أرحِم فؤادِي
أنتِ فَاتنه ومُفتنِه
لافَتَ انتبَاه الجمِيع بَجمالكِ الخَلاب تهَلكنِي عشقًا بِفتوَنكِ ،
أحضِيت لِي مَعشوق مُتمردٍ ومُدللٍ عَلى قَلبِي الخَاضعٍ لَكِ وَلتمَردَكِ ،
انا كُنت يَافعٍ وأخضَعتُ الجمِيع بهِيبتِي
وَبطغِيانِي السَليط وطبعِي الجبَار لَكن حِين رؤيتِي لِـ مُقلتِيكِ الاخَاذه؟ ،
آه سَلامًا عَلى ثبَاتِي آهَاتٍ عَليك
وعَلى عِيناك يَا كَاسر عَظمتِي يَا خاضعِي ،
أنا مَنسوبٍ لَكِ اميَرتي .
بقلمي انا ايڤين ❤️
__________________________
بغداد
حاجه بربع .. حاجه بربع
- شكد سعرها هاي يمه
سميدع - قطعتين بدينار حجيه
- ياا يمه مو جنها هواي فدوه لعينك قللي من السعر حتى اخذهن للبنيات منتضراتني على نار هاا يمه شكلت تنطيها
سميدع - حلال عليج حجيه اخذيهن بالسعر الي ترضين بي
- بارك الله بيك يمه مشكور ماقصرت تفضل سعرهن
سميدع - كل الهلا بيج حجيه
اخذتها بستها وخليتها على كصتي احمد ربي واشكره على هل نعمه
بدت قطرات المطر تعلن على جيه الشتا كمت على سريع اغطي بالغراض حتى لا يصير عليهم شي ولا يتنكعون من المطر كعدت جوه المضله واني اتامل العالم وهيه تترك كلشي وتروح على بيوتها حتى تدفى وتنام اخذت الكتب من الجنطه وبديت اقره عسى ولعل يمر عليه شخص يشتري بهل الوقت
بده المطر يشتد شويه شويه ايست يجي احد يشتري بهل الاجواء شلت البسطيه ولميت الغراض اخذتهم ومشيت بيهم للبيت متجاهل الثكل والتعب الي حاسس بي
اول مافتحت الباب وخطيت عتبت البيت لاكتني امي بفوطتها البيضه وهيه تمسحها خدودها الحمر من البروده تقربت من عدها وبدت تعاتب بيه وبصوتها نبره قهر
- الله يساعدك يمه ليش تاخرت وانت تدري بهل جو متخربط ضل بالي عليك
سميدع - والله ياايمه شغل وانتِ تدرين
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
