السميدع

بارت 36

الحبُ ليسَ رواية شرقيه .
بختامها يتزوجُ الأبطال .
لكنه الإبحار دونَ سفينة .
وشعورُنا أن الوصولَ مُحال .
هو أن تظل على الأصابع رعشة .
وعلى الشفاه المُطبِقات سؤال .
هو جدول الأحزانِ فى أعماقنا .
تنمو كرومُ حولَه وغلال .
هو هذه الأزمات تسحَقُنا معا .
فنموتُ نحنُ وتُزهِر الآمال .
هو أن نثورَ لأي شيء تافه .
هو يأسُنا هو شكُنا القَتّال .
هو هذه الكف التي تَغْتالُنا .
ونُقَبِل الكفَّ التي تغتال .

بقلمي أنا ايڤين ( ملكيا الجبوري ) ♥️

لاتنسون التصويت + التعليقات بين الفقرات حتى تشجعوني استمر 😔❄️♥️.

توضيح بسيط ♥️
زمرد حامل وهواي تعليقات ماحسها مناسبه ولا الها داعي مثل شكد تجيبين وشكد تخلفين محد بيكم تحسها قلة ذوق ؟ الانسان هو حر بهل الاشياء وهم حالتهم الماديه زينه مو نكول ماعدهم وديورطون الجهال اتمنى التعليقات تكون مُناسبه عيني ♥️.

___________________________

راسي على المرجوحه صافنه عيوني على الغيوم يلي تزين السما
اهز المرجوحه وتقلصات ببطني تأذيني

ضحكت واني اسمع عركات امل و تغريد بيناتهن صايره حرب البسوس .. وحده تعير بالثانيه وحده تحجي على الثانيه

حقد ونفاق وكراهيه .. لطيفه تطلع من البيت وتدخل براحتها تزيد الحطب على النار وتخلي الدنيا تحترك وراها تروح لبيتها

رجعت لرجلها رغم بكل مره يكتلها ويطردها وشكد يحجي وياها سميدع بس لا حياة لمن ينادي

صارلي فتره حاسه بيها ترش شي كدام عتبته غرفتي .. ارجع وره ماتكمل رش اشطف المكان واسمي باسم الله واقره سورة البقره

صار القرآن والادعيه مايوكف لساني بترديدها .. خايفه على جهالي خاف تشربهم لزمت واحد واحد منعته يقبل من عدها شي وحتى لو نجبروا ياخذون وبعدين يشمرون

نزلت دمعه من عيوني مشتاقه لاهلي ..
اخذت نفس بعمق اهمس : تهون مثل ماهانت الأصعب منها

حسيت على شخص يكعد بصفي بالمرجوحه ضليت على كعدتي بدون لا التفت اعرفهم واعرف خطواتهم واحد واحد