السميدع

بارت 26

السواد الشفته منك صار ع الايام طاغي

والاريدة وياك صفقة اني اطلع من حياتك

وانت اطلع من دماغي ولا يظل بالك علية

اني يمك واحس وحدي ماستغرب من فراغي

بعد ميهمني وجودك يـ الوجودك چان مُلفت

"من قبل اني گلتلك لمن اعتب يعني احبك

وخاف مني لمن اسكت وراح اسكت

بقلمي انا ايڤين

توضيح بسيط 🩷:
تسريع الاحداث بناءً على طلب الابطال و لان ماجان عدهم احداث خلال هل كم سنه و من هل لحضه دخلنا بشي جديد 🩷

لاتنسون التصويت كُلش مُهم عندي + التعليق بين الفقرات

___________________________

بغداد 2000

فِي وجَناتَها حدائقً وَ أراضْي تَفوحَ مِنها رائحَة الأقحَوان .. وفِي عَيونها نُجوَمًا يحَكي عِنها فِي قَصصيَ الخَيال تَحوكَ فَي خَفْايَاهْا العَدْيد مِنَ الأسَرارَ عَنْد خُيْوَطِ شَعِرَها الحَرْيرَيٌ أَلوَانٍ قَدِ أَخِتَارَهْا أَبَدِعُ فَنْان

ابتسمت بأَنتصار بعد الكلام الي كتبته شكيت الورقه اطبكها ضامتها وره ظهري .. وكفت كدام المرايه ارفع شعري اقلدها بكُل حركه أَخذت نظره على شُكلي بكُل رضى

فتحت باب غرفتي بهدوء انزل على اطراف اصابعي .. اخذت نظره للبيت عرفت بيها مو هنا بالمكان يلي هيه تخلص بي كُل يومها

طلعت لبره شفتها مثل ماتوقعت كاعده تقره دعاء الصباح و بصفها صينيه الريوك .. أَخذت نفس عمييق أستنشق رائحه الهوى العطره قطرات المطر الخفيفه الرياح البارده يلي تداعب وجناتي

تقربت من عدها اكثر ابتسم لامه شفتي بحلكي
زمرد - اممم شعندج

نيار - كتبت الج شي

ابتسمت بوجهي بهدوء تدخل الطمئنينه بداخلي
زمرد - شكتبتي

نيار - غزل الج مثل يلي يكوله بابا
زمرد - شوفيني شو

انطيتها الورقه شابكه اديه بحماس حتى اشوف رده فعلها حسيت الدنيا ماتوسعني من فرحتي بعد ماشفت ابتسامته على وجناتها الجميله