كيف يستطيع الإنسان أن يخدع هذه العصافير الصغيرة الحبيبة حينما ينظرون إليه بثقة و إيناس ؟
اسمحوا لى بأن اسميهم عصافير لأن العصافير أجمل كائنات فى العالم
#كتاب_الابله
دوستويفسكي
...........................
اكمل الدكتور شرحه و كلا من ريناد و مريم يركزوا فى كل كلمه تقال فهذا المجال حلمهم من البدايه
انتهى من شرحه ثم
قال/ كدا خلصنا يا دكاترة دلوقتى هنروح على المعمل نطبق ده كله
ثم خرج
و بعد قليل كان الجميع فى المعمل كلاً فى مكانه بجوار بعضهم البعض و كان يقف بجوار ريناد و مريم (انس) بجاذبيته المعتادة فهو أيضا فى كليه الصيدله
نظرت له مريم و هى
تقول
بهمس/ ايه الحلويات اللى على الصبح دى ولا نقول على المسا
ردت ريناد عليها بنفس النبره
قائله/ ركزى يا اختى فى الحلويات بتاعتك يمكن تحطى مركب غلط ولا كميه زياده تولعى فينا و اخلص من رائف و الوليه أم صباح
مريم بحنق/ يا وليه انهدى دايما كتمانى كدا ... بس فكك انتى مين المز ده
رفعت ريناد حاجبها
قائله / ده على اساس انك متعرفيش مين ده
هزت كتفيها بجهل
قائله/ و انا هعرفه منين و بعدين لو اعرف الاشكال دى كنت سبتها اصلا
أجابت ريناد
بسرعه/ اتنيلى انتى لو ولد قالك سلام عليكم بتقعدى متوتره بعدها لمده اسبوع عامله فيها منحرفه و انتى موكوسه ما علينا ده يا ستى انس الراوى و معانا هنا فى الكليه من سنه اولى و كان معروف أنه بيتمرقع و بيشيل مواد و لكن فى سنه تانيه ده كله اتغير و بقا مرشح بنسبه كبيره اوى أنه يكون من الاوائل
نظرت لها مريم بصدمه وهى
تقول / ايه ده ده لو عايش فى بيتكم مش هتعرفى عنه كل ده ثم غمزت لها شكلك مهتم ياولا
أجابت بلامبالاه / عادى سمعت كلام كتير عنه لما شال مواد فى سنه اولى و السنه دى اكتسح ماشاء الله و درجاته عاليه .... و بعدين اكتمى بقا عشان هنطرد
نفخت مريم/ كتمت
بعد حوالى ساعه و نصف انتهوا من المحاضره
تنهد انس بتعب و ذهب إلى (الكافتيريا) كى يأكل اى شئ فهو لم يأكل منذ الصباح
و فى نفس الوقت كان كلا من ريناد و مريم فى طريقهم أيضا إلى (الكافتيريا) بعد أن اقترحت مريم أن يذهبوا لشرب اى شئ يعيد نشاطهم
تنهدت مريم/ الكافتيريا زحمه بصى أنا هستناكى هنا و روحى انتِ انتِ هتعرفى تتعاملى مع الناس دى أنا لا
ريناد بسخريه/ حاسبى كدا عشان جناحك دخل فى عينى دا انتى اس المصايب اتنيلى
ذهبت لطلب ( ايس كوفى) فقد وقع اختيارهم عليه و لحسن حظها أنها تعرف المسؤوله عن الكافتيريا فانتهت من الطلب سريعا كانت ذاهبه إلى الطاوله التى تجلس عليها مريم
و فجاه اصطدم بها شخص و كادت أن تسقط و لكنها حافظت على توازنها فى اخر لحظه و سنقول لحسن حظها أنه لم ينسكب المشروب كى لا تقتل بواسطه مريم فعند الطعام و الشراب تتحول الى كائن يشبه الغيلان فى افلام اكلى اللحوم البشريه
التفتت إليه و صوتها يعلو
تدريجيا/ استغفر الله و اتوب اليه هو فى حد قائل ليكم اقرفوا ريناد ارحموا امى بقا
نظر لها بصدمه فقد كان على وشك الاعتذار و لكنها انفجرت فى وجهه مثل القنبلة المؤقتة لم تنتظر جوابه و ذهبت فى خطوات سريعه غير متعجله حتى لا يتكرر ما حدث مرةً أخرى تحركت و هى تندب حظها أنا عنه فوقف ينظر فى أثرها بصدمه وهو يقول / دى مريضه دى ولا شاربه حاجه و لا ايه دى
أنت تقرأ
هى قدرى
Bí ẩn / Giật gânكان الجو ممطر لا يسمع غير صوت حفيف الرياح و سقوط قطرات المطر فى هذا الوقت المتأخر كان الجميع يحتمى فى منزله بسبب حلكه الظلام و الأجواء غير المستقرة إلا هى كانت تركض بأقصى سرعة لديها توقفت تأخذ أنفاسها المهدورة و أكملت ركض بسرعه لدرجه ان السياره كادت...
