السميدع

بارت 21

بَدِيعَةُ الخَلْقِ تبدو لِلوَرى قمراً
وتَنُبِتُ الحُبَّ في الدُّنيا خَصَائِلُهَا

ذَكِيَّةٌ تُلهِمُ الأذْهَانَ فاهِمَةٌ
تَفِيضُ فِكراً إذا ما هَلَّ سائِلُهَا

العَقلْ يُبدي كَمالاً في تَرَزُّنِهِ
والوَجْهُ إلهَامُ دِيوانٍ يُغَازِلُها

لّما إبتَسمتِ ، تَساقَطَتْ أحزَاني
وَعَرفتُ بَعدَ التِيهِ أينَ مَكاني

فَلتُخبريني يَا نِهايةَ أدمُعي
كَيفَ إنتَصرتِ عَلى الأسَى بِثوانِ؟

وَهَدمتِ أسوَارَ الدُموعِ بِبَسمةٍ
وَبنيتِ أفرحاً بِغيرِ مَباني

بقلمي انا ايڤين

لاتنسون التصويت يروحي انتوا + علقوا بين الفقرات حتى تصعد القُصه و حبابات بدون نقاط لان تنزل القُصه ماتصعدها 🩷🩷.

__________________________

كمت اريد اسد الشباك و اني اضحك وي سوسو .. اخذت الشباك اريد اسده و لمحت شخص من بعيد يمشى و يتلفت .. اختفت ابتسامتي احاول افهم يلي اشوفه كدامي

نبضات گلبي صارت تنزايد احاول انفي الشي يلي شافته عيوني هناك .. رجعت لوره مخليه ايدي على كلبي انفي الي شفته براسي

سميدع - شبيييجج زمرررده شبي كلبج لجج شصار
زمرد - ديغم ديغم

سميدع - خرب هذا شديسوي بهل ليل شكاعد يدفن
زمرد - خاف مسويله شغله سميدع خل نلحك عليه يمه عزاا

سميدع - اششش اكعدي بمكانج و لا تتحركين خطوه وحده اني نازل اله
زمرد - رجلييي على رجلككك مااتننززززل مااتنزززل ماكو

سميدع - زمُرده !!!
زمرد - ماخليك تنزل وحدك ولا اخليك اني شنو يضمن الي مامسوي شي طايح حضه و تتورط وياه

سميدع - خل اشوف سالفته و اجي مايصير عليه شي محد يموت قبل عمره
وخرت ايدها يلي جانت لازمه ايدي بكل قوتها .. جانت تتوسل بيه بعيونها بس مستحيل اسكت بعد على سالفه ديغم يلي جاي يصير حيل هواي

امشي بهدوء بإتجاهه بعد ما طلعت من البيت .. جان يحفر من شفناه فوك بس هسه مكمل كُلشي يريد يشيل الغراض و يمشي .. ضليت واكف وراه بدون ماحجي اي كلمه

عدل وكفته حاس بشخص وراه التفت عليه بهدوء ، ابتسم بوجهي و رفع راسه للسما بحركه سريعه
سميدع - شسالفتك ديغم .. لو تريد اسميك الضبع