انياط الأنتقام

part 5

لا تسألني ، هل أُحبُهُما ؟
عينيكَ، إنِّي منهما لهُما

#الكاتبة من البصاروه
#انياط الانتقام

....

باوعتله تقدم ناحية المكان الي انه بي خفت مو خفت وانما قلقت ناحية انو لولد محاوطيني كلش
زين هل فتره وصراحه
اشوفها تقليل من احترامهم اذا شافوني وي شخص
مثل عزيز

عزيز:- موافق ع كل شروطج

رفعت حاجبي

:- تترك اهلك؟ ..تخليلي بيت يم بيت امي؟..تخليني اكمل دراستي؟ ..تخليني اكمل ماجستير بره؟
ماتتحكم بيه وتفرض سيطرتك عليه؟

باوعلي محتقن وعيونه مدمعه وحمره للحظه استخطيته بس رجع كلبي قسه علي

سحب نفس بضيق لدرجه صوت النفس الي بصدره سمعته

:-كلهن تم

ابتسمت رافعه حاجبي بأنتصار

:-احبج هواي لدرجة بعت اهلي كلهم عمودج يابت عمي

راح وهو جزء منه فرحان بأن رح ياخذ الي يحبها
وجزء يبجي قهر خسارته اهله

هزيت ايدي المابي خير بأهله مابي خير بمرته

سمراء:-حرام عليج

:-الحرام عليه ماعليج

سمراء:-ماله ذنب والله

تجيت روحي ع الكرسي كتفت ايديه

:-اختارو عروقكم فأن العرق دساس يعني طينته طينة اهله

:-شبيج تفسرين حسب الي يعجبج

:-بيت الخيون نفر نفر اصفيهم

اباوع عليها الحقد عاميها مو تاجه الي نعرفها
تاج شخصيتها تماماً مو هيج

تفكيرها اسلوبها انسانيتها رحمتها كلهن ينعدمن
يم بيت الخيون خايفه عليها بيوم تنكسر كسره
ماتنجبر

مو كرهاً بيها من اكلها حقوده بس هي ماتوعه ع نفسها الماضي طامسه بي لدرجة

رغم شكلها بسيط بس. عندها جاذبيه قويه
كلش رغم اذا ركزنا بملامحها نشوفها عاديه بس هي هيج عندها قوه عجيبه متمرده

خلصت محاضراتي قبلها لان هيي مجموعه واني مجموعه

اتصلت بمؤمل يجي ياخذني هو بس يريد واحد يكله تعال للكليه ويطبله هاي كل نزله اله هيج

اتصلت ع شهد تجي نطلع سوه لان مئيميل يعزيني

هي هم ماصدكت ع الله ركضت اول وحده صعدت كدام يمه وشمروني وره

مؤمل:- اردها بيوم عرسج سميره

ضحكت وهو شهد ندمجو يشغلون اغاني ويضحكون ومن نوع شهد مو خجوله لابالعكس بسرعه تنطلق
وي اي شخص مو بس مؤمل