه كان ناعم ودافي الشي اللي دافنه وجهها فيه

عقدت حواجبها وهي تحسه يهتز وصوت ضحك عالي من حولها

ارتفع الغطا عن راسها وغمضت عيونها بقوه لما جا النور بوجهها
تنهدت وهي تحس بيدين تحاول ترفعها وهي مو راضيه تقوم
بس ..

اول ماسمعت صوته رفعت راسها بصدمه وهي تناظر للي كانت نايمه بحضنه
مو بحضنه كانت حاطه راسها على بطنه تحسبه مخده

مسساااععددد !
 
صرخت بأسمه وعلى طول حضنته وهو كان يضحك على شكلها قبل شوي وهي نايمه

مسكت وجهه وهي تناظره بتمعن عيونه ذبلاننهه وكأنه نحف ؟

جود : ياعمري يامساعد حسبي الله عليهم شف شلون سوو بك

كلهم طيرو عيونهم لما حضنته وقعدت تمسح على شعره وهو ولا حركه ووقف ضحك

اما هذاك لف بزعل وحط راسه على الجدار
فراس : ابي اكون مساعد

جا بجنبه وحط راسه على كتف فراس
عبدالله: حتى انا وابي احد يمدحني بعد ويقوللي كلام حلو

تنهدو الاثنين وضمو بعض وكل واحد مبرطم

رفعت راس مساعد وهي عاقده حواجبها
: اليوم تطلع عشاك علي ولاتقوم ولاتسوي اي شي حتى بيتكم مارح تروح له بتقعد عندي وانا بهتم فيك

ابتسم ومسك يدينها اللي كانت على وجهه ونزلها

مساعد : واختي ؟ واهلي ؟

جود : اءءء اختك اخطبها منك ونجيبها معنا واهلك نحط لهم منوم وينامون وولاهم داريين عنك هههه

ضحكو عليها لما نطت من السرير وراحت لزاوية الغرفه

فراس : تستاهل اساسا محد قلك اخت مساعد خط احمر

جود : اصلا من زينكم لا انت ولا اختك

مساعد : ووشووشوو ؟؟

راحت ركض ورا فراس اللي طلع من الغرفه وهو يشوف مساعد يقوم لهم والعيال يضحكون
.
.
.
.
.
رجعو كلهم بسيارة عبدالله اللي راز فيها وكل شويه يتحلطم عليهم لايوصخونها

جود : اذا ماوصخناها مين بيوصخها انشاءالله ؟

فراس اللي كان يقطع الاكياس اللي ع المراتب
: ايوالله راشد صادق من بيوصخها غيرنا ؟

ناظر فوق بحالميه وهو يتخيل
عبدالله: حبيبة القلب عمري وقلبي وحياتي اللي افديها بكل ما أملك بس هي اللي توصخ سيارتي انتو تضفون وجيهكم

فهد : افاااا ذا شكله بيتزوج ويسحب علينا ولاعاد بيكلمنا

صقر : أشك انه فيه وحده بتقبل فيه اصلا

عبدالله: وليش محد بيقبل فيني ياحبي ؟ وش فيينني مو زين

مساعد : انت الزين كله وانشاء الله تتزوج وتجيب ولد وتسميه مساعد

جود : ايوالله لازم اول ولد لي اسميه مساعد عشان يطلع زيه

مساعد : ليش تبيه يطلع زيي انشاءالله ؟

جود : ليتك تشوف نفسك في عيوننا وبتفهم

فراس : صح والله لو اني بنت ماخليتك بحالك

كلهم هزو روسهم موافقين كلام فراس وراشد

اما مساعد وجهه حمر وطالع الشباك ومابقى اسم محل ماقراه ..
.
.
.
.
وصلو اخييرراا للمدرسه ونزلو من السياره

طلعت جوالها اللي يدق وحطته على اذنها بسرعه لما قرت اسم أمجد

الولد ماله حس حتى نسيت انها مخليته ببيتها

جود : هلااا مجوودديي

أمجد : هه اءء مو ناوي ترجع لبيتك ؟
مشت ورا خالد اللي رجع لها وجرها اول ماشافها باقي واقفه
جود : والله اني نسيتك معليش صرت انام بالسكن
قامت بخوف وحطت يدها على على صدرها
أمجد : يعني مارح ترجع ؟
..
جود : والله مدري بس انت اشوفك ماتداوم شفيك ؟ توني انتبه عليك والله مالك حس لاتلومني

أمجد : لا عادي عادي بس اءء خلاص قررت بكره اداوم عادي تجيني ؟

جود : الحين ؟

أمجد : ايه وبسرعه اذا ماعليك امر

جود : تمام ياعمري انتظر بس دقايق وانا عندك

قفلت الجوال وهي تحس بخوف على امجد اللي واضح يالله يتكلم من الخوف بس مدري من وش خايف

لايكون اللي كانو يراقبونا باقي موجودين يراقبون البيت ؟

ناظرت خالد اللي كان يناظرها ورافع حواجبه يناظرها ويفكر وين بتوصل بتفكيرها

جود : اسمع تروح معي ؟؟

تكتف وقرب منها
: وين ؟
تكتفت هي بعد وناظرته
جود : بروح لأمجد اجيبه هنا

خالد : مافي

مشى للغرفه متجاهلها وهي وقفت مصدومه
جود : على كيف امك انت ؟ رايح رايح غصبًا عنك