លេខាកំពូលស្នេហ៍(Jakehoon)

ភាគទី១០:ជីងចក់យក្ស

បន្ទាប់ពីសម្រេចសម្រួលគ្នាអ្នកណាគេងកន្លែងណារួចពេលនេះជាពេលវេលារៀបចំចូលគេងប៉ុន្តែរាងតូចនៅអង្គុយលើគ្រែងាកឆ្វេងស្ដាំរេភ្នែកមើលពេញបន្ទប់ដូចកំពុងរកមើលអ្វី។

" ឯងរកមើលស្អី ? " រាងក្រាស់សួរឃើញគេអង្គុយសម្លឹងសម្លក់រាប់ម៉ោងហើយមិនព្រមដេក។
" បន្ទប់នេះគ្មានបន្ទប់ទឹកទេហេ៎ស? " ជេគ ដាច់ចិត្តសួរ គេអង្គុយសម្លឹងយូរហើយរកបន្ទប់ទឹកមិនឃើញ។
" គ្មានទេ "
" Aww អញ្ចឹងឲខ្ញុំទៅងូតទឹកឯណាបើគ្មានបន្ទប់ទឹក "
" នៅទីនេះគេមិនធ្វើបន្ទប់ទឹកនៅក្នុងបន្ទប់គេងទេ គឺធ្វើនៅខាងក្រៅផ្ទះ បើឯងចង់ងូតទឹកចុះទៅក្រោមទៅបន្ទប់ទឹកនៅខាងក្រោយផ្ទះ " រាងក្រាស់ឆ្លើយបណ្ដើររៀបចំកន្លែងគេងបណ្ដើរឆ្លើយរួចក៏ប្រាស់ខ្លួនដេកធ្វើមិនដឹង។
" នៅក្រោយផ្ទះឬ? " រាងតូចសួរបញ្ជាក់
" អឺ " ឆ្លើយហើយបិទភ្នែកដេក

" លោកខ្ញុំមិនហ៊ានចុះទៅម្នាក់ឯងទេ លោកជូនខ្ញុំទៅបន្តិចទៅ " ជេគ ស្នើឲគេជូនទៅបន្ទប់ទឹកនិយាយតាមត្រង់គេជាមនុស្សខ្លាចខ្មោចខ្លាំងណាស់យប់អាធ្រាតថ្មើរនេះចុះទៅម្នាក់ឯងព្រឺសម្បុរណាស់។
" ខ្លាចស្អីឯង គ្មានអ្នកណាចាប់ទេចុះទៅងូតទៅខ្ញុំងងុយ ដេកហើយ " នាយមិនខ្វល់បិទភ្នែកដេកយ៉ាងរំភើយ។
" ណាលោកណាជូនទៅបន្តិចទៅ " រាងតូច អង្វរ
រាងក្រាស់ម្ដងទៀតតែគេមិនខ្ចីឆ្លើយសំខាន់ដេក។
" លោកដាច់ចិត្តម្ល៉េះ បើខ្ញុំចុះទៅហើយត្រូវខ្មោចលង ឬក៏មានគេចាប់ទៅបាត់បានអ្នកណាជួយខ្ញុំហា៎ស " ជេគ រៀបរាប់ធ្វើទឹកមុខកំសត់។
" មុខឯងគ្មានពីណាចាប់ទេខ្មោចក៏វាមិនហ៊ានលងដែរ " រាងក្រាស់ឆ្លើយទាំងភ្នែកនៅបិទដដែល
" បានន័យថាយ៉ាងម៉េច? "
" មានន័យថាមុខឯងអាក្រក់ជាងខ្មោចទៀត "
" ហឹស អាចៅហ្វាយឡប់ អឹសទៅម្នាក់ឯងក៏បានដែរខ្ពើមឲជូន " មុននឹងទៅរាងតូចឈ្លាតលើកជើងធាក់សាឡុងរាងក្រាស់គេងមួយជើង រួចបោះជំហានចេញពីបន្ទប់ទាំងខឹងគេបិទទ្វារខ្លាំងៗចង់របូតគន្លឹះ។ ពេលរាងតូចទៅបាត់ សុងហ៊ុន ក៏បើកភ្នែកព្រឹមៗលួចមើលគេថាចេញទៅមែនឬអត់។

_____________

" អត់ចិត្តណាស់អាចៅហ្វាយឆ្គួតជ្រូក ចាំមើលទៅវិញយើងនឹងលាឈប់ ឈប់ធ្វើការជាមួយអាតាមុខស្លេកឯងហើយ ក្ដៅចិត្តណាស់ " ចុះមកដល់ក្រោមរាងតូចរអ៊ូរខ្លាំងៗម្នាក់ឯង។
" រួចអីណាបន្ទប់ទឹកគេ " រាងតូចសម្លឹងរកមើលបន្ទប់ទឹក គេដើរទៅមុខបន្តិចក៏ឃើញបន្ទប់ទឹកមួយជួរជាប់គ្នា។
" នៅទីនោះតើ "
" ចូលបន្ទប់មួយនេះហើយ " ថារួចនាយតូចបើកទ្វារបន្ទប់ទឹកចូល។