السميدع

بارت 11

رَمِت الفؤادَ مَليحةٌ عَذراءٌ

بسهامِ لحَظٍ ما لهُنَ دَواءٌ

مَرّت أوانَ العيدِ بَينَ نواهدٍ

مِثل الشَموسَ لحاظُهن ظبَاءٌ

فاغتَالنِي سَقمي الذي فِي باطِني

أخفَيتُهُ فأذاعهُ الإخفِاءٌ

خَطرت فقُلت قضيبُ بانٍ حركتَ

أعطافهُ بعَد الجنَوبِ صباءٌ

ورَنت فقلَتُ غزالهٌ مَذعِورةٌ

قَد راعَها وسط الفَلاةِ بلاَءٌ

وَبدَت فقلَتُ البَدرُ ليلهَ تمَه

قدَ قَلدتهُ نجُومها الجوَزاءٌ.

بقلمي انا ايڤين

لاتنسون التصويت وتنطوني رائيكم بالتعليقات 🩷

________________________________

سرمد - لعد حجي أنتَ المفروض ..

سميدع - تصنمنا بمكانا بعد اصوات الطلق المتتاليه سمعنا صرخه زمُرده وصوت ثاني وياها مبين الخوف عليه 

طلعنا من المجلس نركض لمصدر الصوت الي جان بالطارمه الخوف الي بملامح زمرده كاعده بالكاع وايدها على راسها ولازمه مالك من ايدها الثانيه

سميدع - لك حميد شهل تصرف هذا
حميد - شبيك يمعود ردت اشوف بي طلقه لو لا وشون طلعت بي شمدريني اني

سرمد - وحق الله أنتَ واحد فلا تستحي على نفسك هاي سوايا تسويها ولك يعني مقتنع بنفسك بس فهمني
حميد - عمي شجاكم اكلتوني وشربتوني هو غير بالخطأ لا تلحون

حجي سعد - لو صاير شي على بنتي وحفيدي بشنو يفيدني الخطأ مالتك
حيمد - لا والله عمي بس

حجي سعد - امشي وراي للديوان حميد
حميد - حاضر عمي

سميدع - دخل للديوان وجهه مبلوع يباوع علينا و رجليه كوه تمشي لو بيده مايروح
سرمد - هه شوفه شون خاف لا ينأخذ كُلشي منه

سميدع - ابصم الك بهل لحضه راح ياخذ من كُلشي ويرجعه مثل ما جان وصدكني
سرمد - بدون ماتحجي مصدكك لان هاي مبينه منتهين منها

زمرد - يعني حجيتوا وياه حتى يرجع مثل قبل واحسن
سميدع - طبعًا حجينا بس الي صار بي مو قليل راح ياخذ فتره لحتى يرجع أقوى من قبل

زمرد - بس المهم اقتنع بكلامكم
سميدع - اي اقتنع الحمدلله

زمرد - الحمدلله وأخيرًا
سرمد - شنو شعجب شهرزاد ماهيه هنا شعجب تخلي ابنها هيج طالع

زمرد - شهرزاد نايمه وخطيه تعبانه من الحمل
سرمد - شنو يعني حامل هيه

زمرد - اي بس ماحبت تحجي لان تعرف بعد شصار بـ اخونا ماكو فرحه بعد
سرمد - الله يسهل عليها من رخصتكم اني رايح