انياط الأنتقام

part 30

ﭑݪبنية شِمـَا قوتت تحلىَ ...

#انياط الانتقام
#الكاتبة من البصاروه.. 🤎

..

بقت بالحمام تحاول تستفرغ
مكدرت طلعت من الحمام تبجي كامت تصرخ بصوت عالي انياط كلبها تكطعن بكل دمعه توكع منها توكع
مني..

شهد:- لاا مؤمل لااا شسويت ياحقير يانذل
الله ياخذني واخلص الله ياخذني والله كلكمم
حقرااء ماعدكم احساس بيه

طحنت كلبي طحن من كعدت بالارض وحضتت بطنها..

:- ماما حبيبي بعدك عايش هسه انتَ بيك نبض ماما لاتتركني ياروحي يلا امي لاتكسر امك حبيبي
لاتكسرني ابقه وياي والله اعوضك والله اسويلك المستحيل بس ابقه عايش وياي
امي تسمعني اذا تحبني ابقه بطني لتعوفني عفيه
ماما مو اني وياك رسمنه احلام بهل شهرين
مو جنه متفقين تنام بحضني
واغسلك ماما ونلعب سوه مو متفقين نعيش سوه ونكبر سوه

رحت حضنتها وابجي هي تدفع بيه..

:- وخر الله ياخذك كون وخر عساك انتَ ولاهو وخر تريد تحرمني منه..

فجاه سكتت باوعت ع الارض نملت دمايه شلتها ركض وهي سكتت وديتها للمستشفى للطوارئ كتلهم داتسقط وفهمت لدكتوره..

طبو جوه دخل عزام وامه..

ام عزام:- غضب الله عليكم حرام ولك عزامو تتفق وي زوج اختك ع اختك حتى تنزلون طفلها..

عزام:- اذا جان يخص حياة اختي فاني مو بس اتفق لا احرك العالم

ام عزام:- ولك يمه حرام ميجوز مدام اختك مقابله بهل الشي

فتحت لباب الدكتوره كمنه ملهوفين عليها

:- الطفل ممكن نقذه وقعو ع هل الورقه انو متريدو البنيه تبجي وتريده اني ممسؤله عن هل الشي
انطوني قرار سريع..

مؤمل:- اريد احجي وياها

كالت تعال رحت وراها شفت شهد تشهك ولازمه كلبها بالم رحت يمها حضنتها لكلبي لزمتني من تشيرتي وتتوسل..

شهد:- مؤمل بداعتي عليك مؤمل لاتكسر كلبي ما اعيش ما اعيش بدون اني خليي اموت والله اذا جهضته..

باوعت للحضه تخيلتها يغطيها التراب نعصر كلبي ربي امهلني القوه بلعت ريكي درت ع الدكتوره..

:- جهضي

صرخت شهد بقوه طلعت بره ابجي متدري اذا هي راحت اني انتهي..

طلعوها بعد ساعه حولوها للغرفه جان هدوئها فضيع تقربت يمها..

:-شهد حبيبي شبيج ساكته بيج شي كلبج يوجعج احجي لاتسكتين صدكيني لو ماحبج جان مسويت هيج حبيبي الطفل يتعوض بس انتِ متتعوضين خلينا نعالج كلبج لوو اضطريت انطيج كلبي وبطكاك بيه خلي اموت ميخالف وانتِ ربي الطفل لاتلوميني
احجي ليش ساكته