اذكرني من تبتسم
من تحزن انساني
ما أضن نرجع سوه
بس لا تحب ثاني ولا
تنطي روحك تره مو كل
بشر اني بأجر إذا زعلك
ماراح تلكاني ما تلكه
مثلي يهدلك الحيل
نعسان بس يسهرك الليل
يعتذر منك وانته
الغلطان ومن اليغثك دوم زعلان
بالمختصر لا تحب عن لايأذونك...
بقلمي أنا مليكا الجبوري
لاتنسون التصويت و تعليق بين الفقرات يحلوات 😔🦋
____________________________
خليت أيدي على القفل وفتحته
مديت راسي بَس نشل جسمي من يلي شفته
رجفَت شفايفي أرمش بعيوني
- ديغم !
مشه بخطوات بطيئه لجوه
جسمي يرجف وجها بي دم و أيده تنزف
وكف كدامي يباوعلي
شعره نازل على عيونه الجميله
حجه أسمي الممزوج بشهكة هدمت حيلي
::- زمُردة خويه
مديَت أيدي أله أبجي
- ها يبعد أختك أنتَ شبيك
::- هدموا حيلي ياخويه ..
حجه هل كلمه وطاح بالكاع
لا أيد ولا رجل تتحرك ساكن بمكانه ..
دنكت عليه ارفعه أَصيح على الولد
أَجره بضعف ماكدر على قوة جسمه ماكدر
رفعت راسي أَصيح مرة ثانية
- ولكم يمه وينكم تعالوولييي بسرعة
طلعوا على صوتي يركضون
أجـه لهيم و ضِغاب مستغربيـن وضعي
صحت بيهم بقوة :- شيلوو لخالكم لا تصفنوون
دنكوا عليه شالوه
ركضت كدامهم فتحت الباب
دخلوه على كيف للصاله وأني اروح منا واجي منا
رحت جبت اله غطى غطيته
وركضت أجيت تعقيم و ادويه انطيتهم للولد
كعد لهيم يمسح وجها
صفن عليه لحظات وحجه بهدوء
- النزيف من خشمه و أيده اعتقد داخله بيها كزازه
ضربت على خدودي وصحت
- عزا العزاني منين اجاه هل كزاز
ضِغاب - والله يا أمي ماكو تفسير ثاني غير ان كاسر شي وداخله بايده بالغلط
زمرد - وخشمه
لهيم - تلكي ضغطه
ضربت رجليه أعض شفتي ابجي
- سوده عليه ياخويه ماتكلي شبيك هيج
سميدع - كافي زمُرده
زمرد - والله شوفته دمرتني هيج بعمري مافكرت اشوف ديغم الهيبه هيج
سميدع - كوم سوي يلي أكُلك عليه
بحسب شغل سيد القديم
كان يعرف بهيج حالات وياما ياما ساعد مثلها
كعد يعلم لهيم شيسوي
جان كاعد بمكانه بتعب بس ماتركه
ماترك ديغم لحظه وحده مثل عادته القديمه
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
