لّما إبتَسمتِ ،
تَساقَطَتْ أحزَاني
وَعَرفتُ بَعدَ التِيهِ
أينَ مَكاني
فَلتُخبريني يَا نِهايةَ أدمُعي
كَيفَ إنتَصرتِ عَلى الأسَى بِثوانِ؟
وَهَدمتِ أسوَارَ الدُموعِ بِبَسمةٍ
وَبنيتِ أفرحاً
بِغيرِ مَباني
بقلمي انا ايڤين
أتمنى تقدرون تعبي وتتفاعلون حتى انزل الكم اسرع البارتات لاتنسون التصويت وتنطوني رائيكم بالتعليقات .
فدوه علقوا بين الفقرات حتى تصعد القصه.
_____________________________
الوجع الحقيقي يكون وقت ماتكدر تعبر عن مشاعرك بشكل الصحيح من تنحرم من ابسط شي تحتاجه وهو الحزن على الاشياء الي خسرتها
احنا ماكدرنا نعيش الحزن على موت أخونا الي مات مضلوم ومحد يكدر ياخذ بحقه غير رب العالمين .. الكسره والخذلان بداخل كُل فرد من عائلتنا وبالتحديد ابوي ماتنوصف بكلمات بسيطه
شهرزاد - منظر ابوي وهو مكابل جهال صادق و عيونه تدمع بدون اي صوت من عنده يكسرلي گلبي ويهد حيلي .. امي الي من وقت ماعرفت بالموضوع وهيه نايمه بفراشها وبس تنعي و تنوح على صادق وحيدهم
الشي الوحيد الي ماجنت مخططه اله هو آن أكون حامل ماكدرت افرح ولا كدرت افرح اهلي لان مصابهم و جرحهم عميق
انتبهت على مالك الي راح يم ابوي يلعب بلحيته يلي ترسها الشيب من بعد وفاة سنده بهاي الحياة .. ابتسم بوجهه واخذه بحضنه يطبطب على ضهره بهدوء
صحيت من صفنتي على صوت زمُرده وهيه تحجي وياي
زمرد - شهرزاد
شهرزاد - ها عيني
زمرد - حبيبتي شبيج شو وجهج اصفر
شهرزاد - اووف زمرده
زمرد - اسم الله شبيج بس لا حميد مسويله عركه جديده تراا والله هسه اروح اسحله تراا كُلش مصخها
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
