راجع بطرگ الحزن
خسران مدري انبعت
بس الجرح تذكار
راجع وطن منَ حرب
حزني إعلى كد الجثث
ميت وادور ثار
بقلمي انا مليكا الجبوري
لا تنسون التصويت و تنطوني رائيكم بالتعليقات 🫂✨.
____________________________
اخذت الموبايل فاتحه الخط ابتسمت بوجه لطيفه
- الو ها شهرزوده شون.. شبيج شهرزاد شدتحجين شصاير
كمت على حيلي جسمي يرجف من فوك لجوه تحجي وتصرخ واذني تصوفر .. گلبي ينبض بسرعه اتنفس بصعوبة
شهرزاد - ألحَكيلي اجَه مُتيم هاد على أسيد بالسلاح راحَ يكُتله
فتحت عيوني مصدومه صرخت بقوه بعد ماسمعت صوت طلك وعياط شهرزاد :- مُتييييم
زمرد - شهرزااد شصاير
شهرزاد - ماكَو شي زمُرده راح أسَد الخط
زمرد - شنو تسدين الخطَ شهرزاد لا تَخبليني !
شهرزاد - أَني أفتهمَت خطَأ ماكو شي
زمرد - دتجذبين عليه !
شهرزاد - لا مَدا أَجَذب راح أَروح
سدت الخطَ بوجهَي خلتني صَافنه على سميدع يلي جَان كدامي عاكد حواجبَه .. نملت عيوني دموَع أَتوسله :- حباب رجعنَي لـ بغداد
دَار وجها عني يباوعَ على نيار هز رأسه الها وصاح بيها
- يلاا جهَزوا غراضكُم راجعين لـ بغداد
لطيفه - وين عايفنا سميدع
سميدع - كافي لطيفه جهالي كل واحد بمكان
لطيفه - شون تعوف امي
سميدع - حسن وحسين يمها
لطيفه - بس ذني البيوت بأسَمك و بيت بغداد هم بأسَمك
سميدع - أَنتوا اهلي لطيفه شنو اطردكم قابل ؟ أَكيد لا
لطيفه - والله ياخويه مو علمود شي بس مامتعوده أبقى بعيده عنك
تقَرب عليها لازم وجها بأيَده يبتسم
- أَني يمج قابل أعوف اخيتي
حضنته تبجي :- يابعد عيني يا خويه راح نشتاقلك
سميدع - شلقضيه قابل رايحين للحرب هيه بغداد هاي وياها
لطيفه - هم صدُك نظل وراك مانعوفك وحدك
سميدع - يلا وأَحنا نجيكم بس بوقت العطل
- حتسويها يبن بطني وتعوفني
كمت على حيَلي مِن دخلتي خالتي ام سميدع لازمها حسن يمشيها علكيف
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
