فلتسرِّحي شعركِ الطويل.
وانفثي أنفاسكِ.
على صدري.
كي ينبت الورد.
ويزداد الحنين.
لترقصي على أنغام.
المطر.
ولتتزّين السماء.
برائحة العطر.
وتتسابق الدقائق.
على صوت اقدامكِ.
فهي لحظة لن ادعها تمر.
دون ثورة.
بقلمي انا ايڤين ❤️
لاتنسون التصويت وتنطوني رائيكم بالتعليقات دااده .. ياريت متعلقون بايموجي او نقاط لان القصه ماتطلع بالبحث 🥹.
______________________________
مرت فتره ماتخلى من المشاكل الي تشغل بالي حاولت شكد ماكدر اقاوم كُل هذهِ الاحداث لحد ما أجه اليوم الي نولد بي ثمره من تعب عمري ابني مالك
الفرحه الي حسيت بيها اول ماصار بين احضاني خلتني انسى الوجع و كل التعب الي عشته طول ما اني موجوده وي حميد صار مالك فرحتي وهو الي خله الي هدف حتى أعيش وأكمل بهذهِ الحياة
نايم بحضني امسح على راسه بهدوء .. انتَ راح تكون سند اليه انتَ ياحبيب امك و روحها عساك تدوم الي وماتتركني بيوم
انعام ( اخت حميد ) : لج كوومي كومي شوفي اختج الحبابه شدتسوي كومي شوفيها راح تبوك منج رجلج وتخليج مشرده بشارع
شهرزاد - شكو انعام يعني مانخلص من مشاكل
انعام - والله هو صوجي اجيت احذرج لج كوومي حميد نهى على زمرد
شهرزاد - شنو .. شنو شكاعد تحجين انتِ
انعام - امداج ضلي هيج ثوله اختج ذيج باكت رجلج وانتِ كاعده بنفس مكانج
شهرزاد - حسيت دكات گلبي تتزايد بعد ماسمعت هل خبر مستحيل زمرد تسوي هل حركه اختي وادري بيها تحب السميدع ليش حتى تقبل بهيج ياربي شكاعد يصير
خليت مالك على صدري ونزلت اركض على درج اريد اشوف شصاير .. اول مادخلت للصاله كامت ام حميد غمتني
ام حميد - امداجن خطافات الزلم شكد اريد اخلص منج نوب اجيب اختج
شهرزاد - حميد شنو ناهي على اختي ولك انتَ مو تدري حرام شكاعد تسوي
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
