وَأغارُ مِن ثغرٍ يُنادِي بأسمَهُ
حتّى وإن قَصدَ المُنادي غَيرهُ
وَأغارُ مِمن يَكتُبونَ قصائِدا
فِيها وصُوفٌ قدّ ابانَت سِرهُ
وَأغارُ مِن اهلِ القَبيلةِ كُلهُم
كانوا لهُ عِند الشدائِد ظهرهُ
بقلمي انا ايڤين ❤️
_____________________________
صادق - شهرزااااد ويينج
فتح الباب بكُل قوته ودخل علينا
زمرد - كمت على حيلي وكفت كدامي شهرزاد و هو واكف كدامنا عاكد حواجبه
صادق - شبيجن وجوهجن صفره ولجن
زمرد - مو مو صحت على شهرزاد
صادق - اي صحت على شهرزاد ماصحت عليج لعد شبي وجهج اصفر و شفايفج بيض
رزان - ولك صويدق مو كُتلك لا تخرعهن و تدخل عليهن هيج
صادق - شمدريني هيج يخترعن صارن صفر شبيهن ذني
زمرد - هو غير ماشفت نفسك شون صحت على شهرزاد
صادق - هيه وينها صايره كدامها حاجبه علينا الرؤيه مجاي نشوفها
شهرزاد - طيحت گلبي صادق هو هيج تصيح عليه
صادق - دكومي كومي ابوي يريدج
شهرزاد - ابوي شنو شعجب
صادق - لعد أني شمدريني هو غير يريدج الج لو ادري ماجيت الج حتى اعرف السالفه شنو
زمرد - دمشي انزلي كدامي و احنا بضهرج اي كفخه تجي منا منا احنا نطفر كدامج مو صح صادق
صادق - اي شهر لا تخافين احنا بضهرج نحميج
شهرزاد - إذا انتوا تشردون قبلي شون تحموني امداا حضي اذا صدُك وخروا داروح اشوف ابوي
نزلت واني اطك سن بـ سن خايفه لا حميد سواله سالفه كدام ابوي دخلت للكعده لكيت امي كاعده بصفه تهز راسها
" صحتني بابا
حجي سعد - اي بنيتي تعالي عندي جم حجايه وياج
رحت كعدت بصفه اباوع لامي واحجي متوتره
شهرزاد - كول يانور عيوني يا بويه تأمرني أمر انت
حجي سعد - ما يأمر عليج ظالم يبنيتي عندي موضوع وياج و اريد اشوف ردة فعلج عليه
شهرزاد - شنو هو الموضوع
حجي سعد - عمج ابو حميد اجه وطلبج لابنه على سنه الله و رسوله
" شهكت زمرده بصوت من الصدمه .. باوعت عليها وعضيت شفتي حتى تتدارك صدمتها
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
