راجع بطرگ الحزن
خسران مدري انبعت
بس الجرح تذكار
راجع وطن منَ حرب
حزني إعلى كد الجثث
ميت وادور ثار .
بقلمي انا مليگا الجبوري
لاتنسون آلتصويت والتعليقات بين الفقرات ( اذا وصلن التعليقات بيوم واحد 600 باجر انزل الكم بارت طويل 😭🩷🩷).
اذا شفتوا سحكات غلسوا طويل حيل وتعبت بي 😭🩷🫂
____________________________
كاعده ايدي على خدي صافنه على شهرزاد وحالتها
حميد بره يصيح ويستريح .. وهيه لامه رجليها وساكته
دخل ديغم يشمر بالغراض ويصيح علينا
- كُله من وراكم انطيتوووه عين خليتوه يتمادى كم مره كلت لحد تقبل لحد تخلي يتقرب من بيتنا
طك گلبي وكمت بوجهه اعيط بي
- كاافي عاد احترم نفسك الي يسمعك مدخلي للبيت ويانا الرجال هم ابنه المات وراد يسوي الفاتحه ببيته همين
ديغم - ولج حميد اكبر نكس و حقير شنو يسوي فاتحه مالك يمه
زمرد - انتَ مو طبيعي ديغم جاي تصيح علينا احنا بياا حال
مُتيم - عوفهن عوفهن ذني انفلتن من راح ابوي بس هين هين
باوعت لديغم يلي دفع مُتيم وطلع من البيت .. رجعت اباوع لمُتيم يلي يخزر بيه
زمرد - شوف ولك صوتك ماترفعه عليه لان اخفي الك
مُتيم - خوش مسويات شله مال **** يسرحن ويمرحن
لطمت على خدودي اعيط بي
- يا حسافة ابووي بيك يا حسافة ترباته و كسرة ظهره
مُتيم - انتِ وابوج بيش الكيلو خبصتينا خبص بس خل يولي الخنيث حميد وشوفن
طلع من البيت واني بعدني واكفه بمكاني من الصدمة جسمي ميتحرك .. درت وجهي على آريـا يلي كعدت بلكاع طاكه من البجي
رجفت ايدي اريد اروح لـ شهرزاد احضنها .. خلت ايدها تمنعني
- وخري عني ماريد
دمعت عيوني اتوسل بيها دفعتني بخفة ودخلت للغرفه قفلت الباب عليها .. كعدت بالكاع انفاسي مضطربه
حاسه راسي ينبض و گلبي مضطرب يريد يطلع من مكانه .. شهكت بدون دموع اعصر بالمخده يلي بصفي
آريـا - زمرد حبابه شنسوي
زمرد - مادري ضاع الكلام من عندي كُلشي اختلف وضاع
آريـا - شراح يسوي مُتيم
زمرد - مادري آريـا اني حالي من حالج
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
