من يوُم الرِحت ما غمُضت عِيني
ومَدري شكُد ذِكرتك وانتَ ناسينيَ
وكِت خَلاك صَاير وينّك ووينّي
أنَه الحَافظ أسرارك وانتَ يمَ الناس
مو بَس تِنطي بيّه يجُوز تنطيني
بقلمي أنا مليكا الجبوري
لا تنسون التصويت يحلوات و تعليق بين الفقرات 🫂🦋
____________________________
يارا بالكاع وفوكاها شخص يخنك بيها ، رجف جسمي اعيط
- گلب حقيرررر وخر عنها شتريد منهااا
جان ملثهم ماهتم لكلامي ايده على حلكها والايد الثانيه يخنك بيها
صحت بصوت اعلى بيه :- لك حيوان ماااتسمع شداحجي
انسعقت و الدنيا افترت بيه بعد ماشفت هل العيون كدامي
ايدي ترجف طحت بالكاع اتنفس بصعوبه
- لا لا هدها لا تسوي بيها هيج
يارا - روحي من هوون آريـا اهربي بسرعه
كمت على حيلي ادور على اي شي يساعدني ، شفت الكرك كدامي على الحايط اخذته بسرعه ضربته على راسه
ابتعد عن يارا ايده على راسه يتألم
كامت يارا تكح خايفه لزمتني من ايدي جسمها بارد ترجف بشكل مو طبيعي
سحبتني من ايدي للمطبخ قفلت الباب تزلغ خدودها
- قتلتي قتلتي قلت الكِ روحي لا تبقين
آريـا - يارا شبيج ماكتلت احد
يارا - اكيد راح يموت
آريـا - يااارا لو عايفتج جان قتلج
يارا - مايقتلني مايكدر يقتلني
آريـا - منو هذا يارا
باوعت عليه خزرتني تنتر بوجهي
- مادخلكِ امشي اصعدي فوق
آريـا - انتبهي على تصرفاتج و طريقه كلامج يارا
يارا - واذا مانتبهت شنو حتسوين
ابتعدت من عدها عاكده حواجبي اهز راسي بصدمه
آريـا - مو معقوله انتِ ابد
يارا - الله ياخذك اصعدي لفوق ماشفنا منكم غير الهم والغم
آريـا - اكيد مو واعيه على يلي تحجي مو
يارا - لا انا واعيه جدًا بس انتِ ماعاد تفهمي شي
آريـا - شبيج يارا شهل تصرفات
يارا - اشششش كافي كافي شكد تحجين امشي اصعدي
آريـا - دتطرديني يارا
يارا - حيل بيكِ براا بيتنا اطلعي حسي على نفسك
آريـا - انتوا طلبتوا ابقى يمكم على فكره
يارا - غصب علينا حتى لا تخزين راس اخوكِ
آريـا - انتِ مو صاحيه حاليًا استبعد صاحيه
يارا - اهووو شوكت اخلص من هذا الكلام الماصخ
أنت تقرأ
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
