فگدك ثگيل ولا دوة يفيد
ولا شالته متون الچواديد
يفلان وصلت للتجاعيد
شترید خايب بعد شتريد
جا ما گلتلي انت حزني
الليله كلهن يوجعني
مگابل شبابيچك واغني
هان العشك يربات حضني
بقلمي انا مليكا الجبوري
لاتنسون التصويت و التعليق بين الفقرات عمري انتوا 🩷
_____________________________
واكفة بالصالة ببدلتي المُمزقه و الشال محطوط على جتفي كدامي لطيفه تعالج ابنها و تَدعي عليه كُل دعوة يقشعر جسمي من قوتها و قدرتها على نطقهَا
صاحتَني بيبيتي تأشَر على مكان بصَفها
- تعالي يمه أكعدي لتضلين واكفه
لطيفه - لا يمه خاف ماتقبلين تكعديها ببيتي وهيه فاشخه ابني والله شفت هيالك و مستهترات بس مثلج بعمري وحياتي مشايفه
- اسكتي لطيفو لا تخليني اكوم امرد حلكج
لطيفه - لا والله يمه هيه هاي العايزه تمردين حلكي
- كافي تحجين و تشمرين حجي على البنيه
لطيفه - يمه ابني دمه بطوله
- لعد مادافع على نفسه ابنج الطرطور
لطمت على صدرها تشهَك
- عزا بعيني يمه أَني ابني طرطور !
- لو بي خير ماستقوه على مرته
لطيفه - كولي هيه مصلفه محد يجرعها
- من يوم يومها نيار هادئه ومالها حس
لطيفه - خانسه ضامه المشاكل والبلبله كُله من راسها
- خافي ربج لطيفه لتحجين على البنيه هيج مايصير يمه مايصير
لطيفه - جان خفتي ربج من شفتي و سكتي و قبلتي
سكتت بيبيتي عيونها مدمعه مهضَومه .. خلت عيني بعيونها مبرطَمه شفايفَها بقهر ممزوَج بحسرة :- تعالي يمه بصفي اكعدي
لطيفه - هذا ألبيت أحركه بلي بي اذَا خلتيها تكعد على اثاث بيتي يمه هسه احركه
- ليش يمه ماربيتكم هيج
لطيفه - ربيتي غيرنا احسن تربايه شسوين بينا
- كُلكم اولادي يمه
لطيفه - خلي أهتمامج بأبنج جبيرج احسن معليج بينا
رفعَت أيَدها تدعي من كُل گلبها بكُل جديَه
- ياربي انطيها العقل لهل خبله
لطيفه - هواي تجاوزتي عليه يمه و سكتت الج
- شقصدج بسكتَت الج ؟
لطيفه - أنتِ امي و ماريد اقهرج بس انتبهي لكلامج لا يشمروج بذاك المكان ديري بالج
رجفَت أطَراف بيبيتي تمسح دموعها بالشيله
- ولج يمه ليش تسوين هيج اخاف عليكم اني والله تتحاسبون بعدين
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
